[347] Attānurakkhāya bhavanti hete
hatthārohā rathikā pattikā ca
assārohā ye ca dhanuggahāse
senaṁ payuñjāma hanāma sattuṁ.

[348] Sudukkaraṁ porisādo akāsi
jīvaṁ gahetvāna avassajī maṁ
taṁ tādisaṁ pubbakiccaṁ saranto
dubbhe ahaṁ tassa kathaṁ janinda.

[349] Vanditvā so pitaraṁ mātarañca
anusāsetvā negamañca balañca
saccavādī saccānurakkhamāno
agamāsi so yattha porisādo.

[350] Kato mayā saṅgaro brāhmaṇena
raṭṭhe sake issariye ṭhitena
taṁ saṅgaraṁ brāhmaṇasampadāya
1 Ma. ...sasimaṁ. 2 Ma. ñatte. Sī. Yu. kante.
Saccānurakkhī punarāgatosmi
yajassu yaññaṁ khāda maṁ porisāda.

[351] Na hāyate khādituṁ 1 mayhaṁ pacchā
citakā ayaṁ tāva sadhūmakā 2 ca
niddhūmake pacitaṁ sādhu pakkaṁ
suṇoma gāthāyo satārahāyo.

[352] Adhammiko tvaṁ purisādakāsi
raṭṭhā ca bhaṭṭho udarassa hetu
dhammañcimā abhivadanti gāthā
dhammo adhammo ca kuhiṁ sameti.
Adhammikassa luddassa niccaṁ lohitapāṇino
natthi saccaṁ kuto dhammo kiṁ sutena karissasi.

[353] Yo maṁsahetu migavaṁ careyya
yo vā hane purisamattahetu
ubhopi te pecca samā bhavanti
kasmā no adhammikaṁ brūsi maṁ tvaṁ.

[354] Pañca pañca na khā bhakkhā khattiyena pajānatā
abhakkhaṁ rāja bhakkhesi tasmā adhammiko tuvaṁ.

[355] Mutto tuvaṁ porisādassa hatthā
gantvā sakaṁ mandiraṁ kāmakāmī
1 Ma. khāditaṁ. 2 Ma. sadhūmikāva.
Amittahatthaṁ punarāgatosi
na khatyadhamme kusalosi rāja.

[356] Ye khatyadhamme kusalā bhavanti
pāyena te nerayikā bhavanti
tasmā ahaṁ khatyadhammaṁ 1 pahāya
saccānurakkhī punarāgatosmi
yajassu yaññaṁ khāda maṁ porisāda.