[707] Idaṁ vatvā bhūridatto pesesi caturo jane
etha gacchatha uṭṭhetha khippaṁ pāpetha brāhmaṇaṁ.
Tassa taṁ vacanaṁ sutvā uṭṭhāya caturo janā
pesitā bhūridattena khippaṁ pāpesuṁ brāhmaṇaṁ.

[708] Maṇiṁ paggayha maṅgalyaṁ sādhu vittaṁ 1 manoramaṁ
selaṁ byañjanasampannaṁ ko imaṁ maṇimajjhagā.

[709] Lohitakkhisahassāhi samantā parivāritaṁ
ajja kālaṁ pathaṁ 2 gacchaṁ ajjhagāhaṁ maṇiṁ imaṁ.

[710] Supaciṇṇo ayaṁ selo accito mahito sadā
sudhārito sunikkhitto sabbatthamabhisādhaye.
Upacāravipannassa nikkhepe dhāraṇāya vā
ayaṁ selo vināsāya pariciṇṇo ayoniso.
Nayimaṁ akusalo dibyaṁ maṇiṁ dhāretumāraho
paṭipajja sataṁ nikkhaṁ dehimaṁ ratanaṁ mama.

[711] Neva māyaṁ 3 maṇi keyyo gohi vā ratanehi vā
selo byañjanasampanno neva keyyo maṇi mama.

[712] No ce tayā maṇi keyyo gohi vā ratanehi vā
atha kena maṇi keyyo taṁ me akkhāhi pucchito.

[713] Yo me saṁse mahānāgaṁ tejasiṁ duratikkamaṁ
1 Yu. sādhucittaṁ. 2 Sī. Yu. padaṁ. 3 Ma. na ca mayāyaṁ.
Tassa dajjaṁ imaṁ selaṁ jalantariva 1 tejasā.

[714] Ko nu brāhmaṇavaṇṇena supaṇṇo patataṁ varo
nāgaṁ jigiṁsamanveti 2 anvesaṁ bhakkhamattano.

[715] Nāhaṁ dijādhipo homi na diṭṭho garuḷo mayā
āsīvisena vittosmi 3 vejjo brāhmaṇa maṁ vidū.

[716] Kiṁ nu tuyhaṁ balaṁ atthi kiṁ sippaṁ vijjate tava
kismiṁ vā tvaṁ paratthaddho uragaṁ nāpacāyasi.