[357] Pāsādavāsā paṭhavīgavassā
kāmitthiyo kāsikacandanañca
sabbaṁ tahiṁ labhasi 2 sāmitāya
saccena kiṁ passati ānisaṁsaṁ.

[358] Yekecime atthi rasā paṭhabyā
saccaṁ tesaṁ sādhutaraṁ rasānaṁ
sacce ṭhitā samaṇabrāhmaṇā ca
taranti jātimaraṇassa pāraṁ.

[359] Mutto tuvaṁ porisādassa hatthā
gantvā sakaṁ mandiraṁ kāmakāmī
amittahatthaṁ punarāgatosi
nahi nūna te maraṇabhayaṁ janinda
alīnacitto casi 3 saccavādī.
1 Ma. khattadhammaṁ. 2 Yu. labbhati. 3 Ma. asi.

[360] Katā me kalyāṇā anekarūpā
yaññā yiṭṭhā ye vipulā pasatthā
visodhito paralokassa maggo
dhamme ṭhito ko maraṇassa bhāye.
Katā me kalyāṇā anekarūpā
yaññā yiṭṭhā ye vipulā pasatthā
anānutappaṁ paralokaṁ gamissaṁ
yajassu yaññaṁ khāda 1 maṁ porisāda.
Pitā ca mātā ca upaṭṭhitā me
dhammena me issariyaṁ pasatthaṁ
visodhito paralokassa maggo
dhamme ṭhito ko maraṇassa bhāye.
Pitā ca mātā ca upaṭṭhitā me
dhammena me issariyaṁ pasatthaṁ
anānutappaṁ paralokaṁ gamissaṁ
yajassu yaññaṁ khāda maṁ porisāda.
Ñātīsu mittesu katūpakāro 2
dhammena me issariyaṁ pasatthaṁ
visodhito paralokassa maggo
dhamme ṭhito ko maraṇassa bhāye.
1 Ma. ada. ito paraṁ īdisameva. 2 Ma. katā me kārā. ito paraṁ īdisameva.
Ñātīsu mittesu katūpakāro
dhammena me issariyaṁ pasatthaṁ
anānutappaṁ paralokaṁ gamissaṁ
yajassu yaññaṁ khāda maṁ porisāda.
Dinnaṁ me dānaṁ bahudhā bahūnaṁ
santappitā samaṇabrāhmaṇā ca
visodhito paralokassa maggo
dhamme ṭhito ko maraṇassa bhāye.
Dinnaṁ me dānaṁ bahudhā bahūnaṁ
santappitā samaṇabrāhmaṇā ca
anānutappaṁ paralokaṁ gamissaṁ
yajassu yaññaṁ khāda maṁ porisāda.

[361] Visaṁ pajānaṁ puriso adeyya
āsīvisaṁ jalitaṁ uggatejaṁ
muddhāpi tassa viphaleyya 1 sattadhā
yo tādisaṁ saccavādiṁ adeyya.

[362] Sutvā dhammaṁ vijānanti narā kalyāṇapāpakaṁ
api gāthā suṇitvāna dhamme me ramate mano.

[363] Sakideva mahārāja 2 sabbhi hoti samāgamo
sā naṁ saṅgati pāleti nāsabbhi bahu saṅgamo.
1 Sī. Yu. vipateyya. 2 Sī. Yu. sutasoma.
Sabbhireva samāsetha sabbhi kubbetha santhavaṁ
sataṁ saddhammamaññāya seyyo hoti na pāpīyo.
Jīranti ve rājarathā sucittā
atho sarīraṁpi jaraṁ upeti
satañca dhammo na jaraṁ upeti
santo have sabbhi pavedayanti.
Nabhañca dūre paṭhavī ca dūre
pāraṁ samuddassa tadāhu dūre
tato have dūrataraṁ vadanti
satañca dhammo asatañca rāja.

[364] Gāthā imā atthavatī subyañjanā
subhāsitā tuyha janinda sutvā
ānandi vitto sumano patīto
cattāri te samma vare dadāmi.

[365] Yo nattano maraṇaṁ bujjhase 2 tuvaṁ
hitāhitaṁ vinipātañca saggaṁ
giddho rase duccarite niviṭṭho
kiṁ tvaṁ varaṁ dassasi pāpadhamma.
Ahañca taṁ dehi varanti vajjaṁ
tvañcāpi datvāna avākareyya
1 Ma. bujjhasi.
Sandiṭṭhikaṁ kalahamimaṁ vivādaṁ
ko paṇḍito jānamupabbajeyya.

[366] Na taṁ varaṁ arahati jantu dātuṁ
yaṁ vāpi datvāna avākareyya
varassu samma avikampamāno
pāṇaṁ cajitvānapi dassameva.