[187] Atho me sādisī bhariyā assavā piyabhāṇinī
puttarūpayasūpetā mama chandavasānugā.

[188] Bhavannu 2 kacci nu mahā- sattuhatthatthataṁ 3 gato
dukkhamāpajja 4 vipulaṁ tasmiṁ paṭhamamāpade.
Kacci yannāpatitvāna daṇḍena samapothayi
evametesaṁ jammānaṁ pātikaṁ bhavati tāvade.

[189] Khemamāsi mahārāja evamāpariyāsati 5
na cāyaṁ kiñcirasmāsu sattūva samapajjatha.
Paccakampittha 6 nesādo pubbeva ajjhabhāsatha
tadāyaṁ sumukhoyeva paṇḍito paccabhāsatha.
1 Ma. kacci bhoto. 2 Ma. bhavantaṁ. Sī. Yu. bhavaṁ tu. 3 Ma. ...sattuhatthattaṁ.
4 Ma. dukkhamāpajji. 5 Ma. evamāpadiyā sati. Sī. Yu. evamāpadi saṁsati.
6 Ma. paccakamittha.
Tassa taṁ vacanaṁ sutvā pasādamayamajjhagā
tato maṁ pāmuci pāsā anuññāsi sukhena ca.
Idañca sumukheneva etadatthāya cintitaṁ
bhoto sakāse āgamanaṁ etassa dhanamicchatā.

[190] Svāgatañcevidaṁ bhavataṁ patīto casmi dassanā
eso cāpi bahuvittaṁ labhataṁ yāvadicchati.

[191] Santappayitvā nesādaṁ bhogehi manujādhipo
ajjhabhāsatha vaṅkaṅgo 1 vācaṁ kaṇṇasukhaṁ bhaṇaṁ.

[192] Yaṁ khalu dhammamādhīnaṁ vaso vattati kiñci naṁ 2
sabbatthissariyaṁ bhavataṁ pasāsatha yadicchatha.
Dānatthaṁ upabhottuṁ vā yañcaññaṁ upakappati
etaṁ dadāmi vo vittaṁ issariyaṁ vissajāmi vo.

[193] Yathā ca myāyaṁ sumukho ajjhabhāseyya paṇḍito
kāmasā buddhisampanno tamassa 3 paramappiyaṁ.

[194] Ahaṁ khalu mahārāja nāgarājārivantaraṁ
paṭivattuṁ na sakkomi na me so vinayo siyā.
Amhākañceva so 4 seṭṭho tvañca uttamasattavo
bhūmipālo manussindo pūjā bahūhi hetubhi.
Tesaṁ ubhinnaṁ bhaṇataṁ vattamāne vinicchaye
nantaraṁ 5 paṭivattabbaṁ pessena manujādhipa.
1 Ma. vakukaṅgaṁ. 2 Ma. kiñcanaṁ. 3 Ma. taṁ myāssa. 4 Sī. Yu. yo.
5 Sī. Yu. nāntaraṁ.

[195] Dhammena kira nesādo paṇḍito aṇḍajo iti
na heva akatattassa nayo etādiso siyā.
Evaṁ aggapakatimā evaṁ uttamasattavo
yāvatatthi mayā diṭṭhā nāññaṁ passāmi edisaṁ.
Tuṭṭhosmi vo pakatiyā vākyena madhurena ca
eso cāpi mamacchando ciraṁ passeyya vo ubho.

[196] Yaṁ kiccaṁ parame mitte katamasmāsu taṁ tayā
pattā nissaṁsayaṁ tyamhā bhattirasmāsu yā tava.
Aduñca nūna sumahā- ñātisaṅghassamantaraṁ
adassanena asmākaṁ dukkhaṁ bahūsu pakkhisu.
Tesaṁ sokavighātāya tayā anumatā mayaṁ
taṁ padakkhiṇato katvā ñātī passemurindama.
Addhāhaṁ vipulaṁ pītiṁ bhavataṁ vindāmi dassanā
eso vāpi mahāattho ñātivissāsanā siyā.