[177] So patīto pamuttena bhattunā bhattugāravo
ajjhabhāsatha vaṅkaṅgo vācaṁ kaṇṇasukhaṁ bhaṇaṁ
evaṁ luddaka nandassu saha sabbehi ñātibhi
yathāhamajja nandāmi muttaṁ disvā dijādhipaṁ.

[178] Ehi taṁ anusikkhāmi yathā tvamapi lacchase
lābhaṁ tavāyaṁ dhataraṭṭho pāpaṁ kiñci na dakkhati.
Khippamantepuraṁ gantvā 4 rañño dassehi no ubho
abandhe pakatībhūte kāje ubhayato ṭhite.
Dhataraṭṭhā mahārāja haṁsādhipatino ime
1 Sī. Yu. samavekkhassu. 2 Ma. tavamhasu. 3 Ma. katāssa. 4 Ma. netvā.
Ayaṁ hi rājā haṁsānaṁ ayaṁ senāpatītaro.
Asaṁsayaṁ imaṁ disvā haṁsarājaṁ narādhipo
patīto sumano vitto bahuṁ dassati te dhanaṁ.

[179] Tassa taṁ vacanaṁ sutvā kammunā upapādayi
khippamantepuraṁ gantvā rañño haṁse adassayi
abandhe pakatībhūte kāje ubhayato ṭhite.
Dhataraṭṭhā mahārāja haṁsādhipatino ime
ayaṁ hi rājā haṁsānaṁ ayaṁ senāpatītaro.

[180] Kathaṁ panime vihaṅgā tava hatthatthamāgatā 1
kathaṁ luddo mahantānaṁ issare idha ajjhagā.

[181] Vihitā santime pāsā pallalesu janādhipa
yaṁ yadāyatanaṁ maññe dijānaṁ pāṇarodhanaṁ.
Tādisaṁ pāsamāsajja haṁsarājā abajjhatha
taṁ abandho upāsīno mamāyaṁ ajjhabhāsatha.
Sudukkaraṁ anariyehi dahate bhāvamuttamaṁ
bhatturatthe parakkanto dhammayutto vihaṅgamo.
Attanoyaṁ 2 cajitvāna jīvitaṁ jīvitāraho
anutthunanto āsīno bhattu yācittha jīvitaṁ.
Tassa taṁ vacanaṁ sutvā pasādamahamajjhagā
tato naṁ pāmuciṁ pāsā anuññāsiṁ sukhena ca.
1 Ma. hatthattamāgatā. 2 Ma. attanāyaṁ.
So patīto pamuttena bhattunā bhattugāravo
ajjhabhāsatha vaṅkaṅgo vācaṁ kaṇṇasukhaṁ bhaṇaṁ.
Evaṁ luddaka nandassu saha sabbehi ñātibhi
yathāhamajja nandāmi muttaṁ disvā dijādhipaṁ.
Ehi taṁ anusikkhāmi yathā tvamapi lacchase
lābhaṁ tyāyaṁ 1 dhataraṭṭho pāpaṁ kiñci na dakkhati.
Khippamantepuraṁ gantvā 2 rañño dassehi no ubho
abandhe pakatībhūte kāje ubhayato ṭhite.
Dhataraṭṭhā mahārāja haṁsādhipatino ime
ayañhi rājā haṁsānaṁ ayaṁ senāpatītaro.
Asaṁsayaṁ imaṁ disvā haṁsarājaṁ narādhipo
patīto sumano vitto bahuṁ dassati te dhanaṁ.
Evametassa vacanā ānītāme ubho mayā
ettheva hi ime assu 3 ubho anumatā mayā.
Soyaṁ evaṅgato pakkhī dijo paramadhammiko
mādisassa hi luddassa janayeyyātha maddavaṁ.
Upayānañca te deva nāññaṁ passāmi edisaṁ
sabbasākuṇikagāme 4 taṁ passa manujādhipa.

[182] Disvā nisinnaṁ rājānaṁ pīṭhe sovaṇṇaye subhe
ajjhabhāsatha vaṅkaṅgo vācaṁ kaṇṇasukhaṁ bhaṇaṁ.
1 Ma. tavāyaṁ. 2 Ma. netvā. 3 Ma. āsuṁ. 4 Ma...kuṇikāgāme.
Kacci nu bhoto kusalaṁ kacci bhoto anāmayaṁ
kacci raṭṭhamidaṁ phītaṁ dhammena manusāsasi.

[183] Kusalañceva me haṁsa atho haṁsa anāmayaṁ
atho raṭṭhamidaṁ phītaṁ dhammena manusāsahaṁ.

[184] Kacci nu te 1 amaccesu doso koci na vijjati
kacci ca te tavatthesu nāvakaṅkhanti jīvitaṁ.

[185] Athopi me amaccesu doso koci na vijjati
athopi te mamatthesu nāvakaṅkhanti jīvitaṁ.

[186] Kacci te sādisī bhariyā assavā piyabhāṇinī
puttarūpayasūpetā tava chandavasānugā.