[787] Sabbepi mayhaṁ puttā cattā candasmiṁ haññamānasmiṁ
puttehi yaññaṁ yajitvāna sugatiṁ saggaṁ gamissāmi.

[788] Mā taṁ putta saddahesi sugati kira hoti puttayaññena
nirayāneso maggo neso maggo hi saggānaṁ.
Dānāni dehi koṇḍañña ahiṁsā sabbabhūtabhabyānaṁ
esa maggo sugatiyā na ca maggo puttayaññena.
1 Ma. samūha. 2 Ma. -ca kumāre. 3 Ma. āgantvā. 4 savimānatotipi.

[789] Ācariyānaṁ vacanā ghātissaṁ 1 candañca suriyañca
puttehi yajitvā 2 duccajehi sugatiṁ saggaṁ gamissāmi.

[790] Taṁ taṁ pitāpi avaca vasavatti orasaṁ sakaṁ puttaṁ
yañño kira te putta bhavissati catūhi puttehi.

[791] Sabbepi mayhaṁ puttā cattā candasmiṁ haññamānasmiṁ
puttehi yaññaṁ yajitvāna sugatiṁ saggaṁ gamissāmi.

[792] Mā taṁ putta saddahesi sugati kira hoti puttayaññena
nirayāneso maggo neso maggo hi saggānaṁ.
Dānāni dehi koṇḍañña ahiṁsā sabbabhūtabhabyānaṁ
esa maggo sugatiyā na ca maggo puttayaññena.

[793] Ācariyānaṁ vacanā ghātissaṁ 1 candañca suriyañca
puttehi yajitvā 2 duccajehi sugatiṁ saggaṁ gamissāmi.

[794] Dānāni dehi koṇḍañña ahiṁsā sabbabhūtabhabyānaṁ
puttaparivuto tuvaṁ raṭṭhaṁ janapadañca pālehi.

[795] Mā no deva avadhi dāse no dehi khaṇḍahālassa
api nigaḷabandhakāpi hatthī asse ca pālema.
Mā no deva avadhi dāse no dehi khaṇḍahālassa
api nigaḷabandhakāpi hatthichakaṇāni ujjhema.
Mā no deva avadhi dāse no dehi khaṇḍahālassa
api nigaḷabandhakāpi assachakaṇāni ujjhema.
1 Ma. ghātessaṁ. 2 Ma. - yaññaṁ yajitvāna.
Mā no deva avadhi dāse no dehi khaṇḍahālassa
yassa honti tava kāmā api raṭṭhā pabbājitā
bhikkhācariyaṁ carissāma.

[796] Dukkhaṁ kho me janayittha 1 vilapantā jīvitassa kāmā hi
muñcathadāni kumāre alaṁpi me hotu puttayaññena.