[2497] Na kāmakāmā na bhayā na dosā
vācaṁ musā pabbajitā bhaṇanti
akkhāhi me pucchito etamatthaṁ
sutvāna me jāyihitippasādo.

[2498] Vāṇijja raṭṭhādhipa gacchamāno
pathe addasāsimhi bhojaputte 2
pavaḍḍhakāyaṁ uragaṁ mahantaṁ
ādāya gacchante pamodamāne.
Sohaṁ samāgamma janinda tehi
pahaṭṭhalomo avacamhi bhīto
kuhiṁ ayaṁ nīyati bhīmakāyo
nāgena kiṁ kāhatha bhojaputtā 3 .
Nāgo ayaṁ nīyati bhojanatthaṁ 4
1 Ma. sapañña. Yu. sapaññā. 2-3 Sī. Yu. milā ca putte.
4 Ma. bhojanatthā. evamupari.
Pavaḍḍhakāyo urago mahanto
sāduñca thūlañca muduñca maṁsaṁ
na tvaṁ rasaññāsi videhaputta.
Ito mayaṁ gantvā sakaṁ niketaṁ 1
ādāya satthāni vikopayitvā
maṁsāni bhakkhāma 2 pamodamānā
mayaṁ hi vo 3 sattavo pannagānaṁ.
Sace ayaṁ nīyati bhojanatthaṁ
pavaḍḍhakāyo urago mahanto
dadāmi vo balibaddhāni soḷasa
nāgaṁ imaṁ muñcatha bandhanasmā.
Addhā hi no bhakkho ayaṁ manāpo
bahū ca no oragā 4 bhuttapubbā
karoma te taṁ vacanaṁ aḷāra
mittañca no hohi videhaputta.
Tadassu te bandhanā mocayiṁsu
yaṁ natthuto paṭimokkhassa pāse
mutto ca so bandhanā nāgarājā
pakkāmi pācīnamukho muhuttaṁ.
Gantvāna pācīnamukho muhuttaṁ
1 Yu. niketanaṁ. 2 Ma. bhokkhāma. 3 Ma. ve. 4 Ma. uragā.
Puṇṇehi nettehi palokayī maṁ
tadassahaṁ piṭṭhito anvagacchiṁ
dasaṅgulī 1 añjaliṁ paggahetvā.
Gaccheva kho tvaṁ taramānarūpo
mā taṁ amittā punaraggahesuṁ
dakkho hi luddehi punā samāgamo
adassanaṁ bhojaputtāna gaccha.
Agamāsi so rahadaṁ vippasannaṁ
nīlobhāsaṁ ramaṇīyaṁ sutitthaṁ
samonataṁ 2 jambuhi vedisāhi
pāvekkhi nittiṇṇabhayo patīto.
So taṁ pavissa na cirassa nāgo
dibbena me pāturahū 3 janinda
upaṭṭhahī maṁ pitaraṁva putto
hadayaṅgamaṁ kaṇṇasukhaṁ bhaṇanto.
Tvaṁ mesi mātā ca pitā aḷāra
abbhantaro pāṇadado sahāyo
sakañca iddhiṁ paṭilābhakosmi 4
aḷāra passa me nivesanāni
pahūtabhakkhaṁ bahuannapānaṁ
1 Ma. dasaṅguthiṁ. 2 Ma. samotataṁ. 3 Ma. pāturahuṁ. 4 Yu. paṭilābhitosmi.
Masakkasāraṁ viya vāsavassa.

[2499] Taṁ bhūmibhāgehi upetarūpaṁ
asakkharā ceva mudū sabhā ca
nīcātiṇā 1 apparajā ca bhūmi
pāsādikā yattha jahanti sokaṁ.
Anāvakalā veḷuriyūpanīlā
catuddisaṁ ambavanaṁ surammaṁ
pakkā ca pesī ca phalā suphullā
niccotukā dhārayanti phalāni.

[2500] Tesaṁ vanānaṁ naradeva majjhe
nivesanaṁ bhassarasannikāsaṁ
rajataggaḷaṁ sovaṇṇamayaṁ uḷāraṁ
obhāsati vijjurivantalikkhe.
Maṇimayā sovaṇṇamayā 2 uḷārā
anekacittā sasataṁ sunimmitā
paripūrā kaññāhi alaṅkatāhi
suvaṇṇakāyūradharāhi rāja.
So saṅkhapālo taramānarūpo
pāsādamāruyha anomavaṇṇo
sahassathambhaṁ atulānubhāvaṁ
1 Ma. nīcattinā. 2 Ma. soṇṇamayā.
Yatthassa bhariyā mahesī ahosi.
Ekā ca nārī taramānarūpā
ādāya veḷuriyamayaṁ mahagghaṁ
subhaṁ maṇiṁ jātimantūpapannaṁ
acoditā āsanamabbhihāsi.
Tato maṁ hatthe urago gahetvā
nisīdayī pāmukhāasanasmiṁ
idamāsanaṁ atra bhavaṁ nisīdatu
bhavañhi me aññataro garūnaṁ.
Aññā ca nārī taramānarūpā
ādāya vāriṁ upasaṅkamitvā
pādāni pakkhālayi me janinda
bhariyāva bhattū patino piyassa.
Aparā ca nārī taramānarūpā
paggayha sovaṇṇamayāya pātiyā
anekasūpaṁ vividhaṁ viyañjanaṁ
upanāmayī bhatta manuññarūpaṁ.
Turiyehi maṁ bhārata bhuttavantaṁ
upaṭṭhahuṁ bhattu mano viditvā
tatuttariṁ maṁ nipatī mahantaṁ
Dibbehi kāmehi anappakehi.

[2501] Bhariyā mametā tisatā aḷāra
sabbattamajjhā padumuttarābhā
aḷāra etāsu te kāmakārā
dadāmi te tā paricārayassu.

[2502] Saṁvaccharaṁ dibbarasānubhutvā
tadāssuhaṁ uttari paccabhāsiṁ 1
nāgassidaṁ kinti kathañca laddhaṁ
kathajjhagamāsi vimānaseṭṭhaṁ.
Adhicca laddhaṁ parināmajante
sayaṁ kataṁ udāhu devehi dinnaṁ
pucchāmi taṁ 2 nāgarājetamatthaṁ
kathajjhagamāsi vimānaseṭṭhaṁ.

[2503] Nādhicca laddhaṁ na pariṇāmajaṁ me
na sayaṁ kataṁ nāpi devehi dinnaṁ
sakehi kammehi apāpakehi
puññehi me laddhamidaṁ vimānaṁ.

[2504] Kinte vataṁ kiṁ pana brahmacariyaṁ
kissa suciṇṇassa ayaṁ vipāko
akkhāhi me nāgarājetamatthaṁ
1 Ma. uttarimajjhabhāsiṁ. 2 Yu. te.
Kathaṁ nu te laddhamidaṁ vimānaṁ.

[2505] Rājā ahosiṁ magadhānamissaro
duyyodhano nāma mahānubhāvo
so ittaraṁ jīvitaṁ saṁviditvā
asassataṁ vipariṇāmadhammaṁ.
Annañca pānañca pasannacitto
sakkacca dānaṁ vipulaṁ adāsiṁ
opānabhūtaṁ me gharaṁ tadāsi
santappitā samaṇabrāhmaṇā ca.
Mālañca gandhañca vilepanañca
padīpayaṁ yānamupassayañca
acchādanaṁ seyyamathannapānaṁ
sakkacca dānāni adamha tattha.
Taṁ me vataṁ taṁ pana brahmacariyaṁ
tassa suciṇṇassa ayaṁ vipāko
teneva me laddhamidaṁ vimānaṁ
pahūtabhakkhaṁ bahuannapānaṁ.

[2506] Naccehi gītehi cupetarūpaṁ
ciraṭṭhitīkaṁ na ca sassatāyaṁ
appānubhāvā taṁ mahānubhāvaṁ
Tejassinaṁ hanti atejavanto
kimeva dāṭhāvudha kiṁ paṭicca
hatthatthamāgacchi 1 vanibbakānaṁ.
Bhayaṁ nu te anvagataṁ mahantaṁ
tejo nu te nānvagataṁ dantamūlaṁ
kimeva dāṭhāvudha kiṁ paṭicca
kilesamāpajji vanibbakānaṁ.