[667] Iṅgha antepuraṁ mayhaṁ gantvāna vicinātha naṁ
yathā imassa vacanaṁ saccaṁ vā yadi vā musā.

[668] Evametaṁ mahārāja yathā āha mahosadho
suññaṁ antepuraṁ sabbaṁ kākapatanakaṁ yathā.

[669] Ito gatā mahārāja nārī sabbaṅgasobhanā
kosumbhaphalakasussoṇī 3 haṁsagaggarabhāṇinī.
Ito nītā mahārāja nārī sabbaṅgasobhanā
koseyyavasanā sāmā jātarūpasumekhalā.
Surattapādā kalyāṇī suvaṇṇamaṇimekhalā
pārevatakkhī sutanū bimboṭṭhā tanumajjhimā.
Sujātā bhujalaṭṭhīva vedīva 4 tanumajjhimā
1 Ma. yathāpi. 2 Sī. Yu. kontīmantī suniṭṭhitaṁ. 3 Ma. kosambaphalaka....
4 Ma. vellīva.
Dīghassā kesā asitā īsakaggapavellitā.
Sujātā migacchāpīva hemantaggisikhāriva
nadīva giriduggesu sañchannā khuddaveḷubhi.
Nāganāsūrukalyāṇī paṭhamā 1 timbarutthanī
nātidīghā nātirassā nālomā nātilomakā 2 .
Nandāya nūna maraṇena nandasi sirivāhana
ahañca nūna nandā ca gacchāma yamasādhanaṁ.

[670] Dibbaṁ adhiyase māyaṁ akāsi cakkhumohanaṁ
yo me amittaṁ hatthagataṁ vedehaṁ parimocayi.

[671] Adhiyanti ve 3 mahārāja dibbamāyīdha paṇḍitā
te mocayanti attānaṁ paṇḍitā mantino janā.
Santi māṇavaputtā me kusalā sandhichedakā
yesaṁ katena maggena vedeho mithilaṁ gato.

[672] Iṅgha passa mahārāja ummaṅgaṁ sādhumāpitaṁ
hatthīnaṁ atha assānaṁ rathānaṁ atha pattinaṁ
ālokabhūtaṁ tiṭṭhantaṁ ummaṅgaṁ sādhuniṭṭhitaṁ 4 .

[673] Lābhā vata videhānaṁ yassime edisā paṇḍitā
ghare vasanti vijite yathā tvamasi mahosadha.

[674] Vuttiñca parihārañca diguṇaṁ bhattavettanaṁ
dadāmi vipule bhoge bhuñja kāme ramassu ca
1 Ma. paramā. 2 Ma. -lomasā. 3 Ma. adhīyanti. 4 Ma. sādhu māpitaṁ.
Mā videhaṁ paccagamā kiṁ videho karissati.

[675] Yo cajetha mahārāja bhattāraṁ dhanakāraṇā
ubhinnaṁ hoti gārayho attano ca parassa ca
yāva jīveyya vedeho nāññassa puriso siyaṁ 1 .
Yo cajetha mahārāja bhattāraṁ dhanakāraṇā
ubhinnaṁ hoti gārayho attano ca parassa ca
yāva tiṭṭheyya vedeho nāññassa vijite vase.

[676] Dammi nikkhasahassante gāmāsītiñca kāsisu
dāsīsatāni cattāri dammi bhariyāsatañca te
sabbaṁ senāṅgamādāya sotthiṁ gaccha mahosadha.