[107] Ete nāgā upatthaddhā sabbe tiṭṭhanti vammikā 2
purā maddanti pākāraṁ ānetetaṁ pabhāvatiṁ.
1 Ma. madhussaroti. 2 Ma. vammitā.

[108] Satta bile 1 karitvāna ahametaṁ pabhāvatiṁ
khattiyānaṁ padassāmi ye maṁ hantuṁ idhāgatā.

[109] Avuṭṭhahi rājaputtī sāmā koseyyavāsinī
assupuṇṇehi nettehi dāsīgaṇapurakkhatā.

[110] Taṁ nūna kakkūpanisevitaṁ mukhaṁ
ādāsadantātharupaccavekkhitaṁ
subhaṁ sunettaṁ virajaṁ anaṅgaṇaṁ
chuḍḍaṁ vane ṭhassati khattiyehi.
Te nūna me asite vellitagge
kese mudū candanasāralitte
samākule sīvathikāya majjhe
pādehi gijjhā parikaḍḍhayanti 2 .
Tā nūna me tambanakhā sulomā
bāhā mudū candanasāralittā
chinnā vane ujjhitā khattiyehi
gayha dhaṅko 3 gacchati yena kāmaṁ.
Te nūna tālūpanibhe alambe
nisevite kāsikacandanena
thanesu me lambissati sigālo
mātūva putto taruṇo tanujo.
1 Sī. Yu. khaṇḍe. 2 ma parikaḍḍhissanti. 3 Yu. vako.
Taṁ nūna soṇiṁ puthulaṁ sukoṭṭitaṁ
nisevitaṁ kañcanamekhalāhi
chinnaṁ vane khattiyehi avatthaṁ
sigālasaṅghā parikaḍḍhayanti 1 .
Soṇā dhaṅkā 2 sigālā ca ye caññe santi dāṭhino
ajarā nūna hessanti bhakkhayitvā pabhāvatiṁ.
Sace maṁsāni hariṁsu khattiyā dūragāmino
aṭṭhīni amma yācitvā anupanthe dahātha naṁ.
Khettāni amma kāretvā kaṇikārettha ropaye 3
yadā te pupphitā assu hemantānaṁ himaccaye
sareyyātha mamaṁ amma evaṁvaṇṇā pabhāvatī.

[111] Tassā mātā udaṭṭhāsi khattiyā devavaṇṇinī
disvā asiñca sūnañca rañño maddassantepure.

[112] Iminā nūna asinā susaññaṁ tanumajjhimaṁ
dhītaraṁ madda 4 hantvāna khattiyānaṁ padassasi 5 .

[113] Na me akāsi vacanaṁ atthakāmāya puttike
sājja lohitasañchannā gacchasi yamasādhanaṁ.
Evamāpajjati poso pāpiyañca nigacchati
yo ce 6 hitānaṁ vacanaṁ na karoti atthadassinaṁ.
Saceva ajja dhāresi kumāraṁ cārudassanaṁ
1 Ma. parikaḍḍhissanti. 2 Yu. vakā. 3 Ma. ropaya. 4 Yu. maddo.
5 Yu. padassati. 6 Ma. ve.
Kusena jātaṁ khattiyaṁ suvaṇṇamaṇimekhalaṁ.
Pūjitaṁ 1 ñātisaṅghehi na gacchasi yamakkhayaṁ
yatthassu bherī nadati kuñjaro ca nikūjati
khattiyānaṁ kule bhadde kiṁ nu sukhataraṁ tato.
Asso hasiyati 2 dvāre kumāro uparodati
khattiyānaṁ kule bhadde kiṁ nu sukhataraṁ tato.
Mayūrakoñcābhirude kokilābhinikūjite
khattiyānaṁ kule bhadde kiṁ nu sukhataraṁ tato.

[114] Kahaṁ nu so sattumaddano pararaṭṭhappamaddano
kuso soḷārapaññāṇo yo no dukkhā pamocaye.

[115] Idheva so sattumaddano pararaṭṭhappamaddano
kuso soḷārapaññāṇo yo ne sabbe vadhissati 3 .

[116] Ummattikā nu bhaṇasi andhabālā pabhāsasi
kuso ce āgato assa kiṁ nu 4 jānemu taṁ mayaṁ.