[417] Na so mūgo na so pakkho visaṭṭhavacano ca so
rajjassa kira so bhīto akarā 1 ālaye bahū.
Purimaṁ sarati so jātiṁ yattha rajjamakārayi
kārayitvā tahiṁ rajjaṁ pāpatthaṁ nirayaṁ bhusaṁ.
Vīsati ceva vassāni tahiṁ rajjamakārayi
asītivassasahassāni nirayamhi apacci so.
Tassa rajjassa so bhīto mā maṁ rajjebhisecayuṁ
tasmā pitu ca mātu ca santike na bhaṇī tadā.
Aṅgapaccaṅgasampanno ārohapariṇāhavā
vissaṭṭhavacano pañño magge saggassa tiṭṭhati.
Sace tvaṁ daṭṭhukāmāsi rājaputtaṁ tavatrajaṁ
ehi taṁ pāpayissāmi yattha sammati temiyo.

[418] Yojayantu rathe asse kacchaṁ nāgāni 2 bandhatha
udīrayantu saṅkhapaṇḍavā nadantu ekapokkharā.
Nadantu bherī sannaddhā vaggū nadantu 3 dundubhī
negamā ca maṁ anventu gacchaṁ puttanivādako 4 .
Orodhā ca kumārā ca vesiyānā ca brāhmaṇā
khippaṁ yānāni yojentu gacchaṁ puttanivādako.
Hatthārohā anīkaṭṭhā rathikā pattikārakā
1 Sī. Yu. akarī. 2 Ma. nāgāna. 3 Ma. vādantu. 4 Ma. nivedako. ito paraṁ
īdisameva.
Khippaṁ yānāni yojentu gacchaṁ puttanivādako.
Samāgatā jānapadā negamā ca samāgatā
khippaṁ yānāni yojentu gacchaṁ puttanivādako.

[419] Asse ca sārathī yutte sindhave sīghavāhane
rājadvāraṁ upāgañchuṁ yuttā deva ime hayā.

[420] Thūlā javena hāyanti kīsā hāyanti thāmasā
kīse thūle vivajjitvā 1 saṁsaṭṭhā yojitā hayā.

[421] Tato rājā taramāno yuttamāruyha sandanaṁ
itthāgāraṁ ajjhabhāsi sabbāva anuyātha maṁ.
Vālavījanimuṇhīsaṁ khaggaṁ chattañca paṇḍaraṁ
upādhī rathamāruyha suvaṇṇehi alaṅkatā.
Tato ca rājā pāyāsi purakkhitvāna sārathiṁ
khippameva upāgañchi yattha sammati temiyo.

[422] Tañca disvāna āyantaṁ jalantamiva tejasā
khattasaṅghaparibyūḷhaṁ temiyo etadabravi.
Kacci nu tāta kusalaṁ kacci tāta anāmayaṁ
sabbā ca rājakaññāyo arogā mayha mātaro.

[423] Kusalañceva me putta atho putta anāmayaṁ
sabbā ca rājakaññāyo arogā tuyha mātaro.

[424] Kacci amajjapo 2 tāta kacci te suramappiyaṁ
1 Ma. vivajjetvā 2 Sī. kaccissamajjapo.
Kacci sacce ca dhamme ca dāne te ramatī mano.

[425] Amajjapo ahaṁ putta atho me suramappiyaṁ
atho sacce ca dhamme ca dāne me ramatī mano.

[426] Kacci arogaṁ yoggante kacci vahati vāhanaṁ
kacci te byādhiyo 1 natthi sarīrassupatāpiyā.