[397] Rañño mūgo ca pakkho ca putto jāto acetaso
somhi raññā samajjhittho puttaṁ me nikkhaṇaṁ vane.

[398] Na badhiro na mūgosmi na pakkho na ca paṅgulo
adhammaṁ sārathi kayirā mañce tvaṁ nikkhaṇaṁ vane
urū bāhū ca me passa bhāsitañca suṇohi me
adhammaṁ sārathi kayirā mañce tvaṁ nikkhaṇaṁ vane.

[399] Devatā nusi gandhabbo ādū sakko purindado
ko vā tvaṁ kassa vā putto kathaṁ jānemu taṁ mayaṁ.

[400] Namhi devo na gandhabbo nāpi sakko purindado
kāsirañño ahaṁ putto yaṁ kāsuyā nikhaññasi 3
1 Sī. Ma. mūgapakkhajātakaṁ. 2 Yu. paṇḍicciyaṁ. 3 Sī. Yu. nighaññasi.
nihaññasi itipi.
Tassa rañño ahaṁ putto yaṁ tvaṁ sammūpajīvasi
adhammaṁ sārathi kayirā mañce tvaṁ nikkhaṇaṁ vane
yassa rukkhassa chāyāya nisīdeyya sayeyya vā
na tassa sākhaṁ bhañjeyya mittadubbho 1 hi pāpako
yathā rukkho tathā rājā yathā sākhā tathā ahaṁ
yathā chāyūpago poso evaṁ tvamasi sārathi
adhammaṁ sārathi kayirā mañce tvaṁ nikkhaṇaṁ vane.

[401] Bahutabbhakkho 2 bhavati vippavuttho sakaṅgharā
bahū naṁ upajīvanti yo mittānaṁ na dubbhati.
Yaṁ yaṁ janapadaṁ yāti nigame rājadhāniyo
sabbattha pūjito hoti yo mittānaṁ na dubbhati.
Nāssa corā pasahanti 3 nātimaññeti khattiyo 4
sabbe amitte tarati yo mittānaṁ na dubbhati.
Akuddho sagharaṁ eti sabhāya paṭinandito
ñātīnaṁ uttamo hoti yo mittānaṁ na dubbhati.
Sakkatvā sakkato hoti garu hoti sagāravo
vaṇṇakittibhato hoti yo mittānaṁ na dubbhati.
Pūjako labhate pūjaṁ vandako paṭivandanaṁ
yasokittiñca pappoti yo mittānaṁ na dubbhati.
Aggi yathā pajjalati devatāva virocati
1 Sī. Yu. mittadūbho. 2 Ma. pahūtabhakkho. 3 Ma. pasāhanti. 4 Ma. nātibaññanti
khattiyā.
Siriyā ajjahito hoti yo mittānaṁ na dubbhati.
Gāvo tassa pajāyanti khette vuttaṁ virūhati
vuttānaṁ phalamasnāti yo mittānaṁ na dubbhati.
Darito pabbatāto vā rukkhato patito naro
cuto patiṭṭhaṁ labhati yo mittānaṁ na dubbhati.
Virūḷhamūlasantānaṁ nigrodhamiva māluto
amittā nappasahanti yo mittānaṁ na dubbhati.

[402] Ehi taṁ paṭinessāmi rājaputta sakaṁ gharaṁ
rajjaṁ kārehi bhaddante kiṁ araññe karissasi.

[403] Alaṁ me tena rajjena ñātakena 1 dhanena vā
yaṁ me adhammacariyāya rajjaṁ labbhetha sārathi.

[404] Puṇṇapattaṁ maṁ lābhehi 2 rājaputto ito gato
pitā mātā ca me dajjuṁ rājaputta tayī gate.
Orodhā ca kumārā ca vesiyānā ca brāhmaṇā
tepi attamanā dajjuṁ rājaputta tayī gate.
Hatthārohā anīkaṭṭhā rathikā pattikārakā
tepi attamanā dajjuṁ 3 rājaputta tayī gate.
Bahuttadhaññā jānapadā negamā ca samāgatā
upayānāni me dajjuṁ rājaputta tayī gate.

[405] Pitu mātu cahaṁ catto raṭṭhassa nigamassa ca
1 Ma. ñātakehi. 2 Sī. Yu. palābhehi. 3 Sī. Yu. tepi dajjuṁ patītā me.
Atho sabbakumārānaṁ natthi mayhaṁ sakaṁ gharaṁ.
Anuññāto ahaṁ matyā sañcatto pitarā ahaṁ
eko araññe pabbajito na kāme abhipatthaye.

[406] Api ataramānānaṁ phalāsāva samijjhati
vipakkabrahmacariyosmi evaṁ jānāhi sārathi.
Api ataramānānaṁ sammadattho vipaccati
vipakkabrahmacariyosmi nikkhanto akutobhayo.