[367] Ariyassa ariyena sameti sakkhi 1
paññassa paññāṇavatā sameti
passeyya taṁ vassasataṁ arogaṁ
etaṁ varānaṁ paṭhamaṁ varāmi.

[368] Ariyassa ariyena sameti sakkhi 1
paññassa paññāṇavatā sameti
passesi maṁ vassasataṁ arogaṁ
evaṁ varānaṁ paṭhamaṁ dadāmi.

[369] Ye khattiyāse idha bhūmipālā
muddhābhisittā katanāmadheyyā
na tādise bhūmipatī adesi
etaṁ varānaṁ dutiyaṁ varāmi.

[370] Ye khattiyāse idha bhūmipālā
muddhābhisittā katanāmadheyyā
1 Ma. sakhyaṁ.
Na tādise bhūmipatī ademi
etaṁ varānaṁ dutiyaṁ dadāmi.

[371] Parosataṁ khattiyā te gahītā
talāvutā assumukhā rudantā
sake te raṭṭhe paṭipādayāhi
etaṁ varānaṁ tatiyaṁ varāmi.

[372] Parosataṁ khattiyā me gahītā
talāvutā assumukhā rudantā
sake te raṭṭhe paṭipādayāmi 1
etaṁ varānaṁ tatiyaṁ dadāmi.

[373] Chiddaṁ te raṭṭhaṁ byathitā 2 bhayā hi
puthū narā leṇamanuppaviṭṭhā
manussamaṁsaṁ viramāhi rāja
etaṁ varānaṁ catutthaṁ varāmi.

[374] Addhā hi so bhakkho mamaṁ manāpo
etassa hetumhi vanaṁ paviṭṭho
sohaṁ kathaṁ etto upārameyyaṁ
aññaṁ varānaṁ catutthaṁ varassu.

[375] Na ve piyaṁ meti janinda tādiso
attaṁ niraṅkatva 3 piyāni sevati
1 Sī. sakena raṭṭhe paṭipādayāmi te. 2 Sī. byathitaṁ. Yu. byādhitaṁ.
3 Ma. niraṅkacca.
Attāva seyyo paramāva 1 seyyo
labbhā piyā ocitattena pacchā.

[376] Piyaṁ me mānusaṁ maṁsaṁ sutasoma vijānahi
namhi sakko nivāretuṁ aññaṁ tuvaṁ samma varaṁ varassu.