[2487] Idaṁ vatvāna pakkāmi accharā kāmavaṇṇinī
missā missetumicchantī isisiṅgaṁ alambusā.

[2488] So ca vegena nikkhamma chetvā dandhaparakkamaṁ
tamuttamāsu veṇīsu ajjhappatto parāmasi.
Tamudāvatta kalyāṇī palissajji susobhanī 3
cavi tamhā 4 brahmacariyā yathā taṁ atha tositā.
Manasā agamā indaṁ vasantaṁ nandane vane
tassā saṅkappamaññāya maghavā devakuñjaro
pallaṅkaṁ pāhini khippaṁ sovaṇṇaṁ sopavāhanaṁ.
Sauracchadapaññāsaṁ sahassapaṭiyatthataṁ
1 Yu. kanakaggā. 2 Ma. upagūhissaṁ. 3 Ma. susobhanā. 4 Ma. cavitamhi.
Tamenaṁ tattha dhāresi ure katvāna sobhanā.
Yathā ekamuhuttaṁva tīṇi vassāni dhārayi
vimado tīhi vassehi pabujjhitvāna brāhmaṇo.
Addasāsi haritarukkhe samantā aggiyāyanaṁ
navapattavanaṁ phullaṁ kokilagaṇaghositaṁ.
Samantā paviloketvā rudaṁ assūni vattayi
na juhe na jape mante aggihuttaṁ pahāpitaṁ.
Ko nu me pāricariyāya pubbe cittaṁ palobhayi
araññe me viharato yo me tejāhasambhutaṁ
nānārattanaparipūraṁ nāvaṁva gaṇhi aṇṇave.

[2489] Ahante pāricariyāya devarājena pesitā
avadhi 1 cittaṁ cittena pamādā 2 tvaṁ na bujjhasi.

[2490] Imāni kira maṁ tāto kassapo anusāsati
kamalāsarisitthiyo 3 tāyo bujjhesi māṇava.
Ure gaṇḍāyo bujjhesi tāyo bujjhesi māṇava
iccānusāsimaṁ tāto yathā maṁ anukampako.
Tassāhaṁ vacanaṁ nākaṁ pitu buddhassa sāsanaṁ
araññe nimmanussamhi svajja jhāyāmi ekako.
Sohaṁ tathā karissāmi dhiratthu jīvitena me
puna vā tādiso hessaṁ maraṇaṁ me bhavissati.
1 Ma. avadhiṁ. 2 Ma. pamādo. 3 Ma. kamalāsadisitthiyo.

[2491] Tassa tejaṁ viriyañca dhitiṁ ñatvā avaṭṭhitaṁ
sirasā aggahī pāde isisiṅgaṁ alambusā.
Mā me kujjha mahāvīra mā me kujjha mahāise
mahā attho mayā ciṇṇo tidasānaṁ yasassinaṁ
tayā saṅkampitaṁ āsi sabbaṁ devapuraṁ tadā.

[2492] Tāvatiṁsā ca ye devā tidasānañca vāsavo
tvañca bhadde sukhī hohi gaccha kaññe yathāsukhaṁ.

[2493] Tassa pāde gahetvāna katvā ca naṁ padakkhiṇaṁ
añjaliṁ paggahetvāna tamhā ṭhānā apakkami.
Yo tassā āsi 1 pallaṅko sovaṇṇo sopavāhano
sauracchadapaññāso sahassapaṭiyatthato
tameva pallaṅkamāruyha agā devāna santike.
Tamokkamiva āyantiṁ jalantiṁ vijjutaṁ yathā
patīto sumano vitto devindo adadā varaṁ.

[2494] Varañce me ado sakka sabbabhūtānamissara
na isipalobhikā 2 gacche etaṁ sakka varaṁ vareti.
Alambusājātakaṁ tatiyaṁ.
--------
4 Saṅkhapālajātakaṁ

[2495] Ariyāvakāsosi pasannanetto
1 Ma. yo ca tassāsi. 2 Ma. nisippalobhikā.
Maññe bhavaṁ pabbajito kulamhā
kathaṁ nu vittāni pahāya bhoge
pabbaji nikkhamma gharā sapañño 1 .

[2496] Sayaṁ vimānaṁ naradeva disvā
mahānubhāvassa mahoragassa
disvāna puññāna mahāvipākaṁ
saddhāyahaṁ pabbajitomhi rāja.