[117] Eso āḷāriko poso kumārīpuramantare
daḷhaṁ katvāna saṁvellaṁ 5 kumbhiṁ dhovati onato.

[118] Veṇī tvamasi caṇḍālī ādūsi kulagandhinī
kathaṁ maddakule jātā dāsaṁ kayirāsi kāmukaṁ.

[119] Namhi veṇī na caṇḍālī na camhi kulagandhinī
okkākaputto bhaddante tvaṁ nu dāsoti maññasi.
1 Yu. pūjitā. 2 Ma. asso ca sisati. 3 Sī. yo no dukkhā pamocaye.
4 Ma. na. 5 Ma. velliṁ.

[120] Yo brāhmaṇasahassāni sadā bhojeti viṁsati 1
okkākaputto bhaddante tvaṁ nu dāsoti maññasi.
Yassa nāgasahassāni sadā yojenti vīsati
okkākaputto bhaddante tvaṁ nu dāsoti maññasi.
Yassa assasahassāni sadā yojenti vīsati
okkākaputto bhaddante tvaṁ nu dāsoti maññasi.
Yassa rathasahassāni sadā yojenti vīsati
okkākaputto bhaddante tvaṁ nu dāsoti maññasi.
[2]-
Yassa dhenusahassāni sadā dūhanti vīsati
okkākaputto bhaddante tvaṁ nu dāsoti maññasi.

[121] Taggha te dukkaṭaṁ bāle yaṁ khattiyaṁ mahabbalaṁ
nāgaṁ maṇḍūkavaṇṇena na naṁ akkhāsi māgataṁ 3 .

[122] Aparādhaṁ mahārāja tvaṁ no khama rathesabha
yaṁ tvaṁ 4 aññātavesena naññāsimhā idhāgataṁ.

[123] Mādisassa na taṁ channaṁ yohaṁ āḷāriko bhave
tvaññeva me pasīdassu natthi te deva dukkaṭaṁ.

[124] Gaccha bāle khamāpehi kusarājaṁ mahabbalaṁ
khamāpito kusarājā so te dassati jīvitaṁ.

[125] Pitussa vacanaṁ sutvā devavaṇṇī pabhāvatī
sirasā aggahī pāde kusarājaṁ mahabbalaṁ.
1 Ma. vīsatiṁ. ito paraṁ īdisameva.
2 Sī. Yu. yassa usabhasahassāni sadā yojenti vīsatiṁ.
okkāka ... ... ... ... ... ... ... dāsoti maññasi.
3 Ma. na naṁ akkhāsidhāgataṁ. 4 Ma. taṁ.

[126] Yāva 1 ratyo atikkantā tāmā deva tayā vinā
vande te sirasā pāde mā me kujjha rathesabha.
Saccante 2 paṭijānāmi mahārāja suṇohi me
na cāpi appiyaṁ tuyhaṁ kareyyāmi ahaṁ puna.
Evañca yācamānāya vacanaṁ me na kāhasi
idāni maṁ tāto hantvā khattiyānaṁ padassati.