[717] Āraññikassa isino ciraṁ rattaṁ tapassino
supaṇṇo kosiyassakkhā visavijjaṁ anuttaraṁ.
Taṁ bhāvitattaññataraṁ sammantaṁ pabbatantare
sakkaccantaṁ upaṭṭhāsiṁ rattindivamatandito.
So tadā pariciṇṇo me vattaṁ vā brahmacāriyaṁ 4
dibyaṁ pātukari mantaṁ kāmasā bhagavā mamaṁ.
Tyāhaṁ mante paratthaddho nāhaṁ bhāyāmi bhoginaṁ
ācariyo visaghātānaṁ ālambāyanoti 5 maṁ vidū.

[718] Gaṇhāmase maṇiṁ tāta somadatta vijānāhi
mā daṇḍena siriṁ pattaṁ kāmasā pajahāmase 6 .

[719] Sakaṁ nivesanaṁ pattaṁ yo taṁ brāhmaṇa pūjayi
evaṁ kalyāṇakārissa kiṁ mohā dubbhimicchasi.
1 Ma. jalantamiva. 2 Ma. jigī -. 3 cittosmītipi pāṭho. Ma. vittoti.
4 Ma. vattavā brahmacariyavā. 5 Ma. alampānoti. Sī. Yu. ālambānoti.
6 Ma. pajahimse.
Sace tvaṁ 1 dhanakāmosi bhūridatto padissati 2
tameva gantvā yācassu bahuṁ dassati te dhanaṁ.

[720] Hatthagataṁ pattagataṁ nikkiṇṇaṁ khādituṁ varaṁ
mā no sandiṭṭhiko attho somadatta upaccagā.

[721] Paccati niraye ghore mahimassa vindrīyati 3
mittadubbhī hitaccāgī jīvare vāpi sussati 4 .
Sace tvaṁ 1 dhanakāmosi bhūridatto padissati
maññe attakataṁ veraṁ na ciraṁ vedayissasi.

[722] Mahāyaññaṁ yajitvāna evaṁ sujjhanti brāhmaṇā
mahāyaññaṁ yajissāma evaṁ mokkhāma pāpakā.

[723] Handadāni apāyāmi nāhaṁ ajja tayā saha
padamekaṁ 5 na gaccheyyaṁ evaṁ kibbisakārinā.

[724] Idaṁ vatvāna pitaraṁ somadatto bahussuto
ujjhāpetvāna bhūtāni tamhā ṭhānā apakkami.

[725] Gaṇhāhetaṁ mahānāgaṁ āharetaṁ maṇiṁ mama
indagopakavaṇṇābhā 6 yassa rohitako siro.
Kappāsapicurāsīva eso kāyo padissati 7
vammikaggagato seti taṁ tvaṁ gaṇhāhi brāhmaṇa.

[726] Athosadhehi dibbehi jappaṁ mantapadāni ca
evantaṁ asakkhi phuṭṭhuṁ 8 katvā parittamattano.
1 Sī. Yu. sace hi. 2 Ma. padassati. 3 Ma. mahissamapi vivarati. Sī. Yu.
mahissamava dīyati. 4 Sī. Yu. jīvare cāpi sussare. 5 Ma. padampekaṁ.
6 Ma. ...vaṇṇābho. 7 Sī. Yu. kāyassa dissati. 8 Ma. satthuṁ. Sī. Yu. saṭṭhuṁ.