[207] Yassa tvaṁ bhatako rañño kāmaṁ tasseva pāpaya
tassa 2 saṁyamano rājā yathābhiññaṁ karissati.

[208] Iccevaṁ vutto nesādo hemavaṇṇe harittace
ubho hatthehi paggayha 3 pañjare ajjhavodahi.
Te pañjaragate pakkhī ubho bhassaravaṇṇine
sumukhaṁ dhataraṭṭhañca luddo ādāya pakkami.

[209] Hariyamāno dhataraṭṭho sumukhaṁ etadabravi
bāḷhaṁ bhāyāmi sumukha sāmāya lakkhaṇūruyā
asmākaṁ vadhamaññāya athattānaṁ vadhissati.
Pākahaṁsā ca sumukha suhemā hemasuttacā
koñcī samuddatīreva kapaṇā nūna ruccati.

[210] Evaṁ mahanto lokassa appameyyo mahāgaṇī
ekitthimanusoceyya nayidaṁ paññavatomiva.
1 Ma. ariyavattasi. 2 Ma. tattha. 3 Ma. saṅgayha.
Vātova gandhamādeti ubhayaṁ chekapāpakaṁ
bālo āmakapakkaṁva lolo andhova āmisaṁ.
Avinicchayaññū atthesu mandova paṭibhāsi maṁ
kiccākiccaṁ na jānāsi sampatto kālapariyāyaṁ.
Aḍḍhummatto udīresi yo seyyo maññasitthiyo
bahusādhāraṇā hetā soṇḍānaṁva surāgharaṁ.
Māyā cetā marīcīva sokā rogā cupaddavā
kharāva bandhanā cetā maccupāsā guhāsayā
tāsu yo vissase poso so naresu narādhamo.

[211] Yaṁ vuḍḍhehi upaññātaṁ ko taṁ ninditumarahati
mahābhūtitthiyo nāma lokasmiṁ upapajjisuṁ.
Khiḍḍā paṇihitā tāsu rati tāsu patiṭṭhitā
vījāni tāsu rūhanti yadidaṁ sattā pajāyare
tāsu ko nibbije 1 poso pāṇamāsajja pāṇibhi.
Tvameva nāñño sumukha thīnaṁ atthesu yuñjasi
tassa tyajja bhaye jāte bhītena jāyate mati.
Sabbo hi saṁsayaṁ patto bhayaṁ bhīru titikkhati
paṇḍitā hi mahantāno atthe yuñjanti duyyuje.
Etadatthāya rājāno sūramicchanti mantinaṁ
paṭibāhati yaṁ sūro āpadaṁ attapariyāyaṁ.
1 Ma. nibbide.
Mā no ajja vikantiṁsu rañño sūdā mahānase
tathāhi vaṇṇo pattānaṁ phalaṁ veḷuṁva taṁ vadhi.
Muttopi necchasi uḍḍetuṁ sayaṁ bandhaṁ upāgami
sopajja saṁsayaṁ patto atthaṁ gaṇhāhi mā mukhaṁ.

[212] So tvaṁ 1 yogaṁ payuñjassu yuttaṁ dhammūpasañhitaṁ
tava pariyāpadānena mama pāṇesanaṁ cara.

[213] Mā bhāyi patataṁ seṭṭha na hi bhāyanti tādisā
ahaṁ yogaṁ payuñjissaṁ yuttaṁ dhammūpasañhitaṁ
mama pariyāpadānena khippaṁ pāsā pamokkhasi.

[214] So luddo haṁsakājena rājadvāraṁ upāgami
paṭivedetha maṁ rañño dhataraṭṭhāyamāgato.

[215] Te disvā puññasaṅkāse ubho lakkhaṇasammate 2
khalu saññamano rājā amacce ajjhabhāsatha.
Detha luddassa vatthāni annaṁ pānañca bhojanaṁ
kāmaṅkaro hiraññassa yāvanto esa icchati.

[216] Disvā luddaṁ pasannattaṁ kāsirājetadabravi 3
yadāyaṁ 4 samma khemaka puṇṇā haṁsehi tiṭṭhati.
Kathaṁ rucimajjhagataṁ pāsahattho upāgami
okiṇṇaṁ ñātisaṅghehi nimmajjhimaṁ kathaṁ gahi.