[277] Kā sukkadāṭhā paṭimuttakuṇḍalā
cittaṅgadā kambuvimaṭṭhadhārinī
osittavaṇṇaṁ paridayha sobhati 2
kusaggirattaṁ apiḷayha mañjariṁ.
Migīva bhantā saracāpadhārinā
virādhitā mandamiva udikkhasi
ko te dutiyo idha mandalocane
1 Ma. kiñcanaṁ. 2 Ma. sobhasi.
Na bhāyasi ekikā kānane vane.

[278] Na me dutiyo idhamatthi kosiya
masakkasārappabhavamhi devatā
āsā sudhāsāya tavantimāgatā
taṁ maṁ sudhāya varapañña bhājaya.

[279] Āsāya yanti vaṇijā dhanesino
nāvaṁ samāruyha parenti aṇṇave
te tattha sīdanti athopi ekadā
jinādhanā enti vinaṭṭhapābhatā.
Āsāya khettāni kasanti kassakā
vapanti bījāni karontupāyaso
ītīnipātena avuṭṭhitāya vā 1
na kiñci vindanti tato phalāgamaṁ.
Athattakārāni karonti bhattusu
āsaṁ purakkhatva narā sukhesino
te bhatturatthā atigāḷhitā puna
disā panassanti aladdha kiñci naṁ 2 .
Jahitva 3 dhaññañca dhanañca ñātake
āsāya saggādhimanā sukhesino
1 Sī. Yu. avaṭṭhikāya vā. 2 Ma. kiñcanaṁ. 3 Ma. hitvāna.
Tapanti lūkhaṁpi tapaṁ cirattaraṁ
kummaggamāruyha parenti duggatiṁ.
Āsā visaṁvādikasammatā ime
āse sudhāya 1 vinayassu attani
na tādisī arahati āsanūdakaṁ
kuto sudhā gaccha na mayha ruccasi.

[280] Daddallamānā yasasā yasassinī
jighaññanāmavhayanaṁ disaṁpati
pucchāmi taṁ kañcanavelliviggahe
ācikkha me tvaṁ katamāsi devatā.

[281] Saddhāha devī manujesu 2 pūjitā
apāpasattūpanisevinī sadā
sudhāvivādena tavantimāgatā
taṁ maṁ sudhāya varapañña bhājaya.

[282] Dānaṁ damaṁ cāgamathopi saṁyamaṁ
ādāya saddhāya karonti hekadā
theyyaṁ musā kūṭamathopi pesuṇaṁ
karonti heke puna viccutā tayā.
Bhariyāsu poso sadisīsu pekkhavā
sīlūpapannāsu patibbatāsupi
1 Ma. sudhāsaṁ. 2 Ma. -manujehi. ito paraṁ īdisameva.
Vinetvā 1 chandaṁ kulitthiyāsupi 2
karoti saddhaṁ puna kumbhadāsiyā.
Tvameva saddhe paradārasevinī
pāpaṁ karosī kusalaṁ niriñcasi 3
na tādisī arahati āsanūdakaṁ
kuto sudhā gaccha na mayha ruccasi.

[283] Jighaññarattiṁ aruṇasmimūhate
yā dissati uttamarūpavaṇṇinī
tathūpamā maṁ paṭibhāsi devate
ācikkha me tvaṁ katamāsi accharā.
Kāḷā nidāgheriva aggijāriva 4
anileritā lohitapattamālinī
kā tiṭṭhasī mandamigāva lokayaṁ 5
bhāsesamānāva giraṁ na muñcasi.

[284] Hirāha devī manujesu pūjitā
apāpasattūpanisevinī sadā
sudhāvivādena tavantimāgatā
sāhaṁ na sakkomi sudhaṁpi yācituṁ
kopinarūpā viya yācanitthiyā.

[285] Dhammena ñāyena sugatte lacchasi
1 Ma. vinetvāna. 2 Sī. Yu. kuladhītiyāsupi. 3 Ma. kusalampi riñcasi.
4 Sī. aggajātiva. Yu. aggijātiva. 5 Sī. Yu. mandamivāvalokayaṁ.
Eso hi dhammo na hi yācanā sudhā
taṁ taṁ ayācantimahaṁ nimantaye
sudhaṁ yaṁ 1 yañcicchasi taṁpi dammi te.
Sā tvaṁ mayā ajja sakamhi assame
nimantitā kañcanavelliviggahe
tuvañhi me sabbarasehi pūjitā
taṁ pūjayitvāna sudhaṁpi asmiye.

[286] Sā kosiyenānumatā jutīmatā
addhā hirī rammaṁ pāvisiyassamaṁ
udakavantaṁ phalamariyapūjitaṁ
apāpasattūpanisevinī 2 sadā.
Rukkhaggahanā bahukettha pupphitā
ambā piyālā panasā ca kiṁsukā
sobhañjanā loddamathopi padmakā
ketakā ca bhaṅgā tilakā ca pupphitā.
Sālā karerī bahukettha jambuyo
assatthanigrodhamadhukā ca vedisā 3
uddālakā pātali sinduvāritā 4
manuññagandhā muccalindaketakā.
Hareṇukā velukā veṇutiṇḍukā 5
1 Ma. sudhāya. 2 Ma. -nisevitaṁ. 3 Ma. assatthanigrodhamadhukavetasā.
4 Ma. -vārakā. 5 Ma. keṇutindukā.
Sāmākanivāramathopi cīnakā
mocā kadalī bahukettha sāliyo
pavīhayo ābhujino ca taṇḍulā.
Tassa ca uttarapassena 1 jātā pokkharaṇī sivā
akakkasā apabbhārā sādhu appaṭigandhikā.
Tattha macchā sanniratā khemino bahubhojanā
siṅgusavaṅkā sakulā 2 satavaṅkā ca rohitā
āligaggarakākiṇṇā pāṭinā kākamacchakā.
Tattha pakkhī sanniratā khemino bahubhojanā
haṁsā koñcā mayūrā ca cākavākā 3 ca kukkuhā
kuṇālakā bahū citrā sikhaṇḍī jīvajīvakā.
Tattha pāṇā samāyanti nānāmigagaṇā bahū
sīhā byagghā varāhā ca acchakokataracchayo.
Palasadā ca gavajā 4 mahisā rohitā rurū
eṇeyyā ca varāhā ca gaṇino nīkasūkarā.
Kadalimigā bahūkettha viḷārā sasakaṇṇikā
chamāgirī pupphavicitrasanthatā
dijābhighuṭṭhā dijasaṅghasevitā.