[457] Aṭaviyo samuppannā raṭṭhaṁ viddhaṁsayanti te
ehi rāja nivattassu mā raṭṭhaṁ vinassā 3 idaṁ.

[458] Susukhaṁ vata jīvāma yesanno natthi kiñcanaṁ
raṭṭhe vilumpamānamhi na me kiñci ahāratha
1 Sī. sampaddayī. Ma. sampaddavī. 2 Ma. vatthikaṁ. 3 Ma. vinasā.
Susukhaṁ vata jīvāma yesanno natthi kiñcanaṁ
pītibhakkhā bhavissāma devā ābhassarā yathā.

[459] Kimheso mahato ghoso kā nu gāmeva kīḷiyā
samaṇa tveva pucchāmi katthesobhisaṭo jano.

[460] Mamaṁ ohāya gacchantaṁ etthesobhisaṭo jano
sīmātikkamanaṁ yantaṁ munimonassa pattiyā
missaṁ nandīhi gacchantaṁ kiṁ jānamanupucchasi.

[461] Māssu tiṇṇo amaññittho 1 sarīraṁ dhārayaṁ imaṁ
atīraṇeyyamidaṁ kammaṁ bahū hi paripanthayo.

[462] Ko nu me paripanthassa mama evaṁvihārino
yo neva diṭṭhe nādiṭṭhe kāmānamabhipatthaye.

[463] Niddā tandi vijambhitā arati bhattasammado
āvasanti sarīraṭṭhā bahū hi paripanthayo.

[464] Kalyāṇaṁ vata maṁ bhavaṁ brāhmaṇa anusāsasi
brāhmaṇa tveva pucchāmi ko nu tvamasi mārisa.

[465] Nārado iti nāmena kassapo iti maṁ vidū
bhoto saṅkāse āgacchiṁ sādhu sabbhi samāgamo.
Tassa te sabbo ānando vihāro upavattatu
yadūnaṁ taṁ paripūrehi khantiyā upasamena ca.
Pasāraya sannatañca unnatañca pahāraya 2
1 Ma. amaññittha. 2 Ma. pasārayu.
Kammaṁ vijjañca dhammañca sakkatvāna paribbaja.

[466] Bahū hatthī ca asse ca nagare janapadāni ca
hitvā janaka pabbajito kapāle 1 ratimajjhagā
kacci nu te jānapadā mittāmaccā ca ñātakā
dūbhiṁ akaṁsu janaka kasmā te taṁ aruccatha.