[557] Tassa puṭṭho viyākāsi mātali devasārathi
vipākaṁ pāpakammānaṁ jānaṁ akkhāsijānato.
Orabbhikā sūkarikā ca macchikā
pasuṁ mahiṁsañca ajeḷakañca
hantvāna sūṇesu pasārayiṁsu
te luddakammā pasavetva pāpaṁ
teme janā vilakatā sayanti.

[558] Rahado ayaṁ muttakarīsapūro
duggandharūpo asuci pūti vāti
khuddāparetā manujā adenti
bhayaṁ hi maṁ vindati sūta disvā
pucchāmi taṁ mātali devasārathi
ime nu maccā kimakaṁsu pāpaṁ
yeme janā muttakarīsabhakkhā.

[559] Tassa puṭṭho viyākāsi mātali devasārathi
1 Sī. Yu. vikattā. 2 Sī. Yu. puneke.
Vipākaṁ pāpakammānaṁ jānaṁ akkhāsijānato.
Yekecime kāraṇikā virosikā 1
paresaṁ vihiṁsāya sadā niviṭṭhā
te luddakammā pasavetva pāpaṁ
mittadduno miḷhamadenti bālā.

[560] Rahado ayaṁ lohitapubbapūro
duggandharūpo asuci pūti vāti
ghammābhitattā manujā pivanti
bhayaṁ hi maṁ vindati sūta disvā
pucchāmi taṁ mātali devasārathi
ime nu maccā kimakaṁsu pāpaṁ
yeme janā lohitapubbabhakkhā.

[561] Tassa puṭṭho viyākāsi mātali devasārathi
vipākaṁ pāpakammānaṁ jānaṁ akkhāsijānato.
Ye mātaraṁ vā pitaraṁ vā jīvaloke
pārājikā arahante hananti
te luddakammā pasavetva pāpaṁ
teme janā lohitapubbabhakkhā.

[562] Jivhañca passa balisena viddhaṁ
vihataṁ yathā saṅkusakena cammaṁ
1 Ma. virosakā.
Phandanti macchāva thalamhi khittā
muñcanti kheḷaṁ rudamānā kimete
bhayaṁ hi maṁ vindati sūta disvā
pucchāmi taṁ mātali devasārathi
ime nu maccā kimakaṁsu pāpaṁ
yeme janā vaṅkaghastā sayanti.

[563] Tassa puṭṭho viyākāsi mātali devasārathi
vipākaṁ pāpakammānaṁ jānaṁ akkhāsijānato.
Yekeci saṇṭhānagatā 1 manussā
agghena agghaṁ kayaṁ hāpayanti
kūṭena kūṭaṁ dhanalobhahetu
channaṁ yathā vāricaraṁ vadhāya.
Na hi kūṭakārissa bhavanti tāṇā
sakehi kammehi purakkhitassa 2
te luddakammā pasavetva pāpaṁ
teme janā vaṅkaghastā sayanti.

[564] Nāriyo imā samparibhinnagattā
paggayha kandanti bhuje dujaccā
samakkhitā lohitapubbalittā
gāvo yathā āghātane vikantā
1 Ma. sandhānagatā. Sī. Yu. santhānagatā. 2 Ma. purakkhatassa. ito paraṁ
īdisameva.
Tā bhūmibhāgasmiṁ sadā nikhātā
khandhātivattanti sajotibhūtā.
Bhayaṁ hi maṁ vindati sūta disvā
pucchāmi taṁ mātali devasārathi
imā nu nāriyo kimakaṁsu pāpaṁ
yā bhūmibhāgasmiṁ sadā nikhātā
khandhātivattanti sajotibhūtā.

[565] Tassa puṭṭho viyākāsi mātali devasārathi
vipākaṁ pāpakammānaṁ jānaṁ akkhāsijānato.
Kolitthiyāyo 1 idha jīvaloke
asuddhakammā asataṁ 2 acāruṁ
tā dittarūpā pati vippahāya
aññaṁ acāruṁ ratikhiḍḍahetu
tā jīvalokasmiṁ ramāpayitvā
khandhātivattanti sajotibhūtā.

[566] Pāde gahetvā kissime puneke
avaṁsirā narake pātayanti
bhayaṁ hi maṁ vindati sūta disvā
pucchāmi taṁ mātali devasārathi
1 Sī. Yu. kolīniyāyo. 2 ayuttantipi.
Ime nu maccā kimakaṁsu pāpaṁ
yeme janā (avaṁsirā) narake pātayanti.