[247] Te aroge anuppatte disvāna parame dije
kekātimakaruṁ haṁsā puthusaddo ajāyatha.
Te patītā pamuttena bhattunā bhattugāravā
samantā parikariṁsu 5 aṇḍajā laddhapaccayā.

[248] Evaṁ mittavataṁ atthā sabbe honti padakkhiṇā
haṁsā yathā dhataraṭṭhā ñātisaṅghamupāgamunti.
Mahāhaṁsajātakaṁ dutiyaṁ.
1 Ma. vatthakaṁ. 2 Ma. issariyaṁ. 3 Ma. ñātī. 4 Ma. bhavanā te.
5 Ma. parikiriṁsu. sabbattha īdisameva.
3 Sudhābhojanajātakaṁ

[249] Neva kīṇāmi na 1 vikkiṇāmi
na cāpi me sannicayo idhatthi 2
sukiccharūpaṁ vatidaṁ parittaṁ
patthodano nālamayaṁ duvinnaṁ.

[250] Appamhā appakaṁ dajjā anumajjhato majjhakaṁ
bahumhā bahukaṁ dajjā adānaṁ nupapajjati.
Taṁ taṁ vadāmi kosiya dehi dānāni bhuñja ca
ariyamaggaṁ samāruha 3 nekāsī labhate sukhaṁ.

[251] Moghañcassa hutaṁ hoti moghañcāpi samīhitaṁ
atithismiṁ yo nisinnasmiṁ eko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
ariyamaggaṁ samāruha nekāsī labhate sukhaṁ.

[252] Saccaṁ tassa hutaṁ hoti saccañcāpi samīhitaṁ
atithismiṁ yo nisinnasmiṁ neko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
ariyamaggaṁ samāruha nekāsī labhate sukhaṁ.

[253] Sarañca juhati poso bahukāya gayāya ca
doṇe timbarutitthasmiṁ sīghasote mahāvahe.
Atra cassa hutaṁ hoti atra cassa samīhitaṁ
1 Ma. napi. 2 Ma. ca atthi. 3 Ma. samārūha. Sī. Yu. ariyaṁ maggaṁ. ito paraṁ
īdisameva.
Atithismiṁ yo nisinnasmiṁ neko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
ariyamaggaṁ samāruha nekāsī labhate sukhaṁ.

[254] Balisaṁ hi so nigilati 1 dīghasuttaṁ sabandhanaṁ
atithismiṁ yo nisinnasmiṁ eko bhuñjati bhojanaṁ.
Taṁ taṁ vadāmi kosiya dehi dānāni bhuñja ca
ariyamaggaṁ samāruha nekāsī labhate sukhaṁ.

[255] Uḷāravaṇṇā vata brāhmaṇā ime
ayañca vo sunakho kissa hetu
uccāvacaṁ vaṇṇanibhaṁ vikubbati
akkhātha no brāhmaṇā ke nu tumhe.

[256] Cando ca suriyo ca ubho idhāgatā
ayaṁ pana mātali devasārathi
sakkohamasmī tidasānamindo
eso ca kho pañcasikhoti vuccati.