[437] Yuvā care brahmacariyaṁ brahmacārī yuvā siyā
1 Ma. pattī ca vammino. ito paraṁ īdisameva. 2 Ma. cāsi. 3 Ma. paṭhamuppattiko.
ito paraṁ īdisameva.
Daharassa hi pabbajjā etaṁ isībhi vaṇṇitaṁ.
Yuvā care brahmacariyaṁ brahmacārī yuvā siyā
brahmacariyaṁ carissāmi nāhaṁ rajjenamatthiko.
Passāmi vohaṁ daharaṁ ammatāta vadannaraṁ
kicchāladdhaṁ piyaṁ puttaṁ apatvāva jaraṁ mataṁ.
Passāmi vohaṁ dahariṁ kumāriṁ cārudassaniṁ
navavaṁsakalīraṁva paluttaṁ 1 jīvitakkhayaṁ 2 .
Daharāpi hi mīyanti narā ca atha nāriyo
tattha ko vissase poso daharomhīti jīvite.
Yassa ratyā vivasāne āyu appataraṁ siyā
appodakeva macchānaṁ kinnu komārakaṁ tahiṁ.
Niccamabbhāhato loko niccañca parivārito
amoghāsu vajantīsu kiṁ maṁ rajjebhisiñcasi.

[438] Kenamabbhāhato loko kena ca parivārito
kāyo amoghā gacchanti taṁ me akkhāhi pucchito.

[439] Maccunābbhāhato loko jarāya parivārito
ratyo amoghā gacchanti evaṁ jānāhi khattiya.
Yathāpi tante vītante 3 yaṁ yadevopavuyhati 4
appakaṁ hoti vetabbaṁ evaṁ maccāna jīvitaṁ.
Yathā vārivaho pūro gacchaṁ na 5 parivattati
1 Ma. paluggaṁ. 2 Sī. Yu. jīvitakkhaye. 3 Ma. vitate. 4 Ma. yaṁ yadevūpaviyyati.
Sī. Yu. yaṁ yaṁ devūpaviyyati. 5 Ma. nupanivattati.
Evamāyu manussānaṁ gacchaṁ na parivattati 1 .
Yathā vārivaho pūro vahe rukkhepakūlaje
evaṁ jarāya maraṇena vuyhante sabbapāṇino.

[440] Hatthānīkaṁ rathānīkaṁ asse pattiñca cammino
nivesanāni rammāni ahaṁ putta dadāmi te.
Itthāgārañca te dammi sabbālaṅkārabhūsitaṁ
tā putta paṭipajjassu tvaṁ no rājā bhavissasi.
Kusalā naccagītassa sikkhitā cāturitthiyo
kāme taṁ ramayissanti kiṁ araññe karissasi.
Paṭirājūhi te kaññā ānayissaṁ alaṅkatā
tāsu putte janetvāna atha pacchā pabbajissasi.
Yuvā ca daharo cāpi paṭhamuppattito susū
rajjaṁ kārehi bhaddante kiṁ araññe karissasi.
Koṭṭhāgārañca kosañca vāhanāni balāni ca
nivesanāni rammāni ahaṁ putta dadāmi te.
Gomaṇḍalaparibyūḷho dāsīsaṅghapurakkhito 2
rajjaṁ kārehi bhaddante kiṁ araññe karissasi.

[441] Kiṁ maṁ dhanena khiyyetha 3 kiṁ bhariyāya marissati
kiṁ yobbanena jiṇṇena 4 yaṁ jarāyābhibhuyyati.
Tattha kā nandi kā khiḍḍā kā rati kā dhanesanā
1 Ma. nupanivattati. 2 Ma. ...purakkhato. aparaṁpi īdisameva. 3 Ma. kiṁ dhanena
yaṁ khīyetha. Sī. kiṁ dhanena yaṁ jīyetha. 4 Sī. Yu. ciṇṇena.
Kiṁ me puttehi dārehi rāja muttosmi bandhanā.
Yohaṁ 1 evaṁ pajānāmi maccu me nappamajjati
antakenādhipannassa kā rati kā dhanesanā.
Phalānamiva pakkānaṁ niccaṁ patanato bhayaṁ
evaṁ jātāna maccānaṁ niccaṁ maraṇato bhayaṁ.
Sāyameke na dissanti pāto diṭṭhā bahū janā
pāto eke na dissanti sāyaṁ diṭṭhā bahū janā.
Ajjeva kiccamātappaṁ ko jaññā maraṇaṁ suve
na hi no saṅgarantena mahāsenena maccunā.
Corā dhanassa patthenti rāja muttosmi bandhanā
ehi rāja nivattassu nāhaṁ rajjena matthikoti.
Temiyajātakaṁ paṭhamaṁ.
-------
2 Mahājanakajātakaṁ

[442] Koyaṁ majjhe samuddasmiṁ apassantīramāyuhe
kiṁ 2 tvaṁ atthavasaṁ ñatvā evaṁ vāyāmase bhusaṁ.

[443] Nisamma vattaṁ lokassa vāyamassa ca devate
tasmā majjhe samuddasmiṁ apassantīramāyuhe.

[444] Gambhīre appameyyasmiṁ tīraṁ yassa na dissati
mogho te purisavāyāmo appatvāva marissasi.
1 Sī. Yu. sohaṁ. 2 Ma. kaṁ.

[445] Anaṇo ñātīnaṁ hoti devānaṁ pitunañca so
karaṁ purisakiccāni na ca pacchānutappati.

[446] Apāraṇeyyaṁ yaṁ kammaṁ aphalaṁ kilamathuddayaṁ
tattha ko vāyamenattho maccu yassābhinipphataṁ 1 .