[257] Pāṇissarā mudiṅgā ca murajālambarāni ca
suttamenaṁ pabodhenti paṭibuddho ca nandati.

[258] Yekecime maccharino kadariyā
paribhāsakā samaṇabrāhmaṇānaṁ
idheva nikkhippa sarīradehaṁ
1 Sī. Yu. niggilati.
Kāyassa bhedā nirayaṁ vajanti.
Yekecime sugatimāsasānā 1
dhamme ṭhitā saṁyame saṁvibhāge
idheva nikkhippa sarīradehaṁ
kāyassa bhedā sugatiṁ vajanti.

[259] Tvaṁ no 2 ñāti purimāsu jātisu
so maccharī kosiyo 3 pāpadhammo
taveva atthāya idhāgatamhā
mā pāpadhammo nirayaṁ apattha 4 .

[260] Addhā hi me te 5 hitakāmā yaṁ maṁ samanusāsatha
sohaṁ tathā karissāmi sabbaṁ vuttaṁ hitesibhi.
Esohamajjeva upāramāmi
na cāpihaṁ kiñci kareyya pāpaṁ
na cāpi me kiñci adeyyamatthi
na cāpidatvā udakaṁ pivāmi 6 .
Evañca me dadato sabbakālaṁ
bhogāpi me 7 vāsava khīyissanti
tato ahaṁ pabbajissāmi sakka
hitvā kāmāni yathodhikāni.

[261] Naguttame girivare gandhamādane
1 Ma. suggatimāsamānā. 2 Ma. nosi. 3 Ma. rosako. 4 Ma. gamittha.
5 Ma. maṁ vo. 6 Sī. udakampahaṁ pibe. 7 Ma. bhogā ime.
Modanti tā devavarābhipālitā
athāgamā isivaro sabbalokagū
supupphitaṁ dumavarasākhamādiya.
Suciṁ sugandhaṁ tidasehi sakkataṁ
pupphuttamaṁ amaravarebhi sevitaṁ
aladdhamaññehi va dānavehi 1
aññatra devehi tadārahaṁ hitaṁ 2 .
Tato catasso kanakattacūpamā
uṭṭhāya nāriyo pamadādhipā muniṁ
āsā ca saddhā ca sirī tato hirī
iccabravuṁ nāradaṁ devabrāhmaṇaṁ.
Sace anuddiṭṭhaṁ tayā mahāmuni
pupphaṁ idaṁ pārichattassa brahme
dadāhi no sabbā gati te ijjhatu
tvaṁpi no hohi yatheva vāsavo.
Taṁ yācamānābhisamekkha nārado
iccābravī saṅkalahaṁ udīrayi
na mayhamatthatthi imehi koci naṁ
yāyeva vo seyyasi sā pilandhatu.

[262] Tvaṁ nottamevābhisamekkha nārada
1 Ma. aladdha maccehi va dānavehi vā. 2 Ma. hidaṁ.
Yassicchasi tassamanuppavecchasu
yassā hi no nārada tvaṁ padassasi
sāyeva no hehiti seṭṭhasammatā.

[263] Akallametaṁ vacanaṁ sugatte
ko brāhmaṇo ko kalahaṁ 1 udīraye
gantvāna bhūtādhipameva pucchatha
sace na jānātha idhuttamadhammaṁ.

[264] Tā nāradena paramappakopitā
udīritā vaṇṇamadena mattā
sakāsaṁ 2 gantvāna sahassacakkhuno
pucchiṁsu bhūtādhipaṁ kā nu seyyasi.

[265] Tā disvā āyattamanā purindado
iccābravī devavaro katañjalī
sabbāva vo hotha subhagge 3 sādisī
ko neva 4 bhadde kalahaṁ adīrayi.

[266] Yo sabbalokañcarako 5 mahāmuni
dhamme ṭhito nārado saccanikkamo
so no bravī girivare gandhamādane
gantvāna bhūtādhipameva pucchatha
sace na jānātha idhuttamadhammaṁ.
1 Ma. saṅkalahaṁ. 2 Ma. sakāse. 3 Ma. sugatte. 4 ko nedha itipi.
5 Ma. sabbalokaccarito.