[797] Pubbeva khosi me vutto dukkaraṁ durabhisambhavaṁ cetaṁ
atha no upakkhatassa yaññassa kasmā karosi vikkhepaṁ.
Sabbe vajanti sugatiṁ ye yajanti yepi ceva yajāpenti
ye cāpi anumodanti yajantānaṁ edisaṁ mahāyaññaṁ.

[798] Atha kissa ca no 2 pubbe sotthānaṁ brāhmaṇe avācesi
atha no akāraṇasmā yaññatthāya deva ghātesi.
Pubbeva no daharakāle na hanesi na ghātesi
daharamhā yobbanappattā adūsakā tāta haññāma.
Hatthigate assagate sannaddhe passa no mahārāja
yuddhe vā yujjhamāne vā nahi mādisā [3]- honti yaññatthāya.
Paccante vā kuppite aṭavīsu vā mādise niyojenti
atha no akāraṇasmā abhūmiyaṁ tāta haññāma.
Yākāci sakuṇikāyo 4 vasanti tiṇagharāni katvāna
tāsaṁpi piyā puttā atha no tvaṁ deva ghātesi.
Mā khvassa 5 saddahesi na maṁ khaṇḍahālo ghāteyya
1 Ma. janayatha. 2 Ma. jano. 3 Ma. sūrā. 4 Ma. yāpi hitā sakuṇiyo. 5 Ma. tassa.
Mamañhi so ghātetvāna anantarā tampi deva ghāteyya.
Gāmavaraṁ nigamavaraṁ dadanti bhogaṁpissa mahārāja
athaggapiṇḍikāpi kule kule hete bhuñjanti.
Tesaṁpi tādisānaṁ icchanti dubbhituṁ mahārāja
yebhuyyena hi ete akataññuno brāhmaṇā deva.
Mā no deva avadhi dāse no dehi khaṇḍahālassa
api nigaḷabandhakāpi hatthī asse ca pālema.
Mā no deva avadhi dāse no dehi khaṇḍahālassa
api nigaḷabandhakāpi hatthichakaṇāni ujjhema.
Mā no deva avadhi dāse no dehi khaṇḍahālassa
api nigaḷabandhakāpi assachakaṇāni ujjhema.
Mā no deva avadhi dāse no dehi khaṇḍahālassa
yassa honti tava kāmā api raṭṭhā pabbājitā
bhikkhācariyaṁ carissāma.

[799] Dukkhaṁ kho me janayittha 1 vilapantā jīvitassa kāmā hi
muñcathadāni 2 kumāre alaṁpi me hoti puttayaññena.

[800] Pubbeva khosi me vutto dukkaraṁ durabhisambhavaṁ cetaṁ
atha no upakkhatassa yaññassa kasmā karosi vikkhepaṁ.
Sabbe vajanti sugatiṁ ye yajanti yepi ceva yajāpenti 3
ye cāpi anumodanti yajantānaṁ edisaṁ mahāyaññaṁ.
1 Ma. janayatha. 2 Ma. muñcetha -. 3 Ma. yepi yāpenti. ito paraṁ īdisameva.

[801] Yadi kira yajitvā puttehi devalokaṁ ito cutā yanti
brāhmaṇo tāva yajatu pacchāpi yajissasi rāja 1 .
Yadi kira yajitvā puttehi devalokaṁ ito cutā yanti
eseva khaṇḍahālo yajatu sakehi puttehi.
Evaṁ jānaṁ ce 2 khaṇḍahālo kiṁ puttake na ghātesi
sabbañca ñātijanaṁ attānañca na ghātesi.
Sabbe vajanti nirayaṁ ye yajanti yepi ceva yajāpenti
ye cāpi anumodanti yajantānaṁ edisaṁ mahāyaññaṁ.
[3]-

[802] Kathañca kira puttakāmāyo
gahapatayo gharaṇiyo ca
nagaramhi na upavadanti rājānaṁ
mā ghātayi orasaṁ puttaṁ.
Kathañca kira puttakāmāyo
gahapatayo gharaṇiyo ca
nagaramhi na upavadanti rājānaṁ
mā ghātayi atrajaṁ puttaṁ.
Rañño camhi atthakāmo
hito ca sabbajanapadassa 4
na koci assa paṭighaṁ mayā
1 Sī. pacchāpi yakhissate rājā. Ma. pacchāpi yajasi tuvaṁ rājā. 2 Ma. jānanto.
3 Ma. sace hi so sjjhati yo hanāti hatopi so saggamupeti ṭhānaṁ
bhovādi bhovādina mārayeyyuṁ ye cāpi tesaṁ abhisaddaheyyuṁ.
4 Sī. Yu. sabbadā janapadassa.
Janapado na pavedeti.

[803] Gacchatha vo gharaṇiyo tātañca vadetha khaṇḍahālañca
mā ghātetha kumāre adūsake sīhasaṅkāse
gacchatha vo gharaṇiyo tātañca vadetha khaṇḍahālañca
mā ghātetha kumāre apekkhite sabbalokassa.

[804] Yannūnāhaṁ jāyeyyaṁ rathakārakule 1 vā
pukkusakule 2 vā vessesu vā jāyeyyaṁ
na hajja maṁ rājā yaññe 3 ghāteyya.

[805] Sabbāpi mantiniyo 4 gacchatha ayyassa khaṇḍahālassa
pādesu nipatatha aparādhāhaṁ na passāmi.
Sabbāpi gharaṇiyo 5 gacchatha ayyassa khaṇḍahālassa
pādesu nipatatha kinte bhante mayaṁ adūsema.

[806] Kapaṇā 6 vilapati selā disvāna bhātaro upanītatte
yañño kira me ukkhipito tātena saggakāmena.