[317] Sace tuvaṁ bhatturatthe payutto
karosi kammāni sudāruṇāni
pātova antepuraṁ pāpuṇitvā
lapeyyāsi me rājino sammukhe taṁ.

[318] Tathā karissāmi ahaṁ bhadante
yathā tuvaṁ 1 bhāsasi kāḷahatthi
pātova antepuraṁ pāpuṇitvā
1 Sī. yameva tvaṁ.
Vakkhāmi te rājino sammukhe taṁ.

[319] Tato ratyā vivasane 1 suriyassuggamanaṁ 2 pati
kāḷo rasakamādāya rājānaṁ upasaṅkami
upasaṅkamitvā 3 rājānaṁ idaṁ vacanamabravi.
Saccaṁ kira mahārāja rasako pesito tayā
hanati itthīpurise tuvaṁ maṁsāni khādasi.

[320] Evameva tathā kāḷa rasako pesito mayā
mama atthaṁ karontassa kimetaṁ paribhāsasi.

[321] Ānando sabbamacchānaṁ khāditvā rasagiddhimā
parikkhīṇāya parisāya attānaṁ khādiyā mato.
Evaṁ pamatto rasagārave rato 4
bālo yadī āyati nāvabujjhasi
vidhamma putte caji ñātake ca
parivattiya attānaññeva 5 khādati.
Idaṁ te sutvāna vigetu 6 chando
mā bhakkhayi 7 rāja manussamaṁsaṁ
mā tvaṁ imaṁ kevalaṁ vārijova
dvipadādhipa suññamakāsi raṭṭhaṁ.

[322] Sujāto nāma nāmena oraso tassa atrajo
jambūpesiṁ aladdhāna mato so tassa saṅkhaye
1 Ma. vivasāne. 2 Ma. sūriyuggamanaṁ. 3 Ma. upasaṅkamma. 4 Ma. ratto.
5 Sī. Yu. attānameva. 6 Sī. Yu. vihetu. 7 Sī. Yu. mā bhakkhasī.
Evameva ahaṁ kāḷa bhutvā bhakkhaṁ rasuttamaṁ
aladdhā mānusaṁ maṁsaṁ maññe hessāmi 1 jīvitaṁ.

[323] Māṇava abhirūposi kule jātosi sotthiye
na tvaṁ arahasi tāta abhakkhaṁ bhakkhayetave.

[324] Rasānaññataraṁ etaṁ kasmā maṁ tvaṁ nivāraye
sohaṁ tattha gamissāmi yattha lacchāmi edisaṁ.
Sovāhaṁ nippatissāmi na te vacchāmi santike
assa me dassanena tvaṁ nābhinandasi brāhmaṇa.

[325] Addhā aññepi dāyāde putte lacchāma māṇava
tvañca jamma vinassassu yattha pattaṁ na taṁ suṇe.

[326] Evameva tuvaṁ rāja dipadinda suṇohi me
pabbājissanti 2 taṁ raṭṭhā soṇḍaṁ māṇavakaṁ yathā.