[747] Kharājino jaṭī rummī 4 datto parisamāgato
yo tvaṁ evaṁ gataṁ nāgaṁ aviso atimaññasi
āpajja kho naṁ jaññāsi puṇṇaṁ uggassa tejasā 5
maññe taṁ bhasmarāsiṁva khippameso karissati.

[748] Siyā visaṁ siluttassa duḍḍubhassa 6 silābhuno
neva lohitasīsassa visaṁ nāgassa vijjati.

[749] Sutametaṁ arahataṁ saññatānaṁ tapassinaṁ
idha dānāni datvāna saggaṁ gacchanti dāyakā
jīvanto dehi dānāni yadi te atthi dātave.
Ayaṁ nāgo mahiddhiko tejasī duratikkamo
tena taṁ ḍaṁsayissāmi so taṁ bhasmaṁ karissati.
1 Ma. khatta-. 2 Sī. Yu. abhidassanaṁ. 3 Ma. bhusamuṭṭhiṁ. Sī. Yu. sattumuṭṭhiṁ.
4 Ma. dummī. 5 Ma. tejaso. ito paraṁ īdisameva. 6 Ma. deḍḍubhassa.

[750] Mayāpetaṁ sutaṁ samma saññatānaṁ tapassinaṁ
idha dānāni datvāna saggaṁ gacchanti dāyakā
tvameva dehi jīvanto yadi te atthi dātave.
Ayaṁ accimukhī 1 nāma puṇṇā uggassa tejasā
tāya taṁ ḍaṁsayissāmi sā taṁ bhasmaṁ karissati.
Yā dhītā dhataraṭṭhassa vemātā bhaginī mama
sā ḍaṁsatu accimukhī 2 puṇṇā uggassa tejasā.

[751] Chamāyañce nisiñcissaṁ brahmadatta vijānāhi
tiṇalatāni osadhyo ussusseyyuṁ asaṁsayaṁ.

[752] Uddhañce pātayissāmi brahmadatta vijānāhi
satta vassāni yaṁ devo na vasse na himaṁ pate.

[753] Udake ce nisiñcissaṁ brahmadatta vijānāhi
yāvantodakajā pāṇā mareyyuṁ macchakacchapā.

[754] Lokyaṁ sajantaṁ udakaṁ payāgasmiṁ patiṭṭhitaṁ
ko maṁ ajjhoharī bhūto ogāḷhaṁ yamunaṁ nadiṁ.

[755] Yadesa lokādhipatī yasassī
bārāṇasiṁ pakīraharī 3 samantato
tassāha putto uragūsabhassa
subhogoti maṁ brāhmaṇa vedayanti.

[756] Sacesi putto uragūsabhassa
1 Ma. ajamukhī. 2 Ma. sā taṁ ḍaṁsatajamukhī. Sī. Yu. sā dissatu accimukhī.
3 Ma. pakriya. Sī. Yu. pakiraparī.
Kāsissa 1 rañño amarādhipassa
mahesakkho aññataro pitā te
maccesu mātā pana te atulyā
na tādiso arahati brāhmaṇassa
dāsaṁpi ohārituṁ 2 mahānubhāvo.