[597] Yathā yācitakaṁ yānaṁ yathā yācitakaṁ dhanaṁ
evaṁ sampadamevetaṁ yaṁ parato dānapaccayā.
Na cāhametamicchāmi yaṁ parato dānapaccayā
1 Sī.Yu. kimabhiññamāhu. 2 Ma. passesā. 3 Ma. sakkopi. 4 Sī.Yu. nimantayī ca.
Sayaṁ katāni puññāni taṁ me āveniyaṁ 1 dhanaṁ.
Sohaṁ gantvā manussesu kāhāmi kusalaṁ bahuṁ
dānena samacariyāya saññamena damena ca
yaṁ katvā sukhito hoti na ca pacchānutappati.

[598] Bahūpakāro no bhavaṁ mātali devasārathi
yo me kalyāṇakammānaṁ pāpānaṁ paṭidassayi 2 .

[599] Idaṁ vatvā nimirājā vedeho mithilaggaho
puthuyaññaṁ yajitvāna saññamaṁ ajjhupāgamīti.
Nemirājajātakaṁ catutthaṁ.
---------
5 Mahosadhajātakaṁ 3

[600] Pañcālo sabbasenāya brahmadattoyamāgato.
Sāyaṁ pañcāliyā senā appameyyā mahosadha.
Viddhimatī 4 pattimatī sabbasaṅgāmakovidā
ohārinī saddavatī bherīsaṅkhappabodhanā.
Lohavijjā alaṅkārā dhajinī vāmarohinī
sippiyehi susampannā sūrehi suppatiṭṭhitā.
Dasettha paṇḍitā āhu bhūripaññā rahogatā 5
mātā ekādasī rañño pañcāliyaṁ pasāsati.
1 Ma. āveṇikaṁ. 2 Yu. paṭidaṁsayi. 3 Ma. umaṅgajātakaṁ. 4 Ma. vīthimatī.
Sī. Yu. piṭṭhimatī. 5 Ma. rahogamā.
Athetthekasataṁ khatyā anuyantā yasassino
acchinnaraṭṭhā byathitā pañcālīnaṁ 1 vasaṁ gatā.
Yaṁ vadā takkarā rañño akāmā piyabhāṇino
pañcālamanuyāyanti akāmā vasino gatā.
Tāya senāya mithilā tisandhiparivāritā
rājadhānī videhānaṁ samantā parijaññati.
Uddhaṁ tārakajātāva samantā parivāritā
mahosadha vijānāhi kathaṁ mokkho bhavissati.

[601] Pāde deva pasārehi bhuñja kāme ramassu ca
hitvā pañcāliyaṁ senaṁ brahmadatto palāyati 2 .

[602] Rājā santhavakāmo te ratanāni pavecchati
āgacchantu ito dūtā mañjukā piyabhāṇino.
Bhāsantu mudukā vācā yā vācā paṭinanditā
pañcālo ca videho ca 3 ubho ekā bhavantu te.

[603] Kathannu kevaṭṭa mahosadhena
samāgamo āsi tadiṅgha brūhi
kacci te paṭinijjhatto kacci tuṭṭho mahosadho.

[604] Anariyarūpo puriso janinda
asammodako thaddho asabbhirūpo
yathā mūgo ca badhiro ca na kiñcitthaṁ abhāsatha.
1 Ma. pañcāliyaṁ. 2 Ma. palāyiti. 3 Sī. Yu. pañcālā ca videhā ca.

[605] Addhā idaṁ mantapadaṁ sududdasaṁ
attho suddho naravīrena diṭṭho
tathā hi kāyo mama sampavedhati
hitvā sayaṁ ko parahatthamessati.

[606] Channañhi ekāva matī sameti
ye paṇḍitā uttamabhūripaññā
yānaṁ ayānaṁ athavāpi ṭhānaṁ
mahosadha tvaṁpi matiṁ karohi.