[167] Svāyaṁ dhammo ca te ciṇṇo bhatti ca viditā mayi
kāmaṁ karassu mayhetaṁ gacchevānumato mayā.
Apitvevaṁ gate kāle yaṁ khaṇḍaṁ 1 ñātinaṁ mayā
tayā taṁ buddhisampanna 2 assa paramasaṁvutaṁ.

[168] Iccevaṁ mantayantānaṁ ariyānaṁ ariyavuttinaṁ
paccadissatha nesādo āturānamivantako.
Te sattumabhisañcikkha dīgharattaṁ hitā dijā
tuṇhī māsittha ubhayo na sañcalesumāsanā.
Dhataraṭṭhe ca disvāna samuḍḍente tato tato
abhikkamatha vegena dijasattu dijādhipe.
So ca vegenabhikkamma āsajja parame dije
paccakampittha 3 nesādo bandhā iti vicintayaṁ.
Ekañca bandhamāsīnaṁ abandhañca punāparaṁ
āsajja bandhamāsīnaṁ pekkhamānamadīnavaṁ.
Tato so vimatoyeva paṇḍare ajjhabhāsatha
pavaḍḍhakāye āsīne dijasaṅghagaṇādhipe.
Yannu pāsena mahatā bandho na kurute disaṁ
1 Sī. baddhaṁ. Yu. bandhaṁ. 2 Ma. buddhisampannaṁ. 3 Ma. paccakamittha.
Atha kasmā abandho tvaṁ balī pakkhī na gacchasi.
Kiṁ nu tyāyaṁ dijo hoti mutto bandhaṁ upāsasi
ohāya sakuṇā yanti kiṁ eko avahīyasi.

[169] Rājā me so dijāmitta sakhā pāṇasamo ca me
neva naṁ vijahissāmi yāva kālapariyāyaṁ 1 .

[170] Kathaṁ panāyaṁ vihaṅgo nāddasa pāsamoḍḍitaṁ
padaṁ hetaṁ mahantānaṁ boddhumarahanti āpadaṁ.

[171] Yadā parābhavo hoti poso jīvitasaṅkhaye
atha jālañca pāsañca āsajjāpi na bujjhati.

[172] Api tveva mahāpañña pāsā bahuvidhā katā
guyhamāsajja 2 bajjhanti athevaṁ jīvitakkhaye.

[173] Api nāyaṁ tayā saddhiṁ saṁvāsassa 3 sukhudrayo
api no anumaññāsi api no jīvitaṁ dade.

[174] Na ceva me tvaṁ bandhosi napi icchāmi te vadhaṁ
kāmaṁ khippamito gantvā jīva tvaṁ anigho ciraṁ.

[175] Nevāhametamicchāmi aññatretassa jīvitā
sace ekena tuṭṭhosi muñcetaṁ mañca bhakkhaya.
Ārohapariṇāhena tulyasmā vayasā ubho
na te lābhena jinatthi 4 etena niminā tuvaṁ.
1 kālaparissayantipi. 2 Sī. Yu. gūḷhamāsajja. 3 Sī. Yu. sambhāsassa.
4 Ma. jīvatthi. onatātipi.
Tadiṅgha samapekkhassu 1 hotu giddhi tavasmasu 2
maṁ pubbe bandhapāsena pacchā muñca dijādhipaṁ.
Tāvadeva ca te lābho katassa 3 yācanāya ca
mitti ca dhataraṭṭhehi yāva jīvāya te siyā.

[176] Passantu no mahāsaṅghā tayā muttaṁ ito gataṁ
mittāmaccā ca bhaccā ca puttadārā ca bandhavā.
Na ca te tādisā mittā bahūnaṁ idha vijjare
yathā tvaṁ dhataraṭṭhassa pāṇasādhāraṇo sakhā.
So te sahāyaṁ muñcāmi hoti rājā tavānugo
kāmaṁ khippamito gantvā ñātimajjhe virocatha.