[337] Nabhaṁ phaleyya udadhi visusse 2
saṁvatteyya 3 bhūtadharā vasundharā
siluccayo meru samūlamuppateyya 4
na tvevāhaṁ rāja musā bhaṇeyyaṁ.

[338] Asiñca sattiñca parāmasāmi
sapathaṁpi te samma ahaṁ karomi
tayā pamutto anaṇo bhavitvā
saccānurakkhī punarāvajissaṁ.

[339] Yo te kato saṅgaro brāhmaṇena
1 Ma. tāyati. 2 Ma. udadhīpi susse. 3 Ma. saṁvaṭṭaye. 4 Ma. -muppate.
Raṭṭhe sake issariye ṭhitena
taṁ saṅgaraṁ brāhmaṇasampadāya
saccānurakkhī punarāvajassu.

[340] Yo me kato saṅgaro brāhmaṇena
raṭṭhe sake issariye ṭhitena
taṁ saṅgaraṁ brāhmaṇasampadāya
saccānurakkhī punarāvajissaṁ.

[341] Mutto ca so porisādassa hatthā
gantvāna taṁ brāhmaṇaṁ etadavoca
suṇomi 1 gāthāyo satārahāyo
yā me sutā assu hitāya brahme.

[342] Sakideva sutasoma sabbhi hoti 2 samāgamo
sā naṁ saṅgati pāleti nāsabbhi bahu saṅgamo.
Sabbhireva samāsetha sabbhi kubbetha santhavaṁ
sataṁ saddhammamaññāya seyyo hoti na pāpiyo.
Jīranti ve rājarathā sucittā
atho sarīrampi jaraṁ upeti
satañca dhammo na jaraṁ upeti
santo have sabbhi pavedayanti.
Nabhañca dūre paṭhavī ca dūre
1 Ma. suṇoma. 2 Yu. hotu.
Pāraṁ samuddassa tadāhu dūre
tato have dūrataraṁ vadanti
satañca dhammo asatañca rāja.

[343] Sāhassiyā 1 imā gāthā nayimā 2 gāthā satārahā
cattāri tvaṁ sahassāni khippaṁ gaṇhāhi brāhmaṇa.

[344] Āsītiyā nāvutiyā ca gāthā
satārahā cāpi bhaveyyu 3 gāthā
paccattameva sutasoma jānāhi
sāhassiyā nāma kā atthi gāthā.

[345] Icchāmi vohaṁ sutavuḍḍhimattano
santo mamaṁ sappurisā bhajeyyuṁ
ahaṁ savantīhi mahodadhīva
na hi tāta tappāmi subhāsitena.
Aggi yathā tiṇakaṭṭhaṁ dahanto
na tappati sāgarova nadīhi
evaṁpi te paṇḍitā rājaseṭṭha
sutvā na tappanti subhāsitena.
Sakassa dāsassa yadā suṇomi
gāthaṁ ahaṁ atthavatiṁ 4 janinda
tameva sakkacca nisāmayāmi
1 Sī. Yu. sahassiyo. 2 Ma. nahimā gāthā. 3 Ma. bhaveyya. 4 Sī. Yu. gāthā ahaṁ
atthavatī.
Na hi tāta dhammesu mamatthi titti.

[346] Idante raṭṭhaṁ sadhanaṁ sayoggaṁ
sakāyuraṁ sabbakāmūpapannaṁ
kiṁ kāmahetu paribhāsase 1 maṁ
gacchāmahaṁ porisādassa ñante 2 .