[127] Evante yācamānāya kiṁ na kāhāmi te vaco
vikuddho tyasmi kalyāṇī mā tvaṁ bhāyi pabhāvatī.
Saccante 2 paṭijānāmi rājaputtī suṇohi me
na cāpi appiyaṁ tuyhaṁ kareyyāmi ahaṁ puna.
Tava kāmā hi sussoṇi bahudukkhaṁ titikkhisaṁ
bahumaddakulaṁ hantvā nayituṁ taṁ pabhāvatī.

[128] Yojayantu rathe asse nānācitte samāhite
atha dakkhatha me vegaṁ vidhamentassa 3 sattavo.
Tañca tattha udikkhiṁsu rañño maddassantepure 4
vijambhamānaṁ sīhaṁva poṭhentaṁ diguṇaṁ bhujaṁ.

[129] Hatthikkhandhañca āruyha āropetvā pabhāvatiṁ
saṅgāmaṁ otaritvāna sīhanādaṁ nadī kuso.
Tassa taṁ nadato sutvā sīhassevītare migā
1 Ma. yāmā. 2 Ma. sabbaṁ te. 3 Ma. vidhamantassa. 4 Sī. maddassa thīpure.
Khattiyā vipalāyiṁsu kusasaddabhayaṭṭitā 1 .
Hatthārohā anīkaṭṭhā rathikā pattikārakā
aññamaññassa chindanti kusasaddabhayaṭṭitā.
Tasmiṁ saṅgāmasīsasmiṁ passitvā haṭṭhamānaso 2
kusassa rañño devindo adā verocanaṁ maṇiṁ.
So taṁ vijitvā saṅgāmaṁ laddhā verocanaṁ maṇiṁ
hatthikkhandhagato rājā pāvekkhi nagaraṁ puraṁ.
Jīvaggāhaṁ gahetvāna bandhitvā satta khattiye
sassurassūpanāmesi ime te deva sattavo.
Sabbeva te vasaṁ gatā amittā vihatā tava
kāmaṁ karohi te tayā muñca vā te hanassu vā.

[130] Tuyheva sattavo ete nahi te mayha sattavo
tvaññeva no mahārāja muñca vā te hanassu vā.

[131] Imā te dhītaro satta devakaññūpamā subhā
dadāhi nesaṁ ekekaṁ hontu jāmātaro tava.

[132] Amhākañceva tāsañca tvaṁ no sabbesamissaro
tvaññeva no mahārāja dehi nesaṁ yadicchasi.

[133] Ekamekassa ekekaṁ adā sīhassaro kuso
khattiyānaṁ tadā tesaṁ rañño maddassa dhītaro.
Pīṇitā tena lābhena tuṭṭhā sīhassare kuse
1 Yu. kusasaddabhayaṭṭhitā. 2 Sī. tuṭṭhamānaso.
Sakaraṭṭhāni pāyiṁsu khattiyā satta tāvade.
Pabhāvatiñca ādāya maṇiṁ verocanaṁ subhaṁ 1
kusāvatiṁ kuso rājā agamāsi mahabbalo.
Tyassu ekarathe yantā pavisantā kusāvatiṁ
samānā vaṇṇarūpena nāññamaññātirocisuṁ 2 .
Mātā puttena saṅgañchi ubhayo ca jayampatī
samaggā te tadā āsuṁ phītaṁ dharaṇimāvasunti.
Kusajātakaṁ paṭhamaṁ.
--------
2 Soṇanandajātakaṁ

[134] Devatā nusi gandhabbo ādū 3 sakko purindado
manussabhūto iddhimā kathaṁ jānemu taṁ mayaṁ.

[135] Namhi 4 devo na gandhabbo namhi 5 sakko purindado
manussabhūto iddhimā evaṁ jānāhi bhāratha.

[136] Katarūpamidaṁ bhoto 6 veyyāvaccaṁ anappakaṁ
devamhi vassanāmamhi anovassaṁ bhavaṁ akā.
Tato vātātape ghore sītacchāyaṁ bhavaṁ akā.
Tato amittamajjhesu saratāṇaṁ bhavaṁ akā.
Tato phītāni raṭṭhāni vasino te bhavaṁ akā
tato ekasataṁ khatye anuyante 7 bhavaṁ akā.
1 Yu. tadā. 2 Sī. nāññamaññamatirocayuṁ. 3 Ma. adu. Sī. Yu. ād.
4-5 Ma. nāpi. 6 Sī. Yu. bhotā. 7 Yu. anuyutte. ito paraṁ īdisameva.
Patitāssu mayaṁ bhoto vara taṁ bhuñjamicchasi
hatthiyānaṁ assarathaṁ nāriyo ca alaṅkatā
nivesanāni rammāni mayaṁ bhoto dadāmase.
Athavaṅge vā magadhe mayaṁ bhoto dadāmase
athavā assakāvantiṁ sumanā damma te mayaṁ.
Upaḍḍhaṁ vāpi rajjassa mayaṁ bhoto dadāmase
sace te attho rajjena anusāsa yadicchasi.