[2517] Addhā have sevitabbā sapaññā
bahussutā ye bahuṭhānacintino
nāgañca sutvāna tuvañcaḷāra
kāhāmi puññāni anappakāni.

[2518] Addhā have sevitabbā sapaññā
bahussutā ye bahuṭhānacintino
nāgañca sutvāna mamañca rāja
karohi puññāni anappakānīti.
Saṅkhapālajātakaṁ catutthaṁ.
----------
5 Cullasutasomajātakaṁ

[2519] Āmantayāmi nigamaṁ mittāmacce pārisajje 1 ca
sirasmiṁ palitaṁ jātaṁ pabbajjaṁdāni rocahaṁ.

[2520] Abhuṁ me kathaṁ nu bhaṇasi
sallaṁ me deva urasi kappesi
sattasatā te bhariyā
1 Ma. parissaje.
Kathaṁ nu te tā bhavissanti.

[2521] Paññāyihinti etā daharā
aññaṁpi tā gamissanti
saggañca 1 patthayāno
tenāhaṁ pabbajissāmi.

[2522] Dulladdhaṁ me āsi sutasoma
yassa te homahaṁ mātā
yaṁ me vilapantiyā
anapekkho pabbajasi deva.
Dulladdhaṁ me āsi sutasoma
yaṁ taṁ ahaṁ vijāyissaṁ
yaṁ me vilapantiyā
anapekkho pabbajasi deva.

[2523] Ko nāmeso dhammo sutasoma
kā ca nāma pabbajjā
yaṁ no amhe jiṇṇe pahāya
anapekkho pabbajasi deva.

[2524] Puttāpi tuyhaṁ bahavo
daharā appattayobbanā
mañjū tepi taṁ apassantā
1 Ma. saggaṁ cassa.
Maññe dukkhaṁ nigacchanti.

[2525] Puttehi ca me etehi
daharehi appattayobbanehi
mañjūhi sabbehipi tumhehi
ciraṁpi ṭhatvā vinābhāvo 1 .

[2526] Chinnaṁ nu tuyhaṁ hadayaṁ
ādū 2 karuṇā ca natthi amhesu
yaṁ no vikandantiyo
anapekkho pabbajasi deva.