[287] Sā suttacā nīladumābhilambitā
vijjumahāmegharivānupajjatha
1 Ma. tassevuttarapassena. 2 Ma. saṅkulā. 3 Ma. cakkavākā.
4 Ma. palāsādā gavajā ca.
Tassā susambandhasiraṁ kusāmayaṁ
suciṁ sugandhaṁ ajinūpasevitaṁ
atricchakocchaṁ 1 hirimetadabravi
nisīda kalyāṇi sukhayidamāsanaṁ.
Tassā tadā kocchagatāya kosiyo
yadicchamānāya jaṭājutindharo 2
navehi pattehi sayaṁ sahūdakaṁ
sudhābhihāsī turito mahāmuni.
Sā taṁ paṭiggayha ubhohi pāṇibhi
iccābravī attamanā jaṭādharaṁ
handāhaṁ etarahi pūjitā tayā
gaccheyyaṁ brahme tidivaṁ jitāvinī.
Sā kosiyenānumatā jutīmatā
udīritā vaṇṇamadena mattā
sakāse gantvāna sahassacakkhuno
ayaṁ sudhā vāsava dehi me jayaṁ.
Tamenaṁ sakkopi tadā apūjayi
sahindadevā 3 surakaññamuttamaṁ
sā pañjalī devamanussapūjitā
navamhi kocchamhi yadā upāvisi.
1 Ma. atricca kocchaṁ. 2 Ma. jaṭājinandharo. 3 Sī. Yu. sahindā ca devā.

[288] Tameva asaṁsī punadeva mātaliṁ
sahassanetto tidasānamindo
gantvāna vākyaṁ mama brūhi kosiyaṁ
āsāya saddhāya siriyā ca kosiya
hirī sudhaṁ kenamalattha hetunā.

[289] Taṁ suplavatthaṁ udatārayī rathaṁ
daddallamānaṁ upakrīyasādisaṁ
jambonadīsaṁ tapaneyyasannibhaṁ
alaṅkataṁ kañcanacittasanthataṁ.
Suvaṇṇacandettha bahū nipātitā
hatthī gavassā kiṁpurisabyagghadīpiyo
eṇeyyakā laṅghamayettha pakkhino
migettha veḷuriyamayā yūthāyutā.
Tatthassarājahariyo ayojayuṁ
dasasatāni susunāgasādise
alaṅkate kañcanajāluracchade
āveline saddagame asaṅgite.
Taṁ yānaseṭṭhaṁ abhiruyha mātali
dasa disā imā abhinādayittha
nabhañca selañca vanappatiñca
Sasāgaraṁ pabyatayittha 1 medaniṁ.
Sa khippameva upagamma assamaṁ
pāvāramekaṁsakato katañjalī
bahussutaṁ vuḍḍhaṁ vinītavattaṁ
iccabravī mātali devabrāhmaṇaṁ.
Indassa vākyaṁ nisāmehi kosiya
dūto ahaṁ pucchati taṁ purindado
āsāya saddhāya siriyā ca kosiya
hirī sudhaṁ kenamalattha hetunā.

[290] Addhā sirī maṁ paṭibhāti mātali
saddhā aniccā pana devasārathi
āsā visaṁvādikasammatā hi me
hirī ca ariyamhi guṇe patiṭṭhitā.

[291] Kumāriyo yācimā gottarakkhitā
jiṇṇā ca yā ca 2 sabhattuitthiyo
tā chandarāgaṁ purisesu uggataṁ
hiriyā nivārenti sacittamattano.
Saṅgāmasīse sarasattisaṁyute
parājitānaṁ patataṁ palāyinaṁ
hiriyā nivattanti jahitvāna jīvitaṁ
1 Ma. pabyadhayittha. Sī. Yu. pabyāthayittha. 2 Ma. yā yā ca.
Te sampaṭicchanti puna hirīmanā.
Velā yathā sāgaravegavāriṇī
ayaṁ hirī 1 pāpajanaṁ nivāriṇī
taṁ sabbaloke hirimarīyapūjitaṁ
indassa taṁ vedaya devasārathi.

[292] Ko te imaṁ kosiya diṭṭhimodahi
brahmā mahindo athavā pajāpati
hirāya devesupi seṭṭhasammatā
dhītā mahindassa mahesi jāyatha.

[293] Handehidāni tidivaṁ apakkama
rathaṁ samāruyha mamāyitaṁ idaṁ 2
indo ca taṁ indasagotta kaṅkhati
ajjeva tvaṁ indasahabyataṁ vaja.

[294] Evaṁ visujjhanti 3 apāpakammino
atho suciṇṇassa phalaṁ na nassati
yekeci addakkhuṁ sudhābhojanaṁ 4
sabbeva te indasahabyataṁ gatāti.

[295] *- hirī uppalavaṇṇāsi kosiyo dānapati bhikkhu
anuruddho pañcasikho ānando āsi mātali
suriyo kassapo bhikkhu moggallānosi candimā
1 Ma. hirāya hi. 2 Ma. imaṁ. 3 Sī.Yu. samijjhanti. 4 Ma. maddakkhu sudhāya bhojanaṁ.
Nārado sārīputtosi sambuddho āsi vāsavoti *-.
Sudhābhojanajātakaṁ tatiyaṁ.
--------
4 Kuṇālajātakaṁ

[296] Evamakkhāyati evamanusuyyati sabbosadhadharaṇīdhare
nekapupphamālyavitate gajagavayamahisarurucāmaripasadakhaggagokaṇṇa-
sīhabyagghadīpiacchakokataracchauddārakadalimigaviḷārasasakaṇṇikānucarite
ākiṇṇanelamaṇḍalamahāvarāhanāgakulakareṇusaṅghādhivutthe
issamigasākhamigasarabhamigaeṇimigavātamigapasadamigapurisālukiṁpurisayakkharakkhasanisevite
amajjavamañjaridharapahaṭṭhapupphaphusitaggānekapādapagaṇavitate
kururacaṅkoravāraṇamayūraparābhūtajīvajīvakacelāvaka 1 (balāka)
bhiṅkārakaravikamattavihaṅgasatasaṅghuṭṭhe 2
añjanamanosilāharitālahiṅgulakahemarajatakanakānekadhātusatavinaddhapaṭimaṇḍitappadese
evarūpe khalu bho ramme vanasaṇḍe kuṇālo nāma
sakuṇo paṭivasati ativiya citto ativiya cittapattachadano. Tasseva
khalu bho kuṇālassa sakuṇassa aḍḍhuḍḍhāni itthīsahassāni
paricārikā dijakaññāyo. Atha khalu bho dve dijakaññāyo kaṭṭhaṁ
mukhena ḍaṁsitvā taṁ kuṇālaṁ sakuṇaṁ majjhe nisīdāpetvā uḍḍenti
mā naṁ kuṇālaṁ sakuṇaṁ addhānapariyāyapathe kilamatho ubbāhetthāti 4 .
Pañcasatā dijakaññāyo heṭṭhato heṭṭhato ḍenti sacāyaṁ
* idaṁ maramma potthakeyeva dissati. 1 Ma. -jīvañjīvaka-. 2 Ma. satatasampaghuṭṭhe.
Kuṇālo sakuṇo āsanā paripatissati mayaṁ taṁ pakkhehi paṭiggahessāmāti.
Pañcasatā dijakaññāyo uparūpari ḍenti mā naṁ
kuṇālaṁ sakuṇaṁ ātāpo paritāpesīti. Pañcasatā pañcasatā
dijakaññāyo ubhato passena ḍenti mā naṁ kuṇālaṁ sakuṇaṁ
sītaṁ vā uṇhaṁ vā tiṇaṁ vā rajo vā vāto vā ussāvo vā
upapphusīti. Pañcasatā dijakaññāyo purato purato ḍenti mā
naṁ kuṇālaṁ sakuṇaṁ gopālakā vā pasupālakā vā tiṇahārakā vā
kaṭṭhahārakā vā vanakammikā vā kaṭṭhena vā kathalāya 1 vā pāṇinā
vā (pāsāṇena vā) leḍḍunā vā daṇḍena vā satthena vā
sakkharāhi vā pahāraṁ adaṁsu māyaṁ kuṇālo sakuṇo gacchehi vā
latāhi vā rukkhehi vā sākhāhi vā thambhehi vā pāsāṇehi vā
balavantehi vā pakkhīhi saṅgāmesīti 2 . Pañcasatā dijakaññāyo
pacchato pacchato ḍenti saṇhāhi sakhilāhi mañjūhi madhurāhi vācāhi
samudācarantiyo māyaṁ kuṇālo sakuṇo āsane pariyukkaṇṭhīti.
Pañcasatā dijakaññāyo disodisaṁ ḍenti anekarukkhavividhavikatiphalamāharantiyo
māyaṁ kuṇālo sakuṇo khuddāya parikilamitthāti.
Atha khalu bho tā dijakaññāyo taṁ kuṇālaṁ sakuṇaṁ ārāmeneva
ārāmaṁ uyyāneneva uyyānaṁ nadītittheneva nadītitthaṁ pabbatasikhareneva
pabbatasikharaṁ ambavaneneva ambavanaṁ jambūvaneneva jambūvanaṁ labujavaneneva
labujavanaṁ nāḷikerasañcāriyeneva nāḷikerasañcāriṁ 3 khippameva
1 Ma. kaṭhalena vā. 2 Ma. saṅgamesīti. 3 Ma. nāḷikerasañcāriyaṁ.
Abhisambhonti ratitthāya. Atha khalu bho kuṇālo sakuṇo tāhi
dijakaññāhi divasaṁ paribyūḷho evaṁ apasādeti nassatha tumhe
vasaliyo vinassatha tumhe vasaliyo coriyo dhuttiyo asatiyo lahucittāyo
katassa appaṭikārikāyo anilo viya yenakāmaṅgamāyoti.