[267] Asū brahāraññacaro mahāmuni
nādatvā bhattaṁ varagatte bhuñjati
viceyya dānāni dadāti kosiyo
yassā hi so dassati sāva seyyasi.

[268] Asū hi so sammati dakkhiṇaṁ disaṁ
gaṅgāya tīre himavantapassini 1
sa kosiyo dullabhapānabhojano
tassa sudhaṁ pāpaya devasārathi.

[269] So mātali devavarena pesito
sahassayuttaṁ abhiruyha sandanaṁ
sukhippameva upagamma assamaṁ
adissamāno munino sudhaṁ adā.

[270] Udaggihuttaṁ upatiṭṭhato hi me
pabhaṅkaraṁ lokatamonuduttamaṁ
sabbāni bhūtāni adhicca 2 vāsavo
ko neva me pāṇisu kiṁ sudhodahi.
Saṅkhūpamaṁ setamatulyadassanaṁ
suciṁ sugandhaṁ piyarūpamabbhutaṁ
adiṭṭhapubbaṁ mama jātacakkhubhi 3
kā devatā pāṇisu kiṁ sudhodahi.
1 Ma. -passani. Sī. Yu. -pasmani. 2 Sī. Yu. aticca. 3 Ma. jātu cakkhubhi.

[271] Ahaṁ mahindena mahesi pesito
sudhābhihāsiṁ turito mahāmuni
jānāsi maṁ mātali devasārathi
bhuñjassu bhattuttamaṁ mābhivārayi 1 .
Bhuttā ca sā dvādasa hanti pāpake
khuddaṁ pipāsaṁ aratiṁ darathaṁ kilaṁ 2
kodhūpanāhañca vivādapesuṇaṁ
sītuṇhatandiñca rasuttamaṁ idaṁ.

[272] Na kappati mātali mayha bhuñjituṁ
pubbe adatvā iti me vatuttamaṁ
na cāpi ekāsanamarīyapūjitaṁ 3
asaṁvibhāgī ca sukhaṁ na vindati.

[273] Thīghātakā yekecime 4 paradārikā
mittadduno ye ca sapanti subbate
sabbeva 5 te maccharipañcamādhamā
tasmā adatvā udakampi nāsmiye 6 .
Sohitthiyā vā purisassa vā pana
dassāmi dānaṁ vidusampavaṇṇitaṁ
saddhā vadaññū idha vītamaccharā
1 Sī. Yu. mā vicārayi. 2 sabbattha potthake khamanti khāyati. Ma. daraklamaṁ.
3 Sī. Yu. ekāsanaṁ ariyapūkhitaṁ. 4 Ma. ye cime. 5 Ma. ca. 6 Ma. nāsniye.
Bhavanti hete sucisaccasammatā.

[274] Ato matā devavarena pesitā
kaññā catasso kanakattacūpamā
āsā ca saddhā ca sirī tato hirī
taṁ assamaṁ āgamu 1 yattha kosiyo.
Tā disvā sabbā paramappamoditā 2
subhena vaṇṇena sikhārivaggino
kaññā catasso caturo catuddisā
iccābravī mātalinova 3 sammukhā.
Purimaṁ disaṁ kā tvaṁ pabhāsi devate
alaṅkatā tāravarāva osadhī
pucchāmi taṁ kañcanavelliviggahe
ācikkha me tvaṁ katamāsi devatā.

[275] Sirāha devī manujesu 4 pūjitā
apāpasattūpanisevinī sadā
sudhāvivādena tavantimāgatā
taṁ maṁ sudhāya varapañña bhājaya.
Yassāhamicchāmi sudhaṁ mahāmuni
so sabbakāmehi naro pamodati
sirīti maṁ jānāhi jūhatuttama
1 Sī. Yu. āgamuṁ. 2 Ma. sabbo paramappamodito. 3 Ma. ca. 4 Ma. manujebhi.
Taṁ maṁ sudhāya varapañña bhājaya.

[276] Sippena vijjācaraṇena buddhiyā
narā upetā paguṇā sakammunā
tayā vihīnā na labhanti kiñci naṁ 1
tayidaṁ na sādhu yadidaṁ yatā kataṁ.
Passāmi posaṁ alasaṁ mahagghasaṁ
sudukkulīnaṁpi arūpimaṁ naraṁ
tayānugutto siri jātimāmapi
peseti dāsaṁ viya bhogavā sukhī.
Tantaṁ asaccaṁ avibhajjaseviniṁ
jānāmi muḷhaṁ vidurānupātiniṁ
na tādisī arahati āsanūdakaṁ
kuto sudhā gaccha na mayha ruccasi.