[657] Evameva 4 mahārāja paṇḍitā hi sukhāvahā
pakkhīva pañjare bandhe macche jālagateriva
amittahatthatthagate 3 mocayi no mahosadho.

[658] Rakkhitvā kasiṇaṁ rattiṁ cūḷaneyyo mahabbalo
udentaṁ aruṇuggasmiṁ upakāraṁ upāgami.
1 Ma. abhicchitā. 2 Ma. viggayha. 3 Ma. amittahatthattagate. 4 Ma. evametaṁ.
Āruyha pavaraṁ nāgaṁ balavantaṁ saṭṭhihāyanaṁ
rājā avoca pañcālo cūḷaneyyo mahabbalo.
Sannaddho maṇicammena saramādāya pāṇinā
pesiye ajjhabhāsittha puthugumbe samāgate.
Hatthārohe anīkaṭṭhe rathike pattikārake
upāsanamhi katahatthe vālavedhe samāgate.

[659] Pesetha kuñjare dantī balavante saṭṭhihāyane
maddantu kuñjarā nagaraṁ vedehena sumāpitaṁ.
Vacchadantamukhā setā tikkhaggā aṭṭhivedhino
panuṇṇā dhanuvegena sampatantutarītarā.
Māṇavā cammino sūrā cittadaṇḍayutāvudhā
pakkhandino mahānāgā hatthīnaṁ hontu sammukhā.
Sattiyo teladhotāyo acchimanto 1 pabhassarā
vijjotamānā tiṭṭhantu sataraṁsīva tārakā.
Āvudhabalavantānaṁ guṇikāyuradhārinaṁ
etādisānaṁ yodhānaṁ saṅgāme apalāyinaṁ
vedeho kuto muccissati sace pakkhīva kāhiti.
Tiṁsa me purisanāvutyo sabbe ekekaniccitā 2
yesaṁ samaṁ na passāmi kevalaṁ mahimaṁ caraṁ.
Nāgā ca kappitā dantī balavantā saṭṭhihāyanā
1 Sī. Ma. acchimantī. Ma. icchimantā. 2 Ma. sabbevekekaniccitā.
Yesaṁ khandhesu sobhanti kumārā cārudassanā.
Pītālaṅkārā pītavasanā pītuttaranivāsanā
nāgakkhandhesu sobhanti devaputtāva nandane.
Pāṭhīnavaṇṇā nettiṁsā teladhotā pabhassarā
niṭṭhitā naravīrehi 1 samadhārā sunissitā.
Vellāḷino vītamalā sikkāyasamayā daḷhā
gahitā balavantehi suppahārappahāribhi.
Suvaṇṇatharusampannā lohitakañcūpadhāritā
vivattamānā sobhanti vijjuvabbhaghanantare.
Pathakā cammino 2 sūrā asicammassa kovidā
dhanuggahā sikkhitarā 3 nāgakkhandhanipātino 4 .
Etādisehi parikkhitto natthi mokkho ito tava
pabhāvante na passāmi yena tvaṁ mithilaṁ vaje.

[660] Kinnu santaramānova nāgaṁ pesesi kuñjaraṁ
pahaṭṭharūpo āgamasi 5 laddhatthosmīti 6 maññasi.
Oharetaṁ dhanucāpaṁ khurappaṁ paṭisaṁhara
oharetaṁ subhaṁ cammaṁ veḷuriyamaṇisannibhaṁ 7 .

[661] Pasannamukhavaṇṇosi mitapubbañca 8 bhāsasi
hoti kho maraṇakāle edisī vaṇṇasampadā.

[662] Moghante gajjitaṁ rāja bhinnamantosi khattiya
1 Ma. naradhīrehi. 2 Sī. Yu. patākā. Ma. paṭākā cammino. 3 Sī. Yu.
tharuggāhā sikkhitāro. 4 Sī. Yu. nāgakhandhātipātino. Ma. nāgakhandhe nipātino.
5 Ma. āpatasi. 6 Ma. siddhatthosmīti. 7 Ma. -santhataṁ. 8 mihitapubbaṁ itipi.
Duggaṇho hi 1 tayā rājā khaluṅkeneva sindhavo.
Tiṇṇo hiyyo rājā gaṅgaṁ sāmacco saparijjano
haṁsarājaṁ yathā dhaṅko anujjavaṁ patissati.

[663] Sigālā rattibhāgena phullaṁ disvāna kiṁsukaṁ
maṁsapesīti maññantā paribyūḷhā migādhamā.
Vītivattāsu rattīsu uggatasmiṁ divākare 2
kiṁsukaṁ phullitaṁ disvā āsāchinnā migādhamā.
Evameva tuvaṁ rāja vedehaṁ parivāraya 3
āsacchinno gamissasi sigālā kiṁsukaṁ yathā.

[664] Imassa hatthapāde ca kaṇṇanāsañca chindatha
yo me amittaṁ hatthagataṁ vedehaṁ parimocayi.
Imaṁ maṁsaṁva pātabyaṁ 4 sūle katvā pacantu naṁ
yo me amittaṁ hatthagataṁ vedehaṁ parimocayi.
Yathāpi usabhacammaṁ paṭhabyā vihanīyati 5
sīhassa atho byagghassa hoti saṅkusamāhataṁ.
Evantaṁ vihanitvāna vedhayissāmi sattiyā
yo me amittaṁ hatthagataṁ vedehaṁ parimocayi.

[665] Sace me hatthapāde ca kaṇṇanāsañca chedasi 6
evaṁ pañcālacandassa vedeho chedayissati.
Sace me hatthapāde ca kaṇṇanāsañca chedasi
1 Ma. duggaṇhosi. 2 Ma. divaṅkare. 3 Ma. parivāriya. 4 Sī. Yu. pātabbaṁ.
5 vitanīyati itipi. 6 Ma. checchasi. ito paraṁ īdisameva.
Evaṁ pañcālacandiyā vedeho chedayissati.
Sace me hatthapāde ca kaṇṇanāsañca chedasi
evaṁ nandāya deviyā vedeho chedayissati.
Sace me hatthapāde ca kaṇṇanāsañca chedasi
evante puttadārassa vedeho chedayissati.
Sace maṁsañca pātabyaṁ sūle katvā pacissasi
evaṁ pañcālacandassa vedeho pācayissati.
Sace maṁsañca pātabyaṁ sūle katvā pacissasi
evaṁ pañcālacandiyā vedeho pācayissati.
Sace maṁsañca pātabyaṁ sūle katvā pacissasi
evaṁ nandāya deviyā vedeho pācayissati.
Sace maṁsañca pātabyaṁ sūle katvā pacissasi
evante puttadārassa vedeho pācayissati.
Sace maṁ vihanitvāna 1 vedhayissasi sattiyā
evaṁ pañcālacandassa vedeho vedhayissati.
Sace maṁ vihanitvāna vedhayissasi sattiyā
evaṁ pañcālacandiyā vedeho vedhayissati.
Sace maṁ vihanitvāna vedhayissasi sattiyā
evaṁ nandāya deviyā vedeho vedhayissati.
Sace maṁ vihanitvāna vedhayissasi sattiyā
1 Ma. vitanitvāna. ito paraṁ īdisameva.
Evante puttadārassa vedeho vedhayissati.
Evaṁ no mantitaṁ raho vedehena mayā saha
yathā 1 palasataṁ cammaṁ kontimantāsuniṭṭhitaṁ 2
upeti tanutāṇāya sarānaṁ paṭihantave.
Sukhāvaho dukkhanūdo vedehassa yasassino
matinte paṭihaññāmi usuṁ palasatena vā.

[666] Iṅgha passa mahārāja suññaṁ antepuraṁ tava
orodhā ca kumārā ca tava mātā ca khattiya
ummaṅgā nīharitvāna vedehassupanāmitā.