[1007] Evametaṁ yathā brūsi saccaṁ bhāsasi paṇḍita
na vajjho abhivādeyya vajjhaṁ vā nābhivādaye
kathaṁ nu 5 abhivādeyya abhivādāpayetha ve
yaṁ naro hantumiccheyya taṁ kammaṁ nupapajjati.

[1008] Asassataṁ sassataṁ nu tavayidaṁ vimānaṁ 6
iddhī jutī balaviriyūpapatti
pucchāmi taṁ nāgarājetamatthaṁ
kathaṁ nu te laddhamidaṁ vimānaṁ.
Adhiccaladdhaṁ pariṇāmajante
sayaṁ kataṁ udāhu devehi dinnaṁ
akkhāhi me nāgarājetamatthaṁ
yatheva te laddhamidaṁ vimānaṁ.
1 Yu. bhave. 2-3 Sī. Yu. bhayaddito. ito paraṁ īdisameva. 4-5 Ma. no.
6 Ma. ayaṁ pāṭho natthi. ito paraṁ īdisameva.

[1009] Nādhiccaladdhaṁ na pariṇāmajamme
na sayaṁ kataṁ nāpi devehi dinnaṁ
sakehi kammehi apāpakehi
puññehi me laddhamidaṁ vimānaṁ.

[1010] Kinte vataṁ kimpana brahmacariyaṁ
kissa suciṇṇassa ayaṁ vipāko
iddhī jutī balaviriyūpapatti
idañca te nāga mahāvimānaṁ.

[1011] Ahañca bhariyā ca manussaloke
saddhā ubho dānapatī ahumhā
opānabhūtaṁ me gharaṁ tadāsi
santappitā samaṇabrāhmaṇā ca.
Mālañca gandhañca vilepanañca
padīpiyaṁ seyyamupassayañca
acchādanaṁ sāyanamannapānaṁ
sakkacca dānāni adamha tattha.
Taṁ me vataṁ tampana brahmacariyaṁ
tassa suciṇṇassa ayaṁ vipāko
iddhī jutī balaviriyūpapatti
idañca me dhīra mahāvimānaṁ.

[1012] Evañca te laddhamidaṁ vimānaṁ
jānāsi puññāna phalūpapattiṁ
tasmā hi dhammañcara appamatto
yathā vimānaṁ puna māvasesi.

[1013] Nayīdha santi samaṇabrāhmaṇā ca
yesannapānāni dademu katte
akkhāhi me pucchito etamatthaṁ
yathā vimānaṁ puna māvasema.

[1014] Bhogī hi te santi idhūpapannā
puttā ca dārā anujīvino ca
telu tuvaṁ vacasā kammunā ca
asampaduṭṭho ca bhavāhi niccaṁ.
Evaṁ tuvaṁ nāga asampadosaṁ
anupālaya vacasā kammunā ca
ṭhatvā idha yāvatāyukaṁ vimāne
uddhaṁ ito gacchasi devalokaṁ.

[1015] Addhā hi so socati rājaseṭṭho
tayā vinā yassa tuvaṁ sajibbo
dukkhūpanītopi tayā samecca
vindeyya poso sukhamāturopi.

[1016] Addhā sataṁ bhāsasi nāga dhammaṁ
anuttaraṁ atthapadaṁ suciṇṇaṁ
etādisiyāsu hi āpadāsu
paññāyate mādisānaṁ viseso.