[737] Hatthā pamutto urago pāde te nipati bhusaṁ
kacci nu ḍaṁsito 2 tāta mā bhāyi sukhito bhava.

[738] Neva mayhaṁ ayaṁ nāgo alaṁ dukkhāya kāyaci
yāvatatthi ahiggāho mayā bhiyyo na vijjati.

[739] Ko nu brāhmaṇavaṇṇena datto 3 parisamāgato
avhāyatu 4 suyuddhena suṇātu 5 parisā mama.

[740] Tvaṁ maṁ nāgena ālamba ahaṁ maṇḍūkachāpiyā
hotu no abbhutaṁ tattha ā sahassehi pañcahi.

[741] Ahañhi vasumā aḍḍho tvaṁ daliddosi māṇava
ko nu te pāṭibhogatthi upajūtañca kiṁ siyā.
Upajūtañca me assa pāṭibhogo ca tādiso
hotu no abbhutaṁ tattha ā sahassehi pañcahi.

[742] Suṇohi me mahārāja vacanaṁ bhaddamatthu te
pañcannaṁ me sahassānaṁ pāṭibhogo hi kittima.

[743] Pettikaṁ vā iṇaṁ hoti yaṁ vā hoti sayaṁ kataṁ
kiṁ tvaṁ evaṁ bahuṁ mayhaṁ dhanaṁ yācasi brāhmaṇa.

[744] Ālambāyano 6 hi nāgena mamaṁ abhijigiṁsati
1 Sī. Yu. dasarattassa. 2 Sī. kacci taṁ nu ḍaṁsī. Ma. kacci nu taṁ ḍaṁsī.
Yu. kaccitānuḍasī. 3 Ma. ditto. ito paraṁ īdisameva. 4 Ma. avhāyantu.
5 Ma. suṇantu. 6 Ma. alambāno. ito paraṁ īdisameva.
Ahaṁ maṇḍūkachāpiyā ḍaṁsayissāmi brāhmaṇaṁ.
Taṁ tvaṁ daṭṭhuṁ mahārāja ajja raṭṭhābhivaḍḍhana
khagga 1 saṅghaparibyūḷho nīyāhi ahidassanaṁ 2 .

[745] Neva taṁ atimaññāmi sippavādena māṇava
atimattosi sippena uragaṁ nāpacāyasi.

[746] Ahampi nātimaññāmi sippavādena brāhmaṇa
avisena ca nāgena bhusaṁ vañcayase janaṁ.
Evañcetaṁ jano jaññā yathā jānāmi taṁ ahaṁ
na tvaṁ labhasi ālamba thusamuṭṭhiṁ 3 kuto dhanaṁ.