[447] Apāraṇeyyamaccantaṁ yo viditvāna devate
na rakkhe attano pāṇaṁ jaññā so yadi hāpaye.
Adhippāyaphalaṁ eke asmiṁ lokasmi devate
payojayanti kammāni tāni ijjhanti vā na vā.
Sandiṭṭhikaṁ kammaphalaṁ nanu passasi devate
sannā aññe tarāmahaṁ tañca passāmi santike.
So ahaṁ vāyamissāmi yathāsatti yathābalaṁ
gacchaṁ pāraṁ samuddassa kassaṁ purisakāriyaṁ.

[448] Yo tvaṁ evaṁ gate oghe appameyye mahaṇṇave
dhammavāyāmasampanno kammunā nāvasīdati
so tvaṁ tattheva gacchāhi yattha te nirato mano.

[449] Suriyuggamane nidhi atho oggamane nidhi
anto nidhi bahi nidhi na anto na bahi nidhi
ārohane mahānidhi atho orohane nidhi
catūsu mahāsālesu samantā yojane nidhi
dantaggesu mahānidhi bālaggesu ca kepuke 2
1 Ma. ..ṇippataṁ. 2 kebuketipi.
Rukkhaggesu mahānidhi soḷasete mahānidhī
sahassathāmo pallaṅko sīvalārādhanena ca.

[450] Āsiṁsetheva 1 puriso na nibbindeyya paṇḍito
passāmi vohaṁ attānaṁ yathā icchiṁ tathā ahu.
Āsiṁsetheva 1 puriso na nibbindeyya paṇḍito
passāmi vohaṁ attānaṁ udakā thalamubbhataṁ.
Vāyametheva puriso na nibbindeyya paṇḍito
passāmi vohaṁ attānaṁ yathā icchiṁ tathā ahu.
Vāyametheva puriso na nibbindeyya paṇḍito
passāmi vohaṁ attānaṁ udakā thalamubbhataṁ.
Dukkhūpanītopi naro sapañño
āsaṁ na chindeyya sukhāgamāya
bahū hi phassā ahitā hitā ca
avitakkitāro maccumuppajjanti 2 .
Acintitampi bhavati cintitampi vinassati
na hi cintāmayā bhogā itthiyā purisassa vā.

[451] Aporāṇaṁ 3 vata bho rājā sabbabhummo disaṁpati
nājja nacce nisāmeti na gīte kurute mano.
Na mige napi uyyāne napi haṁse udikkhati
mūgova tuṇhīmāsīno na atthamanusāsati.
1 Ma. āsīsetheva. 2 Ma. avitakkitā maccumupabbajanti. 3 Sī. Yu. apurāṇaṁ.

[452] Sukhakāmā rahosīlā vaggabandhā apārutā 1
kassa 2 nu ajja ārāme daharā vuḍḍhā ca acchare
atikkantavanathā dhīrā namo tesaṁ mahesinaṁ
ye ussukkamhi lokamhi viharanti anussukā
te chetvā maccuno jālaṁ tantaṁ 3 māyāvino daḷhaṁ
sandālayantā 4 gacchanti ko tesaṁ gatimāpaye.

[453] Kadāhaṁ mithilaṁ phītaṁ vibhattaṁ bhāgaso mitaṁ
pahāya pabbajissāmi taṁ kadā 5 su bhavissati.
Kadāhaṁ mithilaṁ phītaṁ visālaṁ sabbato pabhaṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ bahupākāratoraṇaṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ daḷhamaṭṭālakoṭṭhakaṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ suvibhattaṁ mahāpathaṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ suvibhattantarāpaṇaṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ gavassarathapīḷitaṁ
pahāya pabbajissāmi taṁ kadā su bhavissati.
1 Ma. vadhabandhā apāratā. 2 Sī. Yu. kesaṁ. 3 Ma. tataṁ. 4 Ma. chinnālayattā.
5 Ma. kudāssu. ito paraṁ īdisameva.
Kadāhaṁ mithilaṁ phītaṁ ārāmavanamāliniṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ uyyānavanamāliniṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ pāsādavaramāliniṁ
pahāya pabbajissāmi taṁ kadā su bhavissati.
Kadāhaṁ mithilaṁ phītaṁ tipuraṁ rājabandhuniṁ
māpitaṁ somanassena vedehena yasassinā
pahāya pabbajissāmi taṁ kadā su bhavissati.
Kadāhaṁ videhe 1 phīte nicite dhammarakkhite
pahāya pabbajissāmi taṁ kadā su bhavissati.
Kadāhaṁ videhe phīte ajeyye dhammarakkhite
pahāya pabbajissāmi taṁ kadā su bhavissati.
Kadāhaṁ antepuraṁ rammaṁ vibhattaṁ bhāgaso mitaṁ
pahāya pabbajissāmi taṁ kadā su bhavissati.
Kadāhaṁ antepuraṁ rammaṁ sudhāmattikalepanaṁ
pahāya pabbajissāmi taṁ kadā su bhavissati.
Kadāhaṁ antepuraṁ rammaṁ sucigandhaṁ manoramaṁ
pahāya pabbajissāmi taṁ kadā su bhavissati.
Kadāhaṁ kūṭāgāre ca vibhatte bhāgaso mite
1 Ma. vedehe. ito paraṁ īdisameva.
Pahāya pabbajissāmi taṁ kadā su bhavissati.
Kadāhaṁ kūṭāgāre ca sudhāmattikalepane
pahāya pabbajissāmi taṁ kadā su bhavissati.
Kadāhaṁ kūṭāgāre ca sucigandhe manorame
pahāya pabbajissāmi taṁ kadā su bhavissati.
Kadāhaṁ kūṭāgāre ca litte candanaphosite
pahāya pabbajissāmi taṁ kadā su bhavissati.
Kadāhaṁ suvaṇṇapallaṅke goṇake cittasanthate
pahāya pabbajissāmi taṁ kadā su bhavissati.
Kadāhaṁ maṇipallaṅke goṇake cittasanthate
pahāya pabbajissāmi taṁ kadā su bhavissati.
Kadāhaṁ kappāsakoseyyaṁ khomakodumbarāni ca
pahāya pabbajissāmi taṁ kadā su bhavissati.
Kadāhaṁ pokkharaṇī rammā cākavākapakūjitā 1
maṇḍālakehi sañchannā padumuppalakehi ca
pahāya pabbajissāmi taṁ kadā su bhavissati.
Kadāhaṁ hatthigumbe ca sabbālaṅkārabhūsite
suvaṇṇakacche mātaṅge hemakappanivāsase
āruḷhe gāmanīyebhi tomaraṅkusapāṇibhi
pahāya pabbajissāmi taṁ kadā su bhavissati.
1 Ma. cakkavākapakūjitā.
Kadāhaṁ assagumbe ca sabbālaṅkārabhūsite
ājānīyeva jātiyā sindhave sīghavāhane
āruḷhe gāmanīyebhi indiyācāpadhāribhi 1
pahāya pabbajissāmi taṁ kadā su bhavissati.
Kadāhaṁ rathaseniyo sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi 2
pahāya pabbajissāmi taṁ kadā su bhavissati.
Kadāhaṁ sovaṇṇarathe sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ sajjhurathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ assarathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
1 Ma. illiyācāpadhāribhi. 2 Ma. vammibhi. ito paraṁ īdisameva.
Kadāhaṁ oṭṭharathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ goṇarathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ ajarathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ meṇḍarathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ migarathe ca sannaddhe ussitaddhaje
dīpe athopi veyyagghe sabbālaṅkārabhūsite
āruḷhe gāmanīyebhi cāpahatthehi cammibhi
pahāya pabbajissāmi taṁ kadā su bhavissati.
Kadāhaṁ hatthārohe ca sabbālaṅkārabhūsite
nīlacammadhare sūre tomaraṅkusapāṇino
pahāya pabbajissāmi taṁ kadā su bhavissati.
Kadāhaṁ assārohe ca sabbālaṅkārabhūsite
nīlacammadhare sūre indiyācāpadhārino 1
pahāya pabbajissāmi taṁ kadā su bhavissati.
Kadāhaṁ rathārohe ca sabbālaṅkārabhūsite
nīlacammadhare sūre cāpahatthe kalāpino 2
pahāya pabbajissāmi taṁ kadā su bhavissati.
Kadāhaṁ dhanuggahe ca sabbālaṅkārabhūsite
nīlacammadhare sūre cāpahatthe kalāpino 2
pahāya pabbajissāmi taṁ kadā su bhavissati.
Kadāhaṁ rājaputte ca sabbālaṅkārabhūsite
citracammadhare 3 sūre kañcanāveḷudhārino 4
pahāya pabbajissāmi taṁ kadā su bhavissati.
Kadāhaṁ ariyagaṇe vatthavante 5 alaṅkate
haricandanalittaṅge kāsikuttamadhārino 6
pahāya pabbajissāmi taṁ kadā su bhavissati.
Kadāhaṁ amaccagaṇe sabbālaṅkārabhūsite
pītacammadhare sūre purato gacchamālino 7
1 Ma. illiyācāpadhārine. 2 Ma. kalāpine. 3 Ma. citravammadhare. 4-6 Ma. ...
dhārine. 5 Ma. vatavante. 7 Ma. gacchamāline.
Pahāya pabbajissāmi taṁ kadā su bhavissati.
Kadāhaṁ sattasatā bhariyā sabbālaṅkārabhūsitā
pahāya pabbajissāmi taṁ kadā su bhavissati.
Kadāhaṁ sattasatā bhariyā susaññā tanumajjhimā
pahāya pabbajissāmi taṁ kadā su bhavissati.
Kadāhaṁ sattasatā bhariyā assavā piyabhāṇinī
pahāya pabbajissāmi taṁ kadā su bhavissati.
Kadāhaṁ satapalakaṁsaṁ sovaṇṇaṁ satarājikaṁ
pahāya pabbajissāmi taṁ kadā su bhavissati.
Kadā su maṁ hatthigumbā sabbālaṅkārabhūsitā
suvaṇṇakacchā mātaṅgā hemakappanivāsasā
āruḷhā gāmanīyebhi tomaraṅkusapāṇibhi
yantaṁ maṁ nānuyissanti taṁ kadā su bhavissati.
Kadā su maṁ assagumbā sabbālaṅkārabhūsitā
ājānīyāva jātiyā sindhavā sīghavāhanā
āruḷhā gāmanīyebhi indiyācāpadhāribhi
yantaṁ maṁ nānuyissanti taṁ kadā su bhavissati.
Kadā su maṁ rathaseniyo sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
Yantaṁ maṁ nānuyissanti taṁ kadā su bhavissati.
Kadā su maṁ suvaṇṇarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ sajjhurathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ assarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ oṭṭharathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ goṇarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
Yantaṁ maṁ nānuyissanti taṁ kadā su bhavissati.
Kadā su maṁ ajarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ meṇḍarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ migarathā sannaddhā ussitaddhajā
dīpā athopi veyyagghā sabbālaṅkārabhūsitā
āruḷhā gāmanīyebhi cāpahatthehi cammibhi
yantaṁ maṁ nānuyissanti taṁ kadā su bhavissati.
Kadā su maṁ hatthārohā sabbālaṅkārabhūsitā
nīlacammadharā sūrā tomaraṅkusapāṇino
yantaṁ maṁ nānuyissanti taṁ kadā su bhavissati.
Kadā su maṁ assārohā sabbālaṅkārabhūsitā
nīlacammadharā sūrā indiyācāpadhārino
yantaṁ maṁ nānuyissanti taṁ kadā su bhavissati.
Kadā su maṁ rathārohā sabbālaṅkārabhūsitā
Nīlacammadharā sūrā cāpahatthā kalāpino
yantaṁ maṁ nānuyissanti taṁ kadā su bhavissati.
Kadā su maṁ dhanuggahā sabbālaṅkārabhūsitā
nīlacammadharā sūrā cāpahatthā kalāpino
yantaṁ maṁ nānuyissanti taṁ kadā su bhavissati.
Kadā su maṁ rājaputtā sabbālaṅkārabhūsitā
citracammadharā sūrā kañcanāveḷadhārino
yantaṁ maṁ nānuyissanti taṁ kadā su bhavissati.
Kadā su maṁ ariyagaṇā vatthavantā 1 alaṅkatā
haricandanalittaṅgā kāsikuttamadhārino
yantaṁ maṁ nānuyissanti taṁ kadā su bhavissati.
Kadā su maṁ amaccagaṇā sabbālaṅkārabhūsitā
pītacammadharā sūrā purato gacchamālinī 2
yantaṁ maṁ nānuyissanti taṁ kadā su bhavissati.
Kadā su maṁ sattasatā bhariyā sabbālaṅkārabhūsitā
yantaṁ maṁ nānuyissanti taṁ kadā su bhavissati.
Kadā su maṁ sattasatā bhariyā susaññā tanumajjhimā
yantaṁ maṁ nānuyissanti taṁ kadā su bhavissati.
Kadā su maṁ sattasatā bhariyā assavā piyabhāṇinī
yantaṁ maṁ nānuyissanti taṁ kadā su bhavissati.
1 Ma. vatavantā. 2 Ma. gacchamālino.
Kadāhaṁ pattaṁ gahetvāna muṇḍo saṅghāṭipāruto
piṇḍikāya carissāmi taṁ kadā su bhavissati.
Kadāhaṁ paṁsukūlānaṁ ujjhitānaṁ mahāpathe
saṅghāṭiṁ dhārayissāmi taṁ kadā su bhavissati.
Kadāhaṁ sattāhaṁ meghe 1 ovuṭṭhe allacīvaro
piṇḍikāya carissāmi taṁ kadā su bhavissati.
Kadāhaṁ sabbaṇhaṁ 2 gantvā rukkhā rukkhaṁ vanā vanaṁ
anapekkho carissāmi 3 taṁ kadā su bhavissati.
Kadāhaṁ giriduggesu pahīnabhayabheravo
adutiyo gamissāmi 4 taṁ kadā su bhavissati.
Kadāhaṁ vīṇarujjakova 5 sattatantiṁ manoramaṁ
cittaṁ ujuṁ karissāmi taṁ kadā su bhavissati.
Kadāhaṁ rathakārova parikantaṁ upāhanaṁ
kāmasaṁyojane checchaṁ ye dibbe ye ca mānuse.

[454] Tā ca sattasatā bhariyā sabbālaṅkārabhūsitā
bāhā paggayha pakkanduṁ kasmā no vijahissasi.
Tā ca sattasatā bhariyā susaññā tanumajjhimā
bāhā paggayha pakkanduṁ kasmā no vijahissasi.
Tā ca sattasatā bhariyā assavā piyabhāṇinī
bāhā paggayha pakkanduṁ kasmā no vijahissasi.
1 Ma. sattāhasammeghe. 2 Sī. Ma. sabbahaṁ ṭhānaṁ. Yu. sabbāhaṁ ṭhānaṁ.
3 Ma. gamissāmi. Sī. Yu. viharissāmi. 4 Sī. Yu. viharissāmi.
5 Ma. vīṇaṁva rujjako.
Tā ca sattasatā bhariyā sabbālaṅkārabhūsitā
hitvā sampadavī 1 rājā pabbajjāya purakkhito.
Tā ca sattasatā bhariyā susaññā tanumajjhimā
hitvā sampadavī 1 rājā pabbajjāya purakkhito.
Tā ca sattasatā bhariyā assavā piyabhāṇinī
hitvā sampadavī 1 rājā pabbajjāya purakkhito.
Hitvā satapallakaṁsaṁ sovaṇṇaṁ satarājikaṁ
aggahi mattikāpattaṁ taṁ dutiyābhisecanaṁ.

[455] Bhesmā aggisamā jālā kosā ḍayhanti bhāgaso
rajataṁ jātarūpañca muttā veḷuriyā bahū
maṇayo saṅkhamuttā ca vatthakaṁ 2 haricandanaṁ
ajinaṁ dantabhaṇḍañca lohaṁ kāḷāyasaṁ bahuṁ
ehi rāja nivattassu mā te taṁ vinassā 3 dhanaṁ.

[456] Susukhaṁ vata jīvāma yesanno natthi kiñcanaṁ
mithilāya ḍayhamānāya na me kiñci aḍayhatha.