[487] Na taṁ tasa 3 migo sāma kintāhaṁ alikaṁ bhaṇe
kodhalobhābhibhūtāhaṁ usuṁ te taṁ avissajiṁ 4 .
Kuto nu sāma āgamma kassa vā pahito tuvaṁ
udahāro nadiṁ gaccha āgato migasammataṁ.

[488] Andhā mātāpitā mayhaṁ te bharāmi brahāvane
tesāhaṁ udakahāro āgato migasammataṁ.

[489] Atthi nesaṁ usāmattaṁ atha sāhassa jīvitaṁ
1 Ma. dhimhāmi. vihāmītipi. 2 Ma. uttasanti. ito paraṁ īdisameva.
3 na taddasā itipi. 4 Ma. avassajiṁ.
Udakassa alābhena maññe andhā marissare.
Na me idaṁ tathā dukkhaṁ labbhā hi pumunā idaṁ
yañca ammaṁ na passāmi taṁ me dukkhataraṁ ito.
Na me idaṁ tathā dukkhaṁ labbhā hi pumunā idaṁ
yañca tātaṁ na passāmi taṁ me dukkhataraṁ ito.
Sā nūna kapaṇā ammā ciraṁ rattāya rucchati
aḍḍharatteva ratte vā nadīva avasussati 1 .
So nūna kapaṇo tāto ciraṁ rattāya rucchati
aḍḍharatteva ratte vā nadīva avasussati.
Uṭṭhānapādacariyāya 2 rāja sambāhanassa 3 ca
sāma tāta vilapantā hiṇḍissanti brahāvane.
Idampi dutiyaṁ sallaṁ kampeti hadayaṁ mama
yañca andhe na passāmi maññe hissāmi jīvitaṁ.

[490] Mā bāḷhaṁ paridevesi sāma kalyāṇadassana
ahaṁ kammakaro hutvā bharissante brahāvane.
Issatthe casmi kusalo daḷhadhammoti vissuto
ahaṁ kammakaro hutvā bharissante brahāvane.
Migānaṁ vighāsamanvesaṁ vanamūlaphalāni ca
ahaṁ kammakaro hutvā bharissante brahāvane.
Katamantaṁ vanaṁ sāma yattha mātāpitā tava
1 Ma. avasucchati. 2 Sī. Yu. pāricariyāya. 3 Ma. pādasambāhanassa ca.
Ahante tathā bharissaṁ yathā te abharī tuvaṁ.

[491] Ayaṁ ekapadī rāja yoyaṁ ussīsake mama
ito gantvā aḍḍhaghosaṁ 1 tattha nesaṁ agārakaṁ
yattha mātāpitā mayhaṁ te bharassu ito gato.

[492] Namo te kāsirājatthu namo te kāsivaḍḍhana
andhā mātāpitā mayhaṁ te bharassu brahāvane.
Añjalinte paggaṇhāmi kāsirāja namatthu te
mātaraṁ pitaraṁ mayhaṁ vutto vajjāsi vandanaṁ.

[493] Idaṁ vatvāna so sāmo yuvā kalyāṇadassano
mucchito visavegena visaññī samapajjatha.

[494] Sa rājā paridevesi bahuṁ kāruññasañhitaṁ
ajarāmarohaṁ āsiṁ ajjetaṁ ñāmi no pure.
Sāmaṁ kālakataṁ disvā natthi maccussa nāgamo
yassu maṁ paṭimanteti savisena samappito.
Svājjevaṅgate kāle na kiñcimabhibhāsati
nirayaṁ nūna gacchāmi ettha me natthi saṁsayo.
Tadā hi pakataṁ pāpaṁ ciraṁ rattāya kibbisaṁ
bhavanti tassa vattāro gāme kibbisakārako
araññe nimmanussamhi ko maṁ vattumarahati.
Sārayanti hi kammāni gāme saṅgaccha māṇavā
1 aḍḍhasontipi.
Araññe nimmanussamhi ko nu maṁ sārayissati.

[495] Sā devatā antarahitā pabbate gandhamādane
raññova anukampāya imā gāthā abhāsatha.
Āguṁ kira mahārāja akari kammadukkaṭaṁ
adūsakā pitāputtā tayo ekūsunā hatā.
Ehi taṁ anusikkhāmi yathā te sugatī siyā
dhammenandheva ne posa maññehaṁ sugatī siyā 1 .

[496] Sa rājā paridevitvā bahuṁ kāruññasañhitaṁ
udakakumbhamādāya pakkāmi dakkhiṇāmukho.