[757] Rukkhaṁ nissāya vijjhittho eṇeyyaṁ pātumāgataṁ
so viddho dūramācari 3 saravegena pekkhavā 4 .
Taṁ tvaṁ patitamaddakkhi araññasmiṁ brahāvane
sa maṁsakājamādāya sāyaṁ nigrodhupāgami.
Suvasāliyasaṅghuṭṭhaṁ piṅgiyaṁ 5 saṇṭhatāyutaṁ
kokilābhirudaṁ rammaṁ dhuvaṁ haritasaddalaṁ.
Tattha te so pāturahu iddhiyā yasasā jalaṁ
mahānubhāvo bhātā me kaññāhi parivārito.
So tena pariciṇṇo tvaṁ sabbakāmehi tappito
aduṭṭhassa tuvaṁ dubbhi tante veraṁ idhāgataṁ.
Khippaṁ gīvaṁ pasārehi na te dassāmi jīvitaṁ
bhātu parisaraṁ veraṁ chedayissāmi te siraṁ.

[758] Ajjhāyako yācayogī āhutaggi ca brāhmaṇo
etehi tīhi ṭhānehi avajjho bhavati 6 brāhmaṇo.

[759] Yaṁ puraṁ dhataraṭṭhassa ogāḷhaṁ yamunaṁ nadiṁ
1 Sī. Yu. kaṁsassa. 2 Sī. Yu. ohātuṁ. 3 Ma. dūramacari. Sī. Yu. dūramasarā.
4 Ma. sīghavā. Sī. Yu. sekhavā. 5 Ma. piṅgalaṁ. 6 Ma. hoti.
Jotate sabbasovaṇṇaṁ girimāhacca yāmunaṁ.
Tattha te purisabyagghā sodariyā mama bhātaro
yathā te tattha vakkhanti tathā hessasi brāhmaṇa.

[760] Anittarā ittarasampayuttā
yaññā ca vedā ca subhoga loke
tadaggarayhaṁ hi vinindamāno
jahāti vittañca satañca dhammaṁ.

[761] Ajjhenamariyā paṭhaviṁ janindā
vessā kasiṁ pāricariyañca suddā
upāgū paccekaṁ yathāpadesaṁ
katāhu ete vasināti āhu.

[762] Dhātā vidhātā varuṇo kuvero
somo yamo candimā vāyu suriyo
etepi yaññaṁ puthuso yajitvā
ajjhāyakānaṁ atha 1 sabbakāme.
Vikāsitā cāpasatāni pañca
yo ajjuno balavā bhīmaseno
sahassabāhu asamo paṭhabyā
sopi tadā ādahi 2 jātavedaṁ.

[763] Yo brāhmaṇe bhojayi dīgharattaṁ
1 Ma. atho. 2 Ma. mādahi.
Annena pānena yathānubhāvaṁ
pasannacitto anumodamāno
subhoga devaññataro ahosi.

[764] Mahāsanaṁ devamanomavaṇṇaṁ
yo sappinā asakkhi bhojetumaggiṁ
so yaññatantaṁ varato yajitvā
dibbaṁ gatiṁ mucalindajjhagacchi.

[765] Mahānubhāvo vassasahassakhīvī
yo pabbaji dassaneyyo uḷāro
hitvā apariyantaṁ raṭṭhaṁ 1 sasenaṁ
rājā dudīpopajjhagāmi 2 saggaṁ.

[766] Yo sāgaro sāgarantaṁ vijitvā
yūpaṁ subhaṁ sovaṇṇamayaṁ 3 uḷāraṁ
ussesi vessānaramādahāno
subhoga devaññataro ahosi.
Yassānubhāvena subhoga gaṅgā
pavattati 4 dadhisanninnaṁ samuddaṁ
so lomapādo paricariyamaggiṁ
aṅgo sahassakkhapuramajjhagacchi.