[2507] Na me bhayaṁ anvagataṁ mahantaṁ
tejo na sakkā mama tebhihantuṁ 2
satañca dhammāni sukittitāni
samuddavelāva duraccayāni.
Cātuddasiṁ pañcadasiṁ aḷāra
uposathaṁ niccamupāvasāmi
athāgamuṁ soḷasa bhojaputtā
rajjuṁ gahetvāna daḷhañca pāsaṁ.
Bhetvāna nāsaṁ atikassa rajjuṁ
nayiṁsu maṁ samparigayha luddā
etādisaṁ dukkhamahaṁ titikkhaṁ
uposathaṁ appaṭikopayanto.

[2508] Ekāyane taṁ pathe addasaṁsu
1 Ma. hatthattamāgacchi. 2 Ma. tehi hantuṁ.
Balena vaṇṇena cupetarūpaṁ
siriyā paññāya ca bhāvitosi
kimatthiyaṁ 1 nāga tapo karosi.

[2509] Na puttahetu na dhanassa hetu
na āyuno cāpi aḷāra hetu
manussayoniṁ abhipatthayāno
tasmā parakkamma tapo karomi.

[2510] Tvaṁ lohitakkho vihatantaraṁso
alaṅkato kappitakesamassu
surosito lohitacandanena
gandhabbarājāva disā pabhāsasi.
Deviddhipattosi mahānubhāvo
sabbehi kāmehi samaṅgibhūto
pucchāmi taṁ nāgarājetamatthaṁ
seyyo ito kena manussaloko.

[2511] Aḷāra nāññatra manussalokā
saddhī va saṁvijjati saṁyamo vā
ahañca laddhāna manussayoniṁ
kāhāmi jātimaraṇassa antaṁ.
1 Ma. kiṁ patthayaṁ.

[2512] Saṁvaccharo me vasato 1 tavantike
annena pānena upaṭṭhitosmi
āmantayitvāna palemi nāga
cirappavuṭṭhosmi ahaṁ janinda.

[2513] Puttā ca dārā anujīvino ca
niccānusiṭṭhā upatiṭṭhate taṁ
kaccinu te nābhisaṁsittha koci
piyañhi me dassanaṁ tuyha aḷāra.

[2514] Yathāpi mātu ca pitu agāre
putto piyo paṭivihito vaseyya 2
tatopi mayhaṁ idhameva seyyo
cittañhi te nāga mayi pasannaṁ.

[2515] Maṇi mamaṁ vijjati lohitaṅgo
dhanāharo maṇiratanaṁ uḷāraṁ
ādāya tvaṁ gaccha sakaṁ niketaṁ
laddhā dhanantaṁ maṇimossajassu.

[2516] Diṭṭhā mayā mānusakāpi kāmā
asassatā vipariṇāmadhammā
ādīnavaṁ kāmaguṇesu disvā
saddhāyahaṁ pabbajitomhi rāja.
1 Yu. vusito. 2 Yu. vaseyyo.
Dumapphalāneva patanti māṇavā
daharā ca vuḍḍhā ca sarīrabhedā
etaṁpi disvā pabbajitomhi rāja
apaṇṇakaṁ sāmaññameva seyyo.