[77] Idaṁ vatvāna pakkāmi soṇako amitabuddhimā
vehāse antalikkhasmiṁ anusāsitvāna khattiyaṁ.
1 Sī. uppatitvā. Yu. udāpatvā. 2 Ma. vipakkhakaṁ. Sī. Yu. vipakkhinaṁ.
3 kākapaññāva. 4 Sī. dāso ayyassa. Yu. dāso ayirassa.

[78] Ko nume rājakattāro sūtā veyyattimāgatā 1
rajjaṁ niyyādayissāmi nāhaṁ rajjena matthiko.
Ajjeva pabbajissāmi ko jaññā maraṇaṁ suve
nāhaṁ kākova dummedho kāmānaṁ vasamanvagā 2 .

[79] Atthi te daharo putto dīghāvu raṭṭhavaḍḍhano
taṁ rajje abhisiñcassu so no rājā bhavissati.

[80] Khippaṁ kumāraṁ ānetha dīghāvuṁ raṭṭhavaḍḍhanaṁ
taṁ rajje abhisiñcassu so vo rājā bhavissati.

[81] Tato kumāramānesuṁ dīghāvuṁ raṭṭhavaḍḍhanaṁ
taṁ disvā ālapi rājā ekaputtaṁ manoramaṁ.
Saṭṭhī gāmasahassāni paripuṇṇāni sabbaso
te putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
māhaṁ kākova dummedho kāmānaṁ vasamanvagaṁ.
Saṭṭhī nāgasahassāni sabbālaṅkārabhūsitā
suvaṇṇakacchā mātaṅgā hemakappanavāsasā.
Ārūḷhā gāmaṇīyebhi tomaraṅkusapāṇibhi
te putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
māhaṁ kākova dummedho kāmānaṁ vasamanvagaṁ.
1 Ma. suddā veyyattamāgatā. 2 Ma. vasamanvagaṁ. ito paraṁ īdisameva.
Saṭṭhī assasahassāni sabbālaṅkārabhūsitā
ājānīyā ca 1 jātiyā sindhavā sīghavāhanā
ārūḷhā gāmaṇīyebhi indiyācāpadhāribhi
te putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
māhaṁ kākova dummedho kāmānaṁ vasamanvagaṁ.
Saṭṭhī rathasahassāni sannaddhā ussitaddhajā
dīpā athopi veyyagghā sabbālaṅkārabhūsitā.
Ārūḷhā gāmaṇīyebhi cāpahatthehi cammibhi 2
te putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
māhaṁ kākova dummedho kāmānaṁ vasamanvagaṁ.
Saṭṭhī dhenusahassāni rohaññā puṅgavūsabhā
tā putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
māhaṁ kākova dummedho kāmānaṁ vasamanvagaṁ.
Soḷasitthīsahassāni sabbālaṅkārabhūsitā
vicitravatthābharaṇā āmuttamaṇikuṇḍalā
tā putta paṭipajjassu rajjaṁ niyyādayāmi te.
Ajjeva pabbajissāmi ko jaññā maraṇaṁ suve
1 Ma. va. 2 Ma. vammibhi.
Māhaṁ kākova dummedho kāmānaṁ vasamanvagaṁ.

[82] Daharasseva me tāta mātā matāti me sutaṁ
tayā vinā ahaṁ tāta jīvituṁpi na ussahe.
Yathā āraññakaṁ nāgaṁ poto anveti pacchato
jessantaṁ giriduggesu samesu visamesu ca.
Evantaṁ anugacchāmi puttamādāya 1 pacchato
subharo te bhavissāmi na te hessāmi dubbharo.

[83] Yathā sāmuddikaṁ nāvaṁ vāṇijānaṁ dhanesinaṁ
vohāro tattha gaṇheyya vāṇijā byasanī siyā
evamevāyaṁ puttaka 2 antarāyakaro mama.

[84] Imaṁ kumāraṁ pāpetha pāsādaṁ rativaḍḍhanaṁ
tattha kambusahatthāyo yathā sakkaṁva accharā
tā naṁ tattha ramissanti 3 tāhi ceso 4 ramissati.

[85] Tato kumāraṁ pāpesuṁ pāsādaṁ rativaḍḍhanaṁ
taṁ disvā avacuṁ kaññā dīghāvuṁ raṭṭhavaḍḍhanaṁ.
Devatā nusi gandhabbo ādū sakko purindado
ko vā tvaṁ kassa vā putto kathaṁ jānemu taṁ mayaṁ.

[86] Namhi devo na gandhabbo napi sakko purindado
kāsirañño ahaṁ putto dīghāvu raṭṭhavaḍḍhano
mamaṁ bharatha bhaddaṁ vo ahaṁ bhattā bhavāmi vo.
1 Ma. pattamādāya. 2 Ma. puttakali. 3 ma ramessanti. 4 Yu. meso.