[327] Sujāto nāma nāmena bhāvitattāna sāvako
accharaṁ kāmayantova na so bhuñji na so pivi.
Kusaggenudakamādāya 3 samudde udakaṁ mine
evaṁ mānusikā kāmā dibbakāmāna santike.
Evameva ahaṁ kāḷa bhutvā bhakkhaṁ rasuttamaṁ
aladdhā mānusaṁ maṁsaṁ maññe hessāmi 5 jīvitaṁ.

[328] Yathāpi te dhataraṭṭhā haṁsā vehāyasaṅgamā
ayuttaparibhogena 4 sabbe abbhatthataṁ gatā.
1-5 Ma. hissāmi. 2 Ma. pabbājessanti. 3 Sī. Yu. kusagge udakamādāya.
4 Ma. abhuttaparibhogena.
Evameva tuvaṁ rāja dipadinda suṇohi me
abhakkhaṁ rāja bhakkhesi tasmā pabbājissanti 1 taṁ.

[329] Tiṭṭhāhīti mayā vutto so tvaṁ gacchasi pammukho
aṭṭhito tvaṁ ṭhitomhīti lapasi brahmacārini
idaṁ te samaṇāyuttaṁ asiñca me maññasi kaṅkhapattaṁ 2 .

[330] Ṭhitohamasmi sadhammesu rāja
na nāmagottaṁ parivattayāmi
corañca loke aṭhitaṁ vadanti
āpāyikaṁ nerayikaṁ ito cutaṁ.
Sace tvaṁ saddahasi 3 rāja sutaṁ gaṇhāhi khattiyaṁ 4
tena yaññaṁ yajitvāna evaṁ saggaṁ gamissasi.

[331] Kismiṁ nu raṭṭhe tava jātibhūmi
atha kena atthena idhānupatto
akkhāhi me brāhmaṇa etamatthaṁ
kimicchasi demi tayajja patthitaṁ.

[332] Gāthā catasso dharaṇīmahissara
sugambhīratthavarā sāgarūpamā
taveva atthāya idhāgatosmi
suṇohi gāthā paramatthasañhitā.

[333] Na ve rudanti matimanto sapaññā
1 Ma. pabbājayanti. 2 Ma. kaṅkapattaṁ. 3 Sī. Yu. sacepi sahasi. 4. Ma. khattiya.
Bahussutā ye bahuṭhānacintino
dīpaṁ hi etaṁ paramaṁ narānaṁ
yaṁ paṇḍitā sokanudā bhavanti.
Attāna ñātī udāhu puttadāraṁ
dhaññaṁ dhanaṁ rajataṁ jātarūpaṁ
kimeva tvaṁ sutasomānutappe
korabyaseṭṭha vacanaṁ suṇoma te.

[334] Na cāhamattānamanutthunāmi
na puttadāraṁ na dhanaṁ na raṭṭhaṁ
satañca dhammo carito purāṇo
taṁ saṅgaraṁ 1 brāhmaṇassānutappe.
Kato mayā saṅgaro brāhmaṇena
raṭṭhe sake issariye ṭhitena
taṁ saṅgaraṁ brāhmaṇasampadāya
saccānurakkhī punarāvajissaṁ.

[335] Na vāhametaṁ abhisaddahāmi
sukhī naro maccumukhā pamutto
amittahatthaṁ punarāvajeyya
korabyaseṭṭha na hi maṁ upesi.
Mutto tuvaṁ porisādassa hatthā
1 Ma. saṅkaraṁ. ito paraṁ īdisameva.
Gantvā sakaṁ mandiraṁ kāmakāmī
madhuraṁ piyaṁ jīvitaṁ laddha rāja
kuto tuvaṁ ehisi me sakāsaṁ.

[336] Mataṁ vareyya parisuddhasīlo
na jīvitaṁ garahito pāpadhammo
na hi taṁ naraṁ tāyate 1 duggatībhi
yassāpi hetu alikaṁ bhaṇeyya.
Sacepi vāto girimāvaheyya
cando ca suriyo ca chamā pateyyuṁ
sabbā ca najjo paṭisotaṁ vajeyyuṁ
na tvevāhaṁ rāja musā bhaṇeyyaṁ.