[777] Kiṁ panetaṁ 1 atidānaṁ
ke ca avajjhā imasmiṁ lokasmiṁ
etañca kho no akkhāhi
yajissāmi dadāmi 2 dānāni.

[778] Puttehi deva yajitabbaṁ
mahesīhi negamehi ca
usabhehi ājāniyehi catūhi
sabbacatukkena deva yajitabbaṁ.

[779] Taṁ sutvā antepure
kumārā mahesiyo ca haññantu
eko ahosi nigghoso
bhesmā 3 accuggato saddo.

[780] Gacchatha vadetha kumāre
candañca suriyañca bhaddasenañca
surañca vāmagottañca
pacurā 4 kira hotha yaññatthāya.

[781] Kumāriyopi vadetha
1 Ma. pana taṁ. 2 Sī. Yu. yajissāma dadāma. 3 Ma. bhismā. 4 Sī. Yu. pasurā.
ito paraṁ īdisameva.
Upasenañca kokilañca
muditañca nandañcāpi kumārikaṁ
pacurā kira hotha yaññatthāya.

[782] Vijayampi mayhaṁ mahesiṁ
erāvatiṁ 1 kesiniṁ sunandañca
lakkhaṇavarūpapannā
pacurā kira hotha yaññatthāya.

[783] Gahapatayopi 2 vadetha
puṇṇamukhaṁ bhaddiyaṁ siṅgālañca
vaḍḍhañcāpi gahapatiṁ
pacurā kira hotha yaññatthāya.

[784] Te tattha gahapatayo avocayiṁsu
samāgatā puttadāraparikiṇṇā
sabbe 3 sikhino deva karohi
athavā no dāse sāvehi.

[785] Abhayaṅkarampi me hatthiṁ nāḷāgiriṁ accuggataṁ (varuṇadantaṁ)
ānetha kho te khippaṁ yaññatthāya bhavissati.
Assaratanampi me 4 kesiṁ surāmukhaṁ 5 puṇṇakaṁ vinatakañca
ānetha kho te khippaṁ yaññatthāya bhavissati.
1 Yu. ekapatiṁ. 2 Ma. ca. 3 Ma. sabbeva. 4 Sī. Ma. Yu. ayaṁ pāṭho natthi.
5 Sī. suraṁmukhaṁ.
Usabhampi me yūthapatiṁ
anojaṁ nisabhaṁ gavampatiṁ
tepi mayhaṁ ānetha sammukhā 1 karontu sabbaṁ
yajissāmi dadāmi dānāni.
Sabbaṁpi paṭiyādetha
yaññaṁ pana uggatamhi suriyamhi
āṇāpetha candakumāre 2
abhiramantu imaṁ rattiṁ.
Sabbaṁpi upaṭṭhapetha
yaññaṁ pana uggatamhi suriyamhi
vadethadāni kumāre
ajja kho pacchimā ratti.

[786] Taṁ taṁ mātā avoca rodantī āgatā 3 vimānato 4
yañño kira te putta bhavissati catūhi puttehi.