[697] Tattha patto sānucaro saha puttena brāhmaṇa
pūjito mayhaṁ kāmehi sukhaṁ brāhmaṇa vacchasi.

[698] Samā samantaparito pahutatagarā 4 mahī
indagopakasañchannā sobhati harituttamā.
Rammāni vanacetyāni rammā haṁsupakūjitā
opupphapadumā tiṭṭhanti pokkharaññā 5 sunimmitā.
Aṭṭhaṁsā sukatā thambhā sabbe veḷuriyāmayā
sahassathambhā pāsādā pūrā kaññāhi jotare.
Vimānaṁ upapannosi dibbaṁ puññehi attano
asambādhaṁ sivaṁ rammaṁ accantasukhasañhitaṁ.
Maññe sahassanettassa vimānaṁ nābhikaṅkhasi
iddhi hi tyāyaṁ vipulā sakkasseva jutīmato.
1 Ma. tejassī. 2 Ma. bhismaṁ. 3 Ma. vattavataṁ. 4 Ma. pahūtatagarā. Sī. Yu.
bahukā tatgarā. 5 Ma. pokkharañño.

[699] Manasāpi na pattabbo ānubhāvo jutīmato
paricāriyamānānaṁ indānaṁ 1 vasavattinaṁ.

[700] Taṁ vimānaṁ abhijjhāya amarānaṁ sukhesinaṁ
uposathaṁ upavasanto semi vammikamuddhani.

[701] Ahañca migamesāno saputto pāvisiṁ vanaṁ
te 2 maṁ mataṁ vā jīvaṁ vā nābhivedenti ñātakā.
Āmantaye bhūridattaṁ kāsiputtaṁ yasassinaṁ
tayā no samanuññātā api passemu ñātake.

[702] Eso hi vata me chando yaṁ vasesi mamantike
na hi etādisā kāmā sulabhā honti mānuse.
Sace tvaṁ nicchase vatthuṁ mama kāmehi pūjito
mayā tvaṁ samanuññāto sotthiṁ passāhi ñātake.

[703] Dhārayimaṁ maṇiṁ dibyaṁ pasuṁ putte ca vindasi
arogo sukhito hohi 3 gacchevādāya brāhmaṇa.

[704] Kusalaṁ paṭinandāmi bhūridatta vaco tava
pabbajissāmi jiṇṇosmi na kāme abhipatthaye.

[705] Brahmacariyassa ce bhaṅgo hoti bhogehi kāriyaṁ
avikappamāno eyyāsi bahuṁ dassāmi te dhanaṁ.

[706] Kusalaṁ paṭinandāmi bhūridatta vaco tava
punapi āgamissāmi sace attho bhavissati.
1 Ma. saindānaṁ. 2 Ma. taṁ. 3 Ma. hoti.