[617] Handa kho maṁ anujānāhi rattiyo sattamattiyo
yāvāhaṁ sivirājassa ārocemi mahesino
laddho ca me āvasatho sālikāya upantikā.

[618] Handa kho taṁ anujānāmi rattiyo sattamattiyo
sace tvaṁ sattarattena nāgacchasi mamantikaṁ
maññe okantasantaṁ 2 maṁ matāya āgamissasi.

[619] Tato ca kho so gantvāna mādhuro suvapaṇḍito
mahosadhassa akkhāsi sālikāya vacanaṁ idaṁ.

[620] Yasseva ghare bhuñjeyya bhogaṁ
tasseva atthaṁ puriso careyya.

[621] Handāhaṁ gacchāmi pure janinda
pañcālarājassa puraṁ surammaṁ
nivesanāni māpetuṁ vedehassa yasassino.
1 Ma. mā. 2 Ma. okkantasattaṁ.
Nivesanāni māpetvā vedehassa yasassino
yadā te pahiṇeyyāmi tadā eyyāsi khattiya.

[622] Tato ca pāyāsi pure mahosadho
pañcālarājassa puraṁ surammaṁ
nivesanāni māpetuṁ vedehassa yasassino.
Nivesanāni māpetvā vedehassa yasassino
athassa pāhiṇi dūtaṁ vedehaṁ mithilaggahaṁ
ehidāni mahārāja māpitaṁ te nivesanaṁ.

[623] Tato ca rājā pāyāsi senāya caturaṅgiyā
anantavāhanaṁ daṭṭhuṁ phītaṁ kappiliyaṁ 1 puraṁ.

[624] Tato ca kho so gantvāna brahmadattassa pāhiṇi
āgatosmi mahārāja tava pādāni vandituṁ.
Dadāhidāni bhariyaṁ nāriṁ sabbaṅgasobhaniṁ
suvaṇṇena paṭicchannaṁ dāsīgaṇapurakkhitaṁ.

[625] Svāgatantepi 2 vedeha atho te adurāgataṁ
nakkhattaññeva paripuccha ahaṁ kaññaṁ dadāmi te
suvaṇṇena paṭicchannaṁ dāsīgaṇapurakkhitaṁ.

[626] Tato ca rājā vedeho nakkhattaṁ paripucchati 3
nakkhattaṁ paripucchitvā brahmadattassa pāhiṇi.
Dadāhidāni me bhariyaṁ nāriṁ sabbaṅgasobhaniṁ
1 Sī. Yu. kampilliyaṁ. 2 Ma. -teva. Yu. tena. 3 Ma. paripucchatha.
Suvaṇṇena paṭicchannaṁ dāsīgaṇapurakkhitaṁ.