[147] Idaṁ vatvāna pakkāmi taramāno mahāisi
vehāse antalikkhasmiṁ anusāsetvāna khattiye.
Assamaṁ parimajjitvā paññapetvāna 3 āsanaṁ
paṇṇasālaṁ pavisitvā pitaraṁ paṭibodhayi.
Ime āyanti rājāno abhijātā yasassino
assamā nikkhamitvāna nisīda tvaṁ 4 mahāise.
Tassa taṁ vacanaṁ sutvā taramāno mahāisi
1 Ma. udahārāya. 2 Sī. gacchāma. 3 Ma. paññāpetvāna. 4 Sī. nisīdāhi.
Assamā nikkhamitvāna sadvāramhi upāvisi.

[148] Tañca disvāna āyantaṁ jalantaṁriva tejasā
khattasaṅghaparibyūḷhaṁ kosiyo etadabravi.
Kassa bherī mudiṅgā ca saṅkhā paṇavadindimā 1
purato paṭipannāni hāsayantā rathesabhaṁ.
Kassa kañcanapaṭṭena puthunā vijjuvaṇṇinā
yuvā kalāpasannaddho ko eti siriyā jalaṁ.
Ukkāmukhapahaṭṭhaṁva khadiraṅgārasannibhaṁ
mukhañca rucirābhāti ko eti siriyā jalaṁ.
Kassa paggahitaṁ chattaṁ sasalākaṁ manoramaṁ
ādiccaraṁsāvaraṇaṁ ko eti siriyā jalaṁ.
Kassa aṅgaṁ pariggayha vālavījanimuttamaṁ
caranti varapuññassa 2 hatthikkhandhena āyato.
Kassa setāni chattāni ājānīyā ca vammikā 3
samantā parikiranti ko eti siriyā jalaṁ.
Kassa ekasataṁ khatyā anuyantā yasassino
samantā anupariyanti ko eti siriyā jalaṁ.
Hatthiassarathapatti- senā ca caturaṅginī
samantā anupariyanti ko eti siriyā jalaṁ.
Kassesā mahatī senā piṭṭhito anuvattati
1 Sī. Yu. paṇavadeṇḍimā. 2 Sī. Yu. varapaññassa. 3 Ma. vammitā.
Akkhobhinī 1 apariyantā sāgarasseva ūmiyo.

[149] Rājābhirājā manojo indova jayataṁ pati
nandassajjhāvaraṁ eti assamaṁ brahmacārinaṁ.
Tassesā mahatī senā piṭṭhito anuvattati
akkhobhinī apariyantā sāgarasseva ūmiyo.

[150] Anulittā candanena kāsikuttamadhārino 2
sabbe pañjalikā hutvā isīnaṁ ajjhupāgamuṁ.

[151] Kacci nu bhoto kusalaṁ kacci bhoto anāmayaṁ
kacci uñchena yāpetha kacci mūlaphalā bahū.
Kacci ḍaṁsā makasā ca appameva siriṁsapā 3
vane bāḷamigākiṇṇe kacci hiṁsā na vijjati.

[152] Kusalañceva no rāja atho rāja anāmayaṁ
atho uñchena yāpema atho mūlaphalā bahū.
Atho ḍaṁsā makasā ca appameva siriṁsapā
vane bāḷamigākiṇṇe hiṁsā mayhaṁ na vijjati.
Bahūni vassapūgāni assame sammataṁ 4 idha
nābhijānāmi uppannaṁ ābādhaṁ amanoramaṁ.
Svāgatante mahārāja atho te adurāgataṁ
issarosi anuppatto yaṁ idhatthi pavedaya.
Tiṇḍukāni piyālāni madhuke kāsamāriyo 5
1 Sī. akkhobhanī. ito paraṁ īdisameva. Ma. akkhobhaṇī. 2 Yu. kāsivatthadhārino.
3 Ma. sarīsapā. ito paraṁ īdisameva. 4 Sī. vasato idha. 5 Ma. kāsumāriyo.
Phalāni khuddakappāni bhuñja rāja varaṁ varaṁ.
Idaṁpi pāniyaṁ sītaṁ ābhataṁ girigabbharā
tato piva mahārāja sace tvaṁ abhikaṅkhasi.

[153] Paṭiggahitaṁ yaṁ dinnaṁ sabbassa agghiyaṁ kataṁ
nandassāpi nisāmetha vacanaṁ so 1 pavakkhati.
Ajjhāvaramhā nandassa bhoto santikamāgatā
suṇātu me 2 bhavaṁ vacanaṁ nandassa parisāya ca.

[154] Parosataṁ jānapadā mahāsālā ca brāhmaṇā
ime ca khattiyā sabbe abhijātā yasassino
bhavañca rājā manojo anumaññantu me vaco.
Ye ca santi 3 samitāro yakkhāni idhamassame
araññe bhūtabhabyāni suṇantu vacanaṁ mama.
Namo katvāna bhūtānaṁ isiṁ vakkhāmi subbataṁ
so tyāhaṁ dakkhiṇā bāha tava kosiya sammato.
Pitaraṁ me janettiṁ ca bhattukāmassa me sato
vīra puññamidaṁ ṭhānaṁ mā maṁ kosiya vāraya.
Sabbhihetaṁ upaññātaṁ mametaṁ upanissaja
uṭṭhānapāricariyāya dīgharattaṁ tayā kataṁ
mātāpitūsu puññāni mama lokadado bhava.
Tatheva santi manujā dhamme dhammapadaṁ vidū
1 Sī. yaṁ. Yu. yaṁ so. 2 Ma. ayaṁ pāṭho natthi. 3 Sī. ye vasanti.
Yu. ye hi santi.
Maggo saggassa lokassa yathā jānāsi tvaṁ ise.
Uṭṭhānapāricariyāya mātāpitusukhāvahaṁ
taṁ maṁ puññāni vāreti ariyamaggāvaro naro.

[155] Suṇantu bhonto vacanaṁ bhāturajjhāvarā mama
kulavaṁsaṁ mahārāja porāṇaṁ parihāpayaṁ
adhammacārī jeṭṭhesu 1 nirayaṁ so upapajjati 2 .
Ye ca dhammassa kusalā porāṇassa disaṁpati
cārittena ca sampannā na te gacchanti duggatiṁ.
Mātā pitā ca bhātā ca bhaginī ñātibandhavā
sabbe jeṭṭhassa te bhārā evaṁ jānāhi bhāratha 3 .
Ādiyitvā garuṁ bhāraṁ nāviko viya ussahe
dhammañca nappamajjāmi jeṭṭho casmi rathesabha.

[156] Adhigatamhā tame ñāṇaṁ jālaṁva jātavedato
evameva no bhavaṁ dhammaṁ kosiyo pavidaṁsayi.
Yathā udayamādicco vāsudevo pabhaṅkaro
pāṇīnaṁ pavidaṁseti rūpaṁ kalyāṇapāpakaṁ
evameva no bhavaṁ dhammaṁ kosiyo pavidaṁsayi.