[427] Atho arogaṁ yoggaṁ me atho vahati vāhanaṁ
atho me byādhiyo 1 natthi sarīrassupatāpiyā.

[428] Kacci antā ca te phītā majjhe ca bahalā tava
koṭṭhāgārañca kosañca kacci te paṭisaṇṭhitaṁ 2 .

[429] Atho antā ca me phītā majjhe ca bahalā mama
koṭṭhāgārañca kosañca sabbaṁ me paṭisaṇṭhitaṁ 2 .

[430] Svāgatante mahārāja atho te adurāgataṁ
patiṭṭhāpentu 3 pallaṅkaṁ yattha rājā nisakkati.

[431] Idheva te nisinnassa 4 niyate paṇṇasanthare
etto udakamādāya pāde pakkhālayassu te.

[432] Idampi paṇṇakaṁ mayhaṁ randhaṁ rāja aloṇakaṁ
paribhuñja mahārāja pāhuno mesi āgato 5 .

[433] Na cāhaṁ paṇṇakaṁ bhuñje na hetaṁ mayha bhojanaṁ
sālīnaṁ odanaṁ bhuñje sucimaṁsūpasecanaṁ.

[434] Accherakaṁ maṁ paṭibhāti ekakampi rahogataṁ
1 Ma. byādhayo. 2 Ma. paṭisanthataṁ. 3 Ma. patiṭṭhapentu. 4 Ma. nisindassu.
5 Ma. mesidhāgato.
Edisaṁ bhuñjamānānaṁ kena vaṇṇo pasīdati.

[435] Eko rāja nipajjāmi niyate paṇṇasanthare
tāya me ekaseyyāya rāja vaṇṇo pasīdati.
Na ca nettiṁsabandhā me rājarakkhā upaṭṭhitā
tāya me ekaseyyāya rāja vaṇṇo pasīdati.
Atītaṁ nānusocāmi nappajappāmanāgataṁ
paccuppannena yāpemi tena vaṇṇo pasīdati.
Anāgatappajappāya atītassānusocanā
etena bālā sussanti naḷova harito luto.

[436] Hatthānīkaṁ rathānīkaṁ asse pattiñca cammino 1
nivesanāni rammāni ahaṁ putta dadāmi te.
Itthāgārañca te dammi sabbālaṅkārabhūsitaṁ
tā putta paṭipajjassu tvaṁ no rājā bhavissasi.
Kusalā naccagītassa sikkhitā cāturitthiyo
kāme taṁ ramayissanti kiṁ araññe karissasi.
Paṭirājūhi te kaññā ānayissaṁ alaṅkatā
tāsu putte janetvāna atha pacchā pabbajissasi.
Yuvā ca daharo cāpi 2 paṭhamuppattito 3 susū
rajjaṁ kārehi bhaddante kiṁ araññe karissasi.