[477] Imasmiṁ me samaṇa hatthe paṭimukkā dunīvarā 4
saṅghaṭṭā jāyate saddo dutiyasseva sā gati
imasmiṁ me samaṇa hatthe paṭimukko ekanīvaro 5
so adutiyo na janati munibhūtova tiṭṭhati
vivādappatto dutiyo keneko vivadissati
tassa te saggakāmassa ekattamuparocataṁ.

[478] Suṇasi sīvali gāthā kumāriyā paveditā
pesiyā maṁ garahittho dutiyasseva sā gati
1 Sī. ajaddhumārīva. Ma. ajṭṭhamārīva. Yu. ajaddhumāriva. 2 Sī. Yu. anavajjoti.
3 saṇati ... saṇatī itipi. 4 Sī. Yu. dunīdhurā. 5 Sī. Yu. ekanīdhuro.
Ayaṁ dvedhā patho bhadde anuciṇṇo pathāvihi
tesaṁ tvaṁ ekaṁ gaṇhāhi ahamekaṁ punāparaṁ
mā ca 1 maṁ tvaṁ pati meti nāhaṁ bhariyāti taṁ puna 2 .
Imameva kathayantā thūṇaṁ nagaramupāgamuṁ.
Koṭṭhake usukārassa bhattakāle upaṭṭhite
tatra ca so usukāro ekaṁ daṇḍaṁ ujuṁ kataṁ
ekañca cakkhuṁ niggayha jimhamekena pekkhati.

[479] Evanno sādhu passasi usukāra suṇohi me
yadekaṁ cakkhuṁ niggayha jimhamekena pekkhasi.

[480] Dvīhi samaṇa cakkhūhi visālaṁ viya khāyati
appatvā 3 paramaṁ 4 liṅgaṁ nujubhāvāya kappati.
Ekañca cakkhuṁ niggayha jimhamekena pekkhato
sampatvā paramaṁ liṅgaṁ ujubhāvāya kappati.
Vivādappatto dutiyo keneko vivadissati
tassa te saggakāmassa ekattamuparocataṁ.

[481] Suṇasi sīvali gāthā usukārena veditā
pesiyā maṁ garahittho dutiyasseva sā gati
ayaṁ dvedhā patho bhadde anuciṇṇo pathāvihi
tesaṁ tvaṁ ekaṁ gaṇhāhi ahamekaṁ punāparaṁ
neva maṁ 5 tvaṁ pati meti nāhaṁ bhariyāti taṁ puna 6
1-5 Ma. mā vaca. 2-6 Ma. vā puna. 3 Ma. asampatvā. 4 Sī. Yu. paraṁ.
Muñjā isakā pabyūḷhā 1 ekā vihara sīvalīti.
Mahājanakajātakaṁ dutiyaṁ.
---------
3 Suvaṇṇasāmajātakaṁ

[482] Ko nu maṁ usunā vijjhi pamattaṁ udahārikaṁ 2
khattiyo brāhmaṇo vesso ko maṁ viddhā nilīyasi.
Na me maṁsāni khajjāni cammenattho na vijjati
atha kena nu vaṇṇena viddheyyaṁ maṁ amaññatha.
Ko vā tvaṁ kassa vā putto kathaṁ jānemu taṁ mayaṁ
puṭṭho me samma akkhāhi kiṁ maṁ viddhā nilīyasi.

[483] Rājāhamasmi kāsīnaṁ pilayakkhoti maṁ vidū
lobhā raṭṭhaṁ pahitvāna migamesaṁ carāmahaṁ
issatthe casmi kusalo daḷhadhammoti vissuto
nāgopi me na muñceyya āgato usupātanaṁ.
Ko vā tvaṁ kassa vā putto 3 kathaṁ jānemu taṁ mayaṁ
pituno attano cāpi nāmagottaṁ pavedaya.

[484] Nesādaputto bhaddante sāmo iti maṁ ñātayo
āmantayiṁsu jīvantaṁ svājjevaṅgato 4 saye
viddhosmi puthusallena savisena yathā migo
sakamhi lohite rāja passa semi paripluto
1 Ma. muñjāvesikā pavāḷhā. 2 Ma. udahārakaṁ. 3 Sī. Yu. tvaṁ ca kassa vā
puttosi. 4 Ma. svajjevāhaṁ gato.
Paṭivāmagataṁ sallaṁ passa thimhāmi 1 lohitaṁ
āturo tyānupucchāmi kiṁ maṁ viddhā nilīyasi
ajinamhi haññate dīpi nāgo dantehi haññate
atha kena nu vaṇṇena viddheyyaṁ maṁ amaññatha.

[485] Migo upaṭṭhito āsi āgato usupātanaṁ
taṁ disvā ubbijji sāma tena kodho mamāvisi.

[486] Yato sarāmi attānaṁ yato pattosmi viññutaṁ
na maṁ migā utrāsanti 2 araññe sāpadānipi.
Yato nidhiṁ parihāriṁ yato pattosmi yobbanaṁ
na maṁ migā utrāsanti araññe sāpadānipi.
Bhīrū kiṁpurisā rāja pabbate gandhamādane
sammodamānā gacchāma pabbatāni vanāni ca
atha kena nu vaṇṇena utrāsanti migā mamaṁ.