พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน
Suttantapiṭake khuddakanikāyassa jātakaṁ dutiyo bhāgo (เล่ม 28)

[647] Tato so paṇḍito dhīro atthadassī mahosadho
vedehaṁ dukkhitaṁ disvā idaṁ vacanamabravi.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi rāhuggahitaṁva candimaṁ.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi rāhuggahitaṁva suriyaṁ.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi paṅke sannaṁva kuñjaraṁ.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi peḷabandhaṁva pannagaṁ.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi pakkhiṁ bandhaṁva pañjare.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi macche jālagateriva.
Mā tvaṁ bhāyi mahārāja mā tvaṁ bhāyi rathesabha
ahantaṁ mocayissāmi sayoggabalavāhanaṁ.
Mā tvaṁ bhāyi mahārāja mā tvaṁ bhāyi rathesabha
pañcālaṁ bāhayissāmi kākasenaṁva leḍḍunā.
Ādū paññā kimatthiyā amacco vāpi tādiso
yo taṁ sambādhapakkhantaṁ 1 dukkhā na parimocaye.

Suttantapiṭake khuddakanikāyassa jātakaṁ dutiyo bhāgo (เล่ม 28)

[648] Etha māṇavā uṭṭhetha mukhaṁ sodhetha sandhino
vedeho sahamaccehi ummaṅgena gamissati.

Suttantapiṭake khuddakanikāyassa jātakaṁ dutiyo bhāgo (เล่ม 28)

[649] Tassa taṁ vacanaṁ sutvā paṇḍitassānusārino
ummaṅgadvāraṁ vivariṁsu yantayutte ca aggaḷe.

Suttantapiṭake khuddakanikāyassa jātakaṁ dutiyo bhāgo (เล่ม 28)

[650] Purato senako yāti pacchato ca mahosadho
majjhe ca rājā vedeho amaccaparivārito.

Suttantapiṭake khuddakanikāyassa jātakaṁ dutiyo bhāgo (เล่ม 28)

[651] Ummaṅgā nikkhamitvāna vedeho nāvamāruhi
abhiruyhañca ñatvāna anusāsi mahosadho.
Ayaṁ te sassuro deva ayaṁ sassu janādhipa
yathā mātu paṭipatti evaṁ te hotu sassuyā.
Yathāpi niyako bhātā sodariyo ekamātuko
evaṁ pañcālacando te dayitabbo rathesabha.
1 Ma. sambādhapakkhandaṁ.
Ayaṁ pañcālacandī te rājaputtī abhijjhitā 1
kāmaṁ karohi te tāya bhariyā te rathesabha.

Suttantapiṭake khuddakanikāyassa jātakaṁ dutiyo bhāgo (เล่ม 28)

[652] Āruyha nāvaṁ taramāno kiṁ nu tīramhi tiṭṭhasi
kicchā muttamha dukkhato yāmadāni mahosadha.

Suttantapiṭake khuddakanikāyassa jātakaṁ dutiyo bhāgo (เล่ม 28)

[653] Nesa dhammo mahārāja yohaṁ senāya nāyako
senāṅgaṁ parihāpetvā attānaṁ parimocaye.
Nivesanamhi te deva senāṅgaṁ parihāpitaṁ
taṁ dinnaṁ brahmadattena ānayissaṁ rathesabha.

Suttantapiṭake khuddakanikāyassa jātakaṁ dutiyo bhāgo (เล่ม 28)

[654] Appaseno mahāsenaṁ kathaṁ niggayha 2 ṭhassasi
dubbalo balavantena vihaññissasi paṇḍita.

Suttantapiṭake khuddakanikāyassa jātakaṁ dutiyo bhāgo (เล่ม 28)

[655] Appasenopi ce mantī mahāsenaṁ amantinaṁ
jānāti rājā rājāno ādiccovudayantamaṁ.

Suttantapiṭake khuddakanikāyassa jātakaṁ dutiyo bhāgo (เล่ม 28)

[656] Susukhaṁ vata saṁvāso paṇḍitehīti senaka
pakkhīva pañjare bandhe macche jālagateriva
amittahatthatthagate 3 mocayi no mahosadho.