[157] Evaṁ me yācamānassa añjaliṁ nāvabujjhatha
tava paṭṭhacaro 4 hessaṁ vuṭṭhito paricārako.

[158] Addhā nanda vijānāsi saddhammaṁ sabbhidesitaṁ
1 Sī. yo jeṭṭho. 2 Ma. sopapajjati. 3 Ma. bhāradha. 4 Ma. paddhacaro.
Yu. baddhañcaro.
Ariyo ariyasamācāro bāḷhaṁ tvaṁ mama ruccasi.
Bhavantaṁ vadāmi bhotiñca suṇātha vacanaṁ mama
nāyaṁ bhāro bhāramatto 1 ahu mayhaṁ kudācanaṁ.
Taṁ maṁ upaṭṭhitaṁ santaṁ mātāpitusukhāvahaṁ
nando ajjhāvaraṁ katvā upaṭṭhānāya yācati.
Yo ce 2 icchati kāmena santānaṁ brahmacārinaṁ
nandaṁ vo varatha 3 eko kaṁ nando upatiṭṭhatu.

[159] Tayā tāta anuññātā soṇa taṁ nissitā mayaṁ
upaghātuṁ labhe nandaṁ muddhani brahmacārinaṁ.

[160] Assatthasseva taruṇaṁ pavālaṁ 4 māluteritaṁ
cirassaṁ nandaṁ disvāna hadayaṁ me pavedhati.
Yadā suttāpi suppante 5 nandaṁ passāmi āgataṁ
udaggā sumanā homi nando no āgato ayaṁ.
Yadā ca paṭibujjhitvā nandaṁ passāmi nāgataṁ
bhiyyo āvisati soko domanassañcanappakaṁ.
Sāhaṁ ajja cirassaṁpi nandaṁ passāmi āgataṁ
bhattu ca mayhañca piyo nando no pāvisī gharaṁ.
Pitu ca 6 nando suppiyo yaṁ nando nappavase gharaṁ 7
labhatu tāta nando taṁ maṁ nando upatiṭṭhatu.
1 Ma. bhāramato. 2 Ma. ve. 3 Yu. nandaṁ va vadatha. 4 Ma. pavāḷaṁ.
5 Ma. supine. 6 Ma. pitupi. 7 Ma. gharā.

[161] Anukampakā patiṭṭhā ca pubbe rasadadī ca no
maggo saggassa lokassa mātā taṁ varate ise.
Pubbe rasadadī gottī mātā puññūpasañhitā
maggo saggassa lokassa mātā taṁ varate ise.

[162] Ākaṅkhamānā puttaphalaṁ devatāya namassati
nakkhattāni ca pucchati utusaṁvaccharāni ca.
Tassā utusi 1 nhātāya hoti gabbhassavakkamo 2
tena dohaḷinī hoti suhadā tena vuccati.
Saṁvaccharaṁ vā ūnaṁ vā pariharitvā vijāyati
tena sā janayantīti janettī tena vuccati.
Thanakkhīrena gītena aṅgapāvuraṇena ca
rodantaṁ puttaṁ toseti tosentī tena vuccati.
Tato vātātape ghore mammaṁ katvā udikkhati
dārakaṁ appajānantaṁ posentī tena vuccati.
Yañca mātu dhanaṁ hoti yañca hoti pituddhanaṁ
ubhayampetassa gopeti api puttassa no siyā.
Evaṁ putta aduṁ putta iti mātā vihaññati
pamattaṁ paradāresu nissive 3 pattayobbane
sāyaṁ puttaṁ anāyantaṁ iti mātā vihaññati.
1 Ma. utumhi. 2 Ma. gabbhassavokkamo. 3 Ma. nisīthe.
Evaṁ kicchābhato poso mātu aparicārako
mātari micchācaritvāna nirayaṁ so upapajjati 1 .
Evaṁ kicchābhato poso pitu aparicārako
pitari micchācaritvāna nirayaṁ so upapajjati.
Dhanampi 2 dhanakāmānaṁ nassati iti me sutaṁ
mātaraṁ aparicaritvāna kicchaṁ vā so nigacchati.
Dhanampi 3 dhanakāmānaṁ nassati iti me sutaṁ
pitaraṁ aparicaritvāna kicchaṁ vā so nigacchati.
Ānando ca pamodo ca sadā hasitakīḷitaṁ
mātaraṁ paricaritvāna labbhametaṁ vijānato.
Ānando ca pamodo ca sadā hasitakīḷitaṁ
pitaraṁ paricaritvāna labbhametaṁ vijānato.
Dānañca piyavācañca 4 atthacariyā ca yā idha
samānattatā ca dhammesu tattha tattha yathārahaṁ.
Ete kho saṅgahā loke rathassāṇīva yāyato
ete ca saṅgahā nāssu na mātā puttakāraṇā
labhetha mānaṁ pūjaṁ vā pitā vā puttakāraṇā.
Yasmā ca saṅgahā ete samavekkhanti 5 paṇḍitā
tasmā mahattaṁ papponti pāsaṁsā ca bhavanti te.
Brahmāti mātāpitaro pubbācariyāti vuccare
1 Ma. sopapajjati. ito paraṁ īdisameva. 2-3 Ma. dhanāpi. 4 Ma. peyyavajjañca.
5 Ma. sammavekkhanti.
Āhuneyyā ca puttānaṁ pajāya anukampakā.
Tasmā hi te namasseyya sakkareyya ca paṇḍito
annena atho pānena vatthena sayanena ca
ucchādanena nhānena pādānaṁ dhovanena ca.
Tāya naṁ pāricariyāya 1 mātāpitūsu paṇḍitā
idheva naṁ pasaṁsanti pecca sagge pamodatīti.
Soṇanandajātakaṁ dutiyaṁ.
--------
Tassuddānaṁ
atha sattatimamhi nipātavare
sabhāvantukusāvatirājavaro
atha soṇasunandavaro ca puna
abhivāsita sattatimamhi sute.
Sattatinipātaṁ niṭṭhitaṁ.
--------
1 Yu. paricariyāya.
Asītinipātaṁ
1 cullahaṁsajātakaṁ

[163] Sumukha anupacinantā pakkamanti vihaṅgamā
gaccha tuvaṁpi mā kaṅkhi natthi bandhe 1 sahāyatā.

[164] Gacche vāhaṁ na vā gacche na tena amaro siyaṁ
sukhitantaṁ upāsitvā dukkhitantaṁ kathaṁ jahe.
Maraṇaṁ vā tayā saddhiṁ jīvitaṁ vā tayā vinā
tadeva maraṇaṁ seyyo yañce jīve tayā vinā.
Nesa dhammo mahārāja yantaṁ evaṁ gataṁ jahe
yā gati tuyhaṁ sā mayhaṁ ruccate vihagādhipa.

[165] Kā nu pāsena bandhassa 2 gati aññā mahānasā
sā kathaṁ cetayānassa muttassa tava ruccati.
Kaṁ vā tvaṁ passase atthaṁ mama tuyhañca pakkhima
ñātīnaṁvāvasiṭṭhānaṁ ubhinnaṁ jīvitakkhaye.
Yanna kañcanadvepiccha 3 andhena tamasā kataṁ
tādise sañcajaṁ pāṇaṁ kimatthamabhijotaye 4 .

[166] Kathaṁ nu patataṁ seṭṭha dhamme atthaṁ na bujjhasi
dhammo apacito santo atthaṁ dasseti pāṇinaṁ.
Sohaṁ dhammaṁ apekkhāno dhammā catthaṁ samuṭṭhitaṁ
1 Ma. baddhe. 2 Ma. baddhassa. 3 Ma. kañcanadepiñcha. 4 Ma. kamattha ....
Bhattiñca tayi sampassaṁ nāvakaṅkhāmi jīvitaṁ.
Addhā eso sataṁ dhammo yo mitto mittamāpade
na caje jīvitassāpi hetu dhammamanussaraṁ.