[677] Yāva dadantu hatthīnaṁ assānaṁ diguṇaṁ vidhaṁ
tappentu annapānena rathike pattikārake.

[678] Hatthī asse rathe pattī gacchevādāya paṇḍita
passatu taṁ mahārājā vedeho mithilaṁ gataṁ.

[679] Hatthī assā rathā pattī senā sādissate mahā
caturaṅginī bhiṁsarūpā 2 kinnu maññanti 3 paṇḍitā.

[680] Ānando te mahārāja uttamo paṭidissati
sabbaṁ senāṅgamādāya sotthippatto mahosadho.

[681] Yathā petaṁ susānasmiṁ chaḍḍetvā caturo janā
evaṁ kappiliye tyamhā chaḍḍayitvā idhāgatā.
1 Ma. puriso siyā. 2 Ma. bhīsarūpā. 3 Ma. maññasi paṇḍita.
Atha tvaṁ kena vaṇṇena kena vā pana hetunā
kena vā atthajātena attānaṁ parimocayi.

[682] Atthaṁ atthena vedeha mantaṁ mantena khattiya
parivārayissaṁ 1 rājānaṁ jambūdīpaṁva sāgaro.
Dinnaṁ nikkhasahassaṁ me gāmāsītiñca 2 kāsisu
dāsīsatāni cattāri dinnaṁ bhariyāsatañca me
sabbaṁ senāṅgamādāya sotthināmhi idhāgato.

[683] Susukhaṁ vata saṁvāso paṇḍitehīti senaka
pakkhīva pañjare bandhe macche jālagateriva
amittahatthatthagate 3 mocayi no mahosadho.

[684] Evameva mahārāja paṇḍitā hi sukhāvahā
pakkhīva pañjare bandhe macche jālagateriva
amittahatthatthagate 3 mocayi no mahosadho.

[685] Āhaññantu sabbavīṇā bheriyo dendimāni ca
dhamantu māgadhā saṅkhā vaggū nadantu dundubhī.

[686] Orodhā ca kumārā ca vesiyānā ca brāhmaṇā
bahuṁ annañca pānañca paṇḍitassābhihārayuṁ.
Hatthārohā anīkaṭṭhā rathikā pattikārakā
bahuṁ annañca pānañca paṇḍitassābhihārayuṁ.
Samāgatā jānapadā negamā ca samāgatā
1 Ma. parivārayiṁ. 2 Ma. gāmāsīti ca. 3 Ma. amittahatthattagate.
Bahuṁ annañca pānañca paṇḍitassābhihārayuṁ.
Bahujjano pasannosi disvā paṇḍitamāgataṁ
paṇḍitamhi anuppatte celukkhepo pavattathāti 1 .
Mahosadhajātakaṁ pañcamaṁ.
--------
6 Bhūridattajātakaṁ